東京駅
29
Jul 16
18:48
博客

新鮮滾熱辣!新開業東京現代感x和風旅館!

岩岩喺今個7月20號,有間叫做「星のや東京」嘅日本旅館開左啦!係呀唔係酒店而係旅館,兩者有乜分別?酒店咪即係酒店囉,而日本旅館最大嘅特徵就係「要除鞋」。喺玄關到除鞋後,一邊跟住職員嘅指示一邊光住腳遊走,既可以體驗日本文化,又有一種酒店比唔到嘅感覺!   日式旅館   現代x傳統 大家唔好以為旅館就會好舊,但其實雖然佢係旅館,但因為係東京入面嘅旅館,所以現代感係必需嘅。睇下個大堂,就已經有一種和式設計但又不失時尚嘅感覺啦!   「星のや東京」有個特別之處,就係喺每層都會有專設嘅「茶室」。係比客人一邊飲茶,一邊睇書,悠閒咁享受下寧靜嘅環境同日本文化。   咁當然唔止茶,仲有咖啡、清酒、お菓子等等,都可以比大家享用。