日本牛角
04
Mar 16
20:16
博客

【貝遊日本】日本香港大不同-日本牛角燒肉放題超好味

大阪心齋橋區域真係有好多燒肉店,繼我之前推介過嘅六甲燒肉,今次我想推介比大家嘅係牛角! 大家心裡面係咪有個疑問,牛角香港都有啦,做乜要去日本食呀? 原因好簡單,就係因為日本嘅牛角好味過香港嘅牛角! 同埋日本牛角有香港冇嘅燒肉放題!! (利申:本身係香港都幾鍾意食牛角)   ▼牛角係日本有好多分店,淨係大阪府都有90間,而我地今次去嘅呢間就係全日本最大嘅分店-道頓堀分店, 係跑步人後面道頓堀橫街右手邊。   ▼地址:大阪府大阪市中央区道頓堀1-6-10 ふるさとビル 電話:06-6484-0129 營業時間:全日17時~翌5時   ▼我地係食8:30時段,大約3點左右WALK-IN去BK左位先,因為其實呢次已經係我第二次黎呢間分店食,上次冇BK位,足足等左35分鐘先入到去。   ▼呢間牛角係開到零晨5點,岩晒零晨機先到嘅旅客,一到步即刻食燒肉係咪正先~