櫻井翔
10
Jun 16
18:13
新聞

櫻井翔爸爸退任日本總務省事務次長

櫻井翔嘅父上大人櫻井俊,喺月頭就退任咗日本總務省事務次長一職!!   佢只係在任一年咋!咁突然咁快就退任!?點解呢?     小道話,父上大人想參選東京都市長喎~~ 唔知真定假呢? 有無人同我一樣,感覺櫻井翔遲早從政~~ 雖然相信翔哥,但係我唔想嵐少咗個……不要不要不要!!!(暴走mode)     除非……嵐五隻都從政啦XDDD 如果真係嘅話,相信日本會暴動!大把外國嵐飯話要衝去日本!!!  
06
Apr 16
22:00
新聞

櫻井翔恐怖症!?

強迫症!密集恐懼症!大家就聽得多! 唔知呢個症,你有無聽過呢!?   櫻井翔恐怖症!     吓!?咩話!?俾呢張相嚇親咋!? 櫻井翔平時個樣好可愛㗎喎~~~     咁可愛~點會驚佢喎!!!! 但係~係日本~又的確係有一個女仔係患上「櫻井翔恐怖症」!!!     唔L係呀!?咁好笑!? 於是,有關方面就安排個女仔同櫻井翔見面!仲安排佢地同枱食飯!!!     呢件事一出,日本粉絲都唔知好嬲定好笑! 個個都係Twitter話「原來只要講一句有櫻井翔恐怖症就可以見到真人!!!」     俾著係你都嬲嬲豬啦!都唔知個女仔講真定講假! 隨便講一句就可以見到自己偶像喎~   我都唔執輸!講返句先!我有金城武恐怖症
09
Dec 16
10:12
新聞

2016年日本廣告天王天后係...?

相信唔少中意日本文化嘅朋友同樣中意睇日本廣告~除咗廣告本身個message外,搵受一家大細歡迎嘅明星拍廣告同樣可以非常叫座!大家又有冇話中意睇邊個明星拍廣告呢?日本尋日就公布咗2016年出演最多電視廣告嘅「廣告天王天后」排行榜,一齊睇下有冇熟悉嘅名啦!   男性部門:   第一位:相葉雅紀、錦織圭(12間) 第二位:櫻井翔、二宮和也、西島秀俊、遠藤憲一(11間) 第三位:DAIGO、松本潤、長瀨智也(10間) 第四位:大野智、齋藤司(TRENDY ANGEL)、松岡修造(9間) 第五位:小栗旬、城島茂、松重豊(8間)