棒球
23
Jul 16
01:21
博客

【東京巨蛋】跟我去睇棒球賽!

  今日我地黎到東京巨蛋,要見證呢場樂天同巨人既對決! 話說第一次去睇棒球賽,心情真係好興奮啊。 巨蛋真係好大,佢分咗好多個門口可以進場㗎。   ▲睇波前我地都買咗件teeshirt同毛巾支持下巨人~   ▲睇下我地全副武裝支持巨人!   ▲一入場已經見到全場橙色,氣氛好熱烈! 頭半場樂天一直領先,睇到好緊張!巨人每次一得分, 觀眾就會揮動佢地嘅毛巾同叫口號,真係好正!  
02
Jun 16
23:31
新聞

成功的電影宣傳 貞子vs伽椰子開球禮

日本職棒比賽有時會請到嘉賓嚟做開球禮,有時係偶像、女演員、女主播、寫真女星着住件棒球衫,加條短褲仔。即使無球技,畫面上都好養眼。   琴日喺札幌巨蛋就有「北海道日本火腿鬥士隊vs東京養樂多燕子隊」嘅賽事。邀請到貞子、伽椰子、俊雄做開球禮嘉賓。目的當然係宣傳新電影『貞子vs伽椰子』。   貞子擔任投手;伽椰子擔任打手,而俊雄當然係伽椰子嘅隊友。   貞子一方,一嚟就投出一個好球,根據大會現場測速,呢一球有96km/h,估唔到貞子腕力相當厲害。   而另一面,伽椰子亦不眾望,成功擊中。擊中球之後伽椰子向一壘方向前進。但行咗兩步伽椰子已經跌低,因為伽椰子本來設定係無氣無力,所以又點可能跑到步,伽椰子真係相當入戲。   呢個時候,俊雄着住「I❤️伽椰子」嘅T-SHIRT代母跑壘,成功上一壘。俊雄上壘之後即刻跑返去媽媽身邊,怨靈嘅母子情真係好感人。