殺老師
23
Feb 16
00:36
新聞

再見殺老師,暗殺教室要完了!

由2012年開始喺 《週刊少年JUMP》連載嘅《暗殺教室》啱啱就宣佈左去到3月就會正式Byebye!   《暗殺教室》講一個最強嘅超生物《殺老師》炸完月球不得止,仲話要爆埋成個地球!搞到俾各國首腦通緝。唔知點解又誤打誤撞去左一間中學教書,所以d首腦就要求班學生,一年內殺左個老師,唔止俾獎金佢地,仲俾埋特製武器佢地對付老師!   結果,成個故事就係由睇住班學生點樣絞盡腦汁 KO 老師而展開。   因為佢題材夠新穎過癮,一直都吸左唔少粉絲,仲威威豬到出埋動畫同電影。     可惜3月推出嘅16號刊將會係最後一期見到殺老師同3年E班,相信隨住漫畫嘅落幕,動畫同電影好多都會嚟個完結篇!   呢個係之前電影版嘅預告,嚟緊3月18號9點係富士電視台會播出整套電影俾大家重溫。     唔捨得?唔緊要,香港動漫主題Youme Cafe(油麻地店)咁啱就做緊暗殺教室主題,不過去到29號咋!