東急
11
Jul 16
21:55
博客

Shibuya Excel Hotel Tokyu

去東京,超推介呢間Shibuya Excel Hotel Tokyu,價錢唔特別平,但新淨,重點係…方便!方便程度係係涉谷站上面,而一落樓下就係各大商店食肆,就算經表參道行去原宿,都係半個鐘,沿途店鋪吸引,風景美麗。我呢次四個人揀左間四人房住,初初都擔會爭toilet,但日本人又好細心,厕所、浴室同洗面盆分開,三個人同時做唔同的野咁就唔使爭。住四人房說說笑笑好開心架   去東京,我試過貪平住距離JR站好遠的酒店,但拎住超過十幾廿磅戰利品,行到傻。又試過住偏遠少少的酒店,但去市中心交通費貴,平左的錢其實俾左JR。     東急酒店集團為日本著名連鎖酒店集團,共48間分店遍佈日本全國。 Shibuya Excel Hotel Tokyu (東急澀谷卓越大飯店)位於涉谷MARK CITY,鄰近JR涉谷站及東急百貨店,交通、娛樂、飲食都非常方便。 官方網站  
26
Oct 16
23:58
博客

坐交通工具化妝都叫無公德心?

近日東京嘅東京急行電鐵出左個叫人保持公德心嘅廣告~   第一個廣告係叫人唔好歩行時使用智能電話,車長個人認為就算無智能電話,以前I-mode年代都係歩行時使用電話㗎啦! 其實第一個廣告無咩大問題。   問題喺第2個廣告: YouTube:   「都会の女はみんなキレイだ。でも時々、みっともない」 呢句標語指喺大都會中每個女性都好靚,但有時令人無眼睇。 其實個廣告就係叫人唔好喺電車上面化粧。   網絡上就出現左大量支持同反對嘅聲音。 反對嘅聲音指: 「喺電車上面化妝有邊忽係無公德心?」「個廣告喺對女性嘅打壓」 仲指男性喺車上面飲酒、強烈體臭、發酒瘋、騒音、痴漢...等