日本小朋友
26
Feb 16
19:42
新聞

學野啦港孩!日本小朋友超毅力大感動!

小編以前做教育行業見盡無數嬌生慣養嘅小朋友。   而家好多香港小朋友都係唔話得,唔做得,唔輸得…   一小事就叫姐姐或者媽媽,輸遊戲就扭地沙,做唔到就講byebye…   呢個日本小朋友真係好有毅力,跳馬跳咁多次失敗,喊住都要繼續跳。   去到後段成班朋友仔出嚟同佢打氣,小編真係眼濕濕…   學野啦港孩!(仲有怪獸父母)     影片來源: 有村吉孝 Facebook                  
17
Feb 17
03:09
博客

日本人點睇「帶埋細路去居酒屋」?

居酒屋對香港遊客嚟講,可能只係可以又飲酒又食到一碟碟日本嘢嘅地方。但其實居酒屋文化喺日本絕對係一個屬於大人嘅世界!返工好攰嘅上班族放工就係去居酒屋happy,食煙飲酒兼大大聲吐苦水,有時喺居酒屋坐近啲都會聽到唔少隔離枱嘅花生㗎! 不過小編都曾經見過,有家長係會帶埋小朋友去居酒屋嘅。最近網上出現到底應唔應該帶小朋友去居酒屋嘅討論,不如一齊睇吓日本人點諗啦! 日本一個讀者群主要為媽媽嘅網站Happy Mama就做咗個網上調查,顯示66%嘅家長/讀者都反對帶埋小朋友去居酒屋。 反對理由:居酒屋係大人嘅地方! 有唔少反對聲音都表示,居酒屋係屬於大人社交嘅地方,因此唔應該畀小朋友參與。「如果係用完主個室就話啫,但居酒屋入面好多人講嘅嘢都唔啱小朋友聽,而且如果因為小朋友存在而要有所避忌都唔係好合理。」 讀者們都話居酒屋始終係一個畀人飲酒吹水嘅地方,如果係一家大細嘅話應該去返啲連鎖家庭式餐廳!有啲人更加覺得帶埋小朋友去居酒屋係啲大人自私嘅行為添呀。唔單止多二手煙,而且飲醉酒嘅大人亦都可能構成小朋友嘅危險同帶嚟壞影響。 咁點解又會有成33%嘅人贊成呢? 贊成理由:因為我關