日本校園
01
Sep 16
00:52
博客

膽量挑機33之日本校園怪談(上)

又到咗星期六嘅膽量挑機時間。 話咁快暑假就結束要開學喇~ 今晚就同大家講下……   日本校園怪談   怪談一︰13級樓梯 傳說喺一間好舊好舊嘅高中教學大樓, 曾經有個男同學同老師發生口角,一心想報復,夜晚就靜雞雞返學校,諗住放火燒咗成間學校。 喺放心期間,被巡樓嘅老師發現,男同學見事敗,立即逃跑。 點知,跑樓梯時企唔穩,從高處墜下,頭骨爆裂,當場死亡。     自從之後,就傳出樓梯於日間係12級,但於夜晚數時係13級。 當然,有同學唔信邪,夜晚走返學校,行樓梯時數下有幾多級樓梯。 有個男同學數到第12級樓梯時,發現第13級樓梯出現!     男同學膽粗粗企上第13級樓梯,之後就見到有個黑洞出現眼前。 黑洞入面有好多人,一步一步咁行近佢。 正當佢想擰轉身逃走時,發現一個無咗半邊頭嘅男學生叫佢一齊入黑洞入面玩。 仲話黑洞係壞學生嘅天堂…… 男同學就好似被迷惑咗咁走入黑洞,無咗出返嚟…… 傳說,只有壞學生喺夜晚數樓梯時先會見到第13級樓梯。   怪