杯麵
05
May 16
01:39
新聞

杯麵迷注意!日清杯麵型金屬煲

聽到日清杯麵有新野出,你第一時間會諗到咩﹖有新口味﹖新包裝﹖ 今次日清就跳出框框,出煲! 當然呢個煲係用返日清嘅招牌CUP NOODLES外型,最特別嘅係呢個煲專為露營人士而設㗎。 個煲大家都好熟悉,不論設計同字體都係同平時見到嘅一樣。   入面有刻度,容量都幾大,可以裝到600mL水,夠沖兩個杯麵。 最為露營人士設計嘅一點係,個煲係用鈦金屬造,唔係一般不銹鋼。傳熱快導熱快,喺山上煲水都唔駛驚要煲好耐。仲有個防熱手柄,唔用嗰時可以摺埋。   買個煲仲送7款調味湯包,分別係味、咖哩、海鮮、辣椒蕃茄、油炸豆腐烏冬、天婦羅冷麵及雞肉拉麵味。 仲有個日清雞仔麵袋送。   杯麵迷嘅你係咪好想要﹖但一煲難求!因為只係限量生產350個,已經全數售罄,唯有睇下廠商會唔會加推啦… 想要嘅你可以捕實呢個網,話唔定可以捕到第一手最新消息。  
25
Mar 16
01:30
博客

【旅行宵夜一流】日本最搶手杯麵!

日本人氣杯麵排行榜!!!   香港人去旅行,最鍾意就係夜晚買杯麵番酒店做宵夜。 咁其實咩杯麵係當地最好賣,最受歡迎呢? 答案就係以下呢幾款啦!   6.明星 太陽のトマト麺 トマトラーメン  日本人評語:「湯底酸酸甜甜咁,又有適量芝士,超好食。麵身係偏幼細,非油炸,唔知點解同湯底好夾。」   我發覺日本都幾多蕃茄杯麵。   5.日清 カップヌードル  日本人評語:「呢款杯麵無容置疑個個都一定食過嘅。雖然海鮮味同咖喱味都好好食,但我最鍾意嘅係醬油味,味道唔會過濃 ,唔油膩易入口。配料當中嘅肉都好好食。湯底比較似雞肉味拉麵。杯麵真係又平又快又正,以後都多多指教啦!」 日清好多人都食過,佢嘅地位就等同於香港嘅合味道一樣。講起杯麵就會即刻諗起!   4.明星 チャルメラ 塩
29
Mar 16
22:41
新聞

日清Cup Noodle 45週年推出限定杯麵

1971年9月18日,世界上首款杯麵-日清Cup Noodle首次發售,今年已經踏入第45週年,為慶祝呢個重要時刻,日清首先推出2款限定杯麵!     分別係藍色包裝「リッチ 贅沢だしスッポンスープ味」濃厚甲魚湯味及紅色包裝「リッチ 贅沢とろみフカヒレスープ味」濃厚魚翅湯味,睇完個包裝再聽埋個名就已經覺得非常高級;至於味道如可呢,就要4月11日賣黎試過先知啦!各位4月11之後會去日本嘅話就千奇唔好錯過啦!!   開售日期:4月11日 售價:248円(含稅) 全日本發售
06
Sep 16
18:42
新聞

合味道推45週年紀念版拉麵-10倍謎肉祭!??

日清食品公佈9月12日將會推出最新杯麵口味!今次將會係日清史上最重本落得最多「謎肉」嘅一次(係平時嘅十倍)!新杯麵就係「カップヌードルビッグ "謎肉祭" 肉盛りペッパーしょうゆ」,從字面睇嚟係多肉同埋湯底係胡椒醬油味!?   今次推出新口味係為咗紀念杯麵推出45週年。世界第一個杯麵係喺1971年9月18日販賣㗎!為咗答謝來自世界嘅厚愛,日清食品決定將答謝粉絲,並推出比平時多10倍「謎肉」嘅新口味!其實所謂嘅「謎肉」就係平時食合味道入面都會有嘅一粒粒肉,就係醃咗嘅干碎豬肉喇。醬油湯底再配上胡椒點綴,相信會食到杯麵迷非常滿足!嚟緊去日本嘅朋友經過便利店記得望下,自己食又得做手信又得嘛~
02
Jun 16
22:12
博客

【宵夜時間】最搶手杯麵排行榜第二彈!

香港人最鍾意嘅宵夜肯肯定係杯麵!去到世界各地定留喺香港都要食杯麵!雖然係人都知唔健康但真係好好食又方便。之前介紹嘅最搶手杯麵反應都幾熱烈,估唔到香港人真係咁熱愛杯麵,所以我見都隔左一段時間,就等我同你地update下呢個「最搶手杯麵排行榜」啦!睇完最好就bookmark/cap定圖,到時去到日本就唔洗心思思揀唔到買邊隻杯麵啦!   第5位.マルちゃん ドラゴンボール超 麺づくり黒い豚カレー 日本人食評:「呢個杯麵牌子出黑豚肉咖喱味真係令我好開心呀!明明係杯麵,但唔知點解有種好新鮮嘅感覺。紅蘿蔔好多又爽口,配料黎講非常唔錯。味道夠鹹又唔會太濃,岩岩好呀!」   我雖然未食過,但幻想落黑豚肉咖喱味又真係好吸引咁喎。 參考價格:180円   第4位:日清 カップヌードル リッチ 贅沢とろみフカヒレスープ味 日本人食評:「雖然杯麵黎講偏貴,個量又唔係特別多,但個湯真係好好味呀。食完個麵之後,我用D
13
Sep 16
01:16
新聞

香辣海鮮味杯麵係全世界最好食!

識食,一定食香辣海鮮味杯麵! 早前,CUP NOODLE搞咗個投票活動「全世界CUP NOODLE總選會」。 估唔到全世界嘅人都咁識食,投票俾香港代表嘅香辣海鮮味!     眾望所歸,香港代表嘅香辣海鮮味當選第一名! 唔知大家又鍾唔鍾意其他味呢?     香港代表嘅XO醬海鮮味   中國代表嘅五香牛肉風味   中國代表嘅香辣牛肉風味   泰國代表嘅濃厚冬陰功蝦湯味   泰國代表嘅檸檬豚肉味       資料來源︰http://www.cupnoodle.jp/sekaisenkyo/#!
12
Jan 17
01:23
新聞

【連日清都玩埋一份?】史無前例嘅「綠色抹茶杯麵」!

繼之前一平出嘅士多啤梨蛋糕味撈麵同朱古力撈麵,唔知係咪玩開有條路,連日清都玩埋一份,將抹茶加落個海鮮杯麵度,味道係點,有少少難以想像......     據官方所稱,為咗更加突出「抹茶」呢個特點,連麵條佢地都突登加咗抹茶去整,整出杯麵界史無前例嘅茶蕎麥風嘅綠色麵!麵都可以玩到咁,杯麵精華所在嘅湯底又點可以唔落足工夫!呢個抹茶杯麵用咗經典嘅海鮮湯做base,再添加咗特製抹茶風味,所以食起上嚟會食到些微苦苦甘甘嘅抹茶味道。   成件事聽落有啲詭異,但日清嘅杯麵又真係冇乜邊種味係難食,相信呢一款咁嶄新嘅味道應該亦唔會差得去邊(應該唔係伏嚟嘅......)。       除咗個抹茶杯麵,日清同日仲會推出「壽喜燒風烏冬」同「梅昆布茶鹽燒蕎麥麵」,想試呢啲咁別具特色嘅杯麵,去到日本記得去超商掃貨!   抹茶杯麵、壽喜燒風烏冬、梅昆布茶鹽燒蕎麥麵 發售日期:2017年1月23日 售價:¥180~   如果唔知咩係「士多啤梨蛋糕味撈麵
27
Oct 16
23:59
博客

【嚇到個心離一離!】日本究極杯麵食法

食杯麵就係貪佢多夠快又好味,但偏偏好多日本人就嫌齋食個麵面有啲悶,諗咗好多花臣出嚟幫個杯麵搞搞新意思,當中有我們聽聞過嘅布甸杯麵,更加有其他極富日本色彩或者古靈精怪嘅,趁就到萬聖節,一於偷吓師,到時畀朋友開吓眼界!     1. 杯麵+布甸     呢個布甸加杯麵嘅食法原來係源自韓國,將一整個布甸倒入個杯麵度再起勢咁搞混佢就完成喇,幾簡單!   有日媒已經親自試過呢個食法,個結論係勁難食!佢地話湯底味道過咗之後,布甸嘅甜味就出現侵佔口腔每個空間,味道非常唔夾喎。        睇吓佢地食完之後個樣咁痛苦就知呢種食法都唔方好食得去邊。(笑)   =============== 2. 杯麵+納豆     以為呢個會唔好食,點知日本人嘅評價又ok喎!納豆倒咗入個杯麵之
20
Jan 17
20:09
新聞

【連即食「麻婆」撈麵都玩埋! 】今次唔係伏啦掛!?

最近唔知做乜好多撈麵都好鍾意加入甜品元素,食一啖就即刻知道係伏!等咗好耐,而家終於有返個貌似正正常常兼賣相都幾吸引嘅即食撈麵,來頭仲唔細㖭,應該唔係伏啦掛!?     呢個麻婆辣式撈麵係「明星食品」旗下之作,雖然明星曾經出過伏到不能再伏嘅士多啤梨撈麵、朱古力扔撈麵等等令人驚喜十足嘅味道,不過由於今次有超人氣名店「らぁ麺やまぐち」監督住,所以可以好肯定今次個麵可以一試!     講到「らぁ麺やまぐち」就犀利啦,佢喺2015至2017年連續3年出現喺《Michelin Guide Tokyo》入面,可想而知呢間店舖嘅地位喺東京有返咁上下份量,質素有保證!     而呢個麻婆辣式撈麵更加係店主嘅自信之作,加入咗特製嘅香辛料,花椒味好突出,鍾意食辣嘅食客都對呢個麵愛不釋手。官方話個杯麵無論係彈牙粗身嘅麵條定係香辣惹味嘅香辛料都盡量跟足原版,唔知係唔係真係可以keep到同堂食一樣咁好味呢?   明星 らぁ麺やまぐち監修 辣式まぜそば 售價:¥218~ 發售日期:2017年2月13日        
04
Aug 16
19:55
博客

中西合璧的多元市鎮橫濱:吃喝玩樂一整天

橫濱市係神奈川縣最大嘅市區,人口數係全日本僅次東京都!佢有個好特別嘅地方就係地區糅合左唔同國家嘅文化,除左最常見嘅日式建築同神社,佢仲有唔少異人館同埋中華街等等中西文化。什至有經常遊日嘅朋友都話:無去過橫濱點算去過日本呀﹖所以今日筆者就決定一探下呢個市區有咩特別既吸引之處!   去橫濱比較抵嘅交通方法係由澀谷買一日東急橫濱pass,只需要860yen就可以包曬橫濱區內鐵路任搭同埋由澀谷到橫濱嘅一次來回。如果大家有信心想行萬里路的話都可以唔買pass,直接買來回程。不過橫濱其實都幾大下嫁,好似好出名嘅紅磚倉庫同中華街都有成2公里遠,如果唔係好好腳力就建議大家唔好同自己過唔去啦~   要講橫濱近年最受歡迎嘅景點就一定要數到杯麵博物館啦。雖然大阪一早都有一間﹐但東京區係2011年先開幕既〜由細食出前一丁食到大嘅筆者決定點都要去朝聖下!橫濱嘅杯麵博物館同大阪唔同,係需要收入場費。不過都係500yen啫,以咩都鍾意收入場費嘅日本尼講算係好經濟。   一去到裡面當然唔少得山咁多嘅杯麵陳列品啦﹐入口側邊就係一間放左日清咁多年唔同產品嘅房間,但由細到大只係知道合味道同埋出前一丁係日清嘅,完全諗都無諗過原來中學小食部皇牌營多都係佢嘅!佢國際化嘅程度令筆者不禁即刻萌生敬意…係一堆陳列品嘅最右手邊就有一個小劇場,係講安藤