日本福袋
12
Jan 16
22:58
博客

搶購6個東京無印良品福袋2016 (附搶購心得)

福袋象徵好消頭,所以每年日本新年1月1及2日,日本差唔多所有店舖都會推出福袋,福袋裡面有咩大家都唔知,但福袋裡面嘅商品合共價值肯定超過福袋嘅價格!所以無輪日本人同旅客都對搶福袋呢個傳統感到好興奮! 小編係剛過去嘅2016年1月1日及1月2日去左東京搶福袋呀,由於已經係第二年係日本搶福袋,吸收過往年嘅經驗,我唔會再亂咁買福袋啦,因為上年買左太多伏袋了XD 小編個人意見認為無印福袋係最值得入手嘅福袋,因為佢真係唔會呃你,透明膠袋包裝,可以預先窺探入面有啲咩,而且貨品中伏率極低,一直被評為性價比最高嘅福袋! 但咁正嘅福袋又點會咁易比你買到,你想訓醒斯斯然食埋LUNCH先過去無印買福袋?無可能嘅事!唔預早係開門之前排隊已經偷笑啦,相對一啲熱門地區嘅無印,更加要早半小時以上排隊;如果想買到心儀嘅福袋無守保計更加要早一個半小時到!*1月2日提早1小時15分鐘到達吉祥寺0101分店已大排長龍無印福袋一共係有7款嘅,包括: 1.女裝衣服(S,M,L)- 5000円 2.女裝衣服(S,M,L)- 3000円 3.男裝衣服 -(M,L)5000円 4.男裝衣服(M,L)- 3000円  5.家品 - 3000円  6.文具 - 1000円  7.美妝小物 - 2000円