日韓
21
May 16
02:04
博客

觀塘的童話世界! Uppacase日韓小物專賣店

今次要介紹呢間《Uppacase日韓小物專賣店》,老闆 Patrick 初初由網上開始,售價各式各樣由日韓入貨嘅小精品。 然後喺銅鑼灣開第一間鋪,上年12月就喺觀塘開設分店!主力售賣日本紙膠帶、卡通精品。Uppacase 主力嘅紙膠帶真係多到花多眼亂,單單最大品牌 mt 已經有超過一千款!再有其他品牌例如Cute Model、F:chocalo等等。紙膠帶控真係會喺度買到破產!   《Uppacase日韓小物專賣店》   觀塘地址: 觀塘成業街19-21號成業工業大廈14樓14室 銅鑼灣地址:銅鑼灣耀華街42號 2/F(近時代廣場)   開放時間: 1pm - 8pm   店鋪設計有啲日本味道,加上咁多日本精品,好似去咗日本 shopping 咁~   淨係呢個 mt牌子,就有超過一千款嘅紙膠帶喇!   花款變化多端   紙膠帶價錢因大小而量,最細嘅 16元/一卷。我手上呢卷就 22元。   係可以大到咁!65元/一卷
23
Dec 16
09:15
新聞

【唔係啩】韓國化妝品涉嫌侵權 反告日本名藝術家奈良美智

似曾相識嘅故事...尋日日本著名當代藝術家奈良美智就喺自己Twitter上公告,話因為發現有韓國嘅化妝品牌子W.Lab嘅商品使用嘅插畫實在太似自己嘅作品,所以發咗個警告俾佢哋。點知呢個韓國法院竟然對佢作出起訴。呢件事已經引起大量網民熱烈討論。     奈良美智之後繼續交代事件,聲稱原本都冇諗住控告呢個牌子,只希望佢哋可以改善,點知收到對方嘅主張話「製作者係我哋公司嘅人」、「奈良美智並冇申請損害賠償嘅權利」等。奈良美智話佢已經同處理開版權訴訟嘅資深律師商量緊下一步應該點做,仲話本身其實都唔係想怪間公司,只係想追究返商品設計師同有關負責人。   奈良美智嘅藝術品風格:   因為呢件事,已經有唔少韓國人去奈良美智嘅Twitter度道歉,話真係覺得好羞家、同埋想代韓國人向佢道歉。另外有唔少買開韓國化妝品嘅日本人都留言話真心以為個商品係同奈良美智合作推出嘅商品,所以感到非常意外,話為咗支持奈良老師將會罷買呢個牌子嘅商品!奈良老師就好冷靜地開玩笑話「でも、展覧会はまたやりたい in 韓国」(但係,我仲希望有機會喺韓國開展覽架)。   無論點都好,明眼人一睇都會覺得件商品嘅話真係好相似嘅...仲以為呢種反告人侵權嘅案件(國際笑話)只會喺某大國出現,睇嚟少年我真係太年輕了~~~ Source:奈良美智