日本美食
24
Dec 16
09:38
新聞

雞年出雞包~ Lawson推超可愛「炸雞君雞包」迎新年!

日本便利店Lawson將會於12月31日號起推出全國限定40萬個嘅照燒雞味「炸雞君雞包」(194Yen),用嚟慶祝2017年踏入雞年呢!   睇下個造型幾可愛!!   「炸雞君」其實就係Lawson好出名一盒盒一啖size嘅炸雞,尤其係年輕人一代廣受歡迎。今年係商品推出30週年,就特意推出呢款特別版「雞包」。   包入面有size容易入口嘅燒雞肉,配上特色Teriyaki照燒雞汁,再加上呢個咁可愛嘅造型,相信大人細路都會好想買個返黎食呢!   買左之後會唔忍心切開個包呀~~   連包裝紙都係雞!   資料來源:Twitter @mognavi
18
Feb 16
20:29
博客

【貝遊日本】大阪美食推介-六甲燒肉放題

大阪心齋橋一帶有好多燒肉店,今日我要向大家介紹呢一間叫六甲燒肉! 呢間店啲燒肉除左好味之外,職員仲好友善,比我感覺非常良好,所以一定要推介比大家呀。 位於心齋橋後段位置,如果由跑步人位置作起點,只要一直行,見到GU就轉去右手邊行多陣就會見到! 就係呢一間啦~! 六甲燒肉係放題形式嘅燒肉店,即係一個價錢任食啦,我最鍾意就係任食架啦XD,佢有3個價錢嘅套餐, 分別係A PLAN:2300YEN B PLAN:2800YEN C PLAN:3300YEN 3個PLAN都係2小時任食! MENU詳細比較:http://yakiniku-rokko.jp/menu%20ch.html 咁我一場黎到緊係揀食一個
22
Dec 16
11:26
博客

拉麵店老闆最唔想你做嘅四種行為

唔少香港人都係日本拉麵愛好者,而去到日本旅行食番碗地道嘅拉麵更加是常識吧!拉麵店有大有細、有出名嘅有隱世嘅,不過講到食拉麵嘅禮儀就相信係千篇一律。唔想成為日本拉麵店心目中嘅麻煩客人?睇下下面呢堆真正喺拉麵店工作嘅人揀選嘅「最唔想食客做嘅行為」,下次去日本食拉麵小心唔好犯呢~   1)掛住玩電話唔食麵   難得去旅行仲要食到好西,梗係相機食先即刻呃like啦!但係,有好多拉麵店老闆其實好唔鍾意呢個行為。受訪者嘅H店員就話:「其實相機食先唔係問題,影完即刻食都仲接受到...但影完仲喺度㩒電話就唔係幾好囉。」梗係啦!打完句caption、check埋個in、up完張相碗麵可能已經唔係最新鮮出爐嘅美味,同埋即刻品嚐都係對店家嘅尊重~其實caption都可以食完碗麵先打啫...   2)喺多人嘅時候要求連住坐 日本好多細嘅拉麵店可能得10至15個位以內,多數都係連住個counter。如果撞正多人排隊嘅黃金時間去食,3個人或以上想一齊排排坐食其實係會影響到店家嘅運作嘅。H店員話:「兩個人一齊坐就話姐,3個人或以上嘅話其實已經好難安排座位,而且要等空位嘅時候排後面嘅客人又冇得食,呢個問題都幾頭痛。」所以大家如果唔介意,喺多人排隊嘅時候不如做下心理準備,即使分開咗食都唔緊要啦~(反正店家都唔會想你留低食完坐好耐 T_T)
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
22
Jan 16
20:26
博客

期間限定:香港「真。日本味」甜品

想食地道日本野唔洗下下都去日本嘅。今次就等小編為大家介紹近期5款期間限定嘅甜品選擇。麥當勞最新紫薯雪糕平平地食日本味!麥當勞今次用上日本紫薯糖漿製作全新口味。小編就對「蛋白脆糖紫薯扭紋麥旋風」最有興趣。由2016年1月21日起,早上十一時後,係全線香港麥當勞甜品站供應。同期開心樂園餐仲有小丸子玩具換。食完個餐,食杯雪糕,玩埋玩具,一次可以滿足你三個願望呀! 麥當勞分店搜尋器:http://www.mcdonalds.com.hk/ch/restaurant-locator.htmlTokyo Milk Cheese Factory依間蛋糕店係香港都係開左一個月左右,由2016年1月18日起,係希慎期間限定店,每日下晝一點開始賣草莓牛奶卷同牛奶芝士餅。每人每款只可以買一個,依兩日都好快就買完,快啲去排隊啦!Tokyo Milk Cheese Factory 希慎