日本女藝人
24
Jan 17
00:26
博客

【注目度急上昇】最愛二次元籃球少女 廣瀨愛麗絲:我唔係混血兒!

新一年等我阿Anne繼續為大家介紹下日本娛樂圈上位中嘅藝人啦!今日就介紹下最近注目度急上昇中嘅廣瀨愛麗絲!     廣瀨玲就可能好多人都聽過,其實廣瀨愛麗絲就係佢親家姐。兩姐妹顏值都好高,所以呢對廣瀨姐妹花喺娛樂圈都好出名,而青春逼人嘅佢哋仲成日合拍廣告!大部分都係以年青人為主要對象,可見佢哋幾受年輕人歡迎!   其實廣瀨愛麗絲小學6年級嘅時候已經被經理人發掘,而當時嘅佢又曬到好黑,又係一個短頭髮嘅籃球少女,連佢經理人都話當時根本唔知佢係男仔定女仔! 睇番以前嘅相,同而家長頭髮嘅氣質都真係幾唔同!   而家係時裝雜誌Seventeen模特兒嘅佢,早幾年仲係以短頭髮登上大銀幕,同組合Sexy Zone成員中島健人一齊主演《鋼之鍊金術師》原作者荒川弘嘅作品《
26
May 16
02:43
博客

【話題人物系列】有村架純家姐樂觀面對賤嘴留言

新生代女神有村架純,相信好多香港人都認識。但其實女神有位家姐,你又知唔知?唔好話你,其實係日本呢件事都係最近半年先引起話題。點解?因為...   姐姐的名字是新井ゆうこ(優子),同有村唔同姓。樣貌...相似乎就真係見仁見智同埋睇角度。 因此,真正引起話題都係因為有村架純生日當天姐姐po左呢張相上blog: 咁樣睇又真係有啲似喎!   點解兩姐妹會用唔同嘅姓係娛樂圈打滾呢?咁就要講返兩姊妹嘅歷史喇。有日本傳媒就報導兩姐妹原來中學嘅時候父母分離,兩姊妹就同媽媽三人相依為命,因此姐姐係讀高中嘅時候就已經努力打工幫補家用。 其實唔講唔知,雖然妹妹依家紅透亞洲仲被捧為女神,但其實姐姐係比妹妹早三年出道架!不過新井係藝名,有村先係真姓~   本身無公開兩姊妹嘅關係,無端端係妹妹走紅咗之後先公開,梗係引來猜測,網民就話佢以妹妹嘅名氣嚟炒。舊年上人氣綜藝節目嘅時候
14
Nov 16
21:38
新聞

山本彩初登女性雜誌封面 露健康性感腹肌

喺香港都有大量粉絲嘅彩姐山本彩(NMB48)喺Twitter公佈咗佢會登上下期anan嘅封面。今次係佢出道以嚟第一次登上女性雜誌封面,仲大sell健康性感,露出彩姐出名嘅性感腹肌㖭!     今期anan繼續介紹點樣活化腸內健康改善體質同達到美顏功效。過往anan都搵開有村架純、梨花、小嶋陽菜等係女性讀者中人氣較高嘅女藝人。今次編輯部想揀喺偶像界可以堪稱健康美第一嘅人做封面,結果就揀咗彩姐喇!   今期anan會係11月16日開始販賣,各位粉絲唔好錯過~   Source:Oricon
11
Nov 16
06:11
博客

【Like Japan 放送室】專訪昔日玉女偶像 酒井法子

  今次真係好高興可以訪問酒井法子。相信好多中意日本嘅香港人,尤其70後同80後,都會聽過睇過酒井法子嘅作品。《同一屋簷下》、《等你說愛我》等經典作品應該仲留喺大家嘅心中,當年酒井更成功打入中港台地區,更加到過台灣同香港開演唱會,風頭一時無兩。   自從2009年藏毒逃離事件發生後,酒井法子理所當然被消失於日本娛樂圈。舊年回歸日本娛樂圈仲擔任過某品牌代言人,但始終印象仍然有陰霾。不過今年係呢位昔日女神嘅出道30週年,除咗開紀念演唱會同推出性感成熟風寫真集回饋粉絲之外,酒井法子到底對自己嘅演藝生涯係點睇,以後到底有咩打算呢?   訪問過程中,酒井法子一路好強調今日仍然能繼續進行藝能活動都係因為有粉絲嘅支持同鼓勵。尤其係開完30週年紀念演唱會,酒井法子感觸地表示一路聽著粉絲嘅吶喊同聲音,真係令佢覺得心都暖埋!   除此之外,酒井法子都話依家最重要嘅係好好處理眼前每件工作,就連我問依家對愛情點睇嘅時候,女神都話其實已經睇得好淡,覺得有緣份嘅一定會遇到,自己就唔會特別去搵對象。   問到酒井法子其實會唔會考慮來中港台發展,畢竟係呢邊人氣依然強勁,而且呢邊嘅人都應該比日本少啲介懷藏毒事件。不過睇得出酒井小姐其實都好重視係日本建立嘅一切,話雖然都希望可以學下中文、希望未來可以有用中文演戲嘅機會,但暫時就未有打算留喺中港台作長遠發展。   難得見到酒井法子小姐一面,我
27
Dec 16
00:20
新聞

三上悠亞挑戰跳戀愛舞萌死網友

戀愛舞跳到街知巷聞就係人都知啦,估唔到連超人氣AV女優三上悠亞都忍唔住挑戰埋一份,仲係聖誕節公開呢條片,實行送上聖誕大禮畀各位粉絲喎!   不過片段入面就冇特別性感嘅鏡頭嘅,只見到三上非常可愛咁以雙馬尾聖誕裙look出現,仲好有心咁揀咗幾個場景拍同跳~果然係Idol出身嘅佢,跳舞輕輕鬆鬆就搞得掂啦!     三上仲話好開心見到條片po咗冇幾耐已經好多人睇,大家都讚佢可愛(但問佢做乜著得咁密實)。佢仲應承話以後會拍多啲跳舞片俾大家睇添!   雖然聖誕已經正式過咗,不過係呢到送上心三上嘅靚靚聖誕相畀大家啦!  
30
Nov 16
19:21
新聞

到底真定假?坂口健太郎與高畑充希戀情曝光 事務所否認

24歲嘅女演員高畑充希同25歲嘅大熱鹽面男演員坂口健太郎被爆已經正式交往半年有多!兩人曾於NHK晨間劇《當家姐姐》飾演情侶、亦喺日劇《那一年我們談的那場戀愛》同場演出。今朝就有日本傳媒報導兩人由舊年年尾到今年年初起關係越來越親密,更指佢哋其實已經拍咗半年拖添!   (NHK晨間劇《當家姐姐》劇照)   不過粉絲又唔使心碎住...雙方事務所已經即刻發表聲明指對方都只係朋友關係,完全否認咗戀情~不過兩位都係依家上緊位嘅新晉演員,就算戀情係真嘅都一定唔會公佈架喇。   新聞來源:Yahoo.jp、Oricon
25
Nov 16
06:06
新聞

石原聰美有機會與山下智久年內「30歲電擊結婚」!?

上次同大家報導咗石原聰美同山下智久傳出同居「超認真交往家居密會」,今次就有《日刊大眾》報導石原聰美有機會於今年12月24日嘅30歲生日同山下智久電擊結婚喎!係真唔係呀!?   睇真啲個報導,就話山下智久雖屬於對旗下藝人結婚、交往超嚴謹嘅J家事務所,但由於最近SMAP解散騷動爆發,而山下智久同屬SMAP嘅前經理人飯島(詳情:SMAP解散騷動),所以如果唔畀佢結婚,佢有機會跟SMAP一齊離開J家!加上佢自從同石原拍完戲之後都冇再有新嘅電視劇作品,所以而家簡直係趁事務所立立亂嘅時候準備結婚嘅好時機!   不過,有電視臺相關人員就指出山下智久曾經同Johnny桑宣誓忠誠話唔會有任何獨立發展意向,所以就覺得佢唔會選擇結婚住。反而係,因為石原前排上綜藝節目話自己30歲前想做啲咩嘅時候,因為佢講話自己最近都開始咗學習看護嘅工作,令人猜測佢係咪已經鋪定後路如果人氣滑落可以有啲細藝。話說2010年佢被爆與電影攝影師同居,令工作減至得返一個波子機嘅廣告。到底而家紅
27
Nov 16
19:15
新聞

前早安少女組成員 道重沙由美宣布復出!

前早安少女組成員嘅道重沙由美自從畢業時宣佈無限期退出娛樂圈就冇再公開露面過。但啱啱11月26日佢就喺自己嘅部落格就發表咗復出聲明,表示會「從一開始」由出年春天開始重新展開時隔兩年半嘅藝能活動!充咗咁耐電嘅Sayu仲話今後會務求表現出同以前演唱會唔同嘅一種新感覺表演俾各位粉絲添!     道重係歷代成員中在籍時期最長(4329日、約11年10個月),亦係第8代M娘嘅leader。由13歲開始加入,於2014年11月26月從隊中畢業。佢由上個月至今個月25日分別10次更新兩年冇更新過嘅blog,將每篇blog嘅題目第一個字連埋嘅話就係「みちしげさゆみさいせ(道重沙由美再生)」所以其實好多粉絲都已經猜測緊佢係咪復出架喇!     資料來源:道重沙由美BLOG    
17
Dec 16
01:50
新聞

【每日一FF】如果我女朋友係小松菜奈...

呢幾日日本YouTube出現咗條話題MV,就係日本樂隊never young beach搵嚟最近上位中嘅「厭世面」女神小松菜奈,以第一身男友視線再配iPhone打直拍片玩法拍嘅。雖然首歌得兩分幾鐘,但個MV有足足7分幾鐘,入面有晒小松菜奈勁GFable嘅一面,我真係未見過佢笑得咁開懷同埋咁傻...連身為女仔嘅我都差啲以為佢真係我女朋友,絕對係FF好物。     唔識日文嘅話,齋聽呢首歌會以為係一首好甜蜜嘅歌啦~但其實正正相反,呢首歌係叫「お別れの歌」,即係分手之歌。WHAT?冇錯,唔好睇個MV拍得咁甜蜜、現實感滿滿,其實係講緊個男仔係已經同女朋友分咗手,之後睇番之前拍低嘅片段回想返兩人嘅回憶...哇成件事真係突然勁沈重勁sad,但首歌嘅意思就係想帶出分手唔一定要悲觀,反而可以係一個新希望。   小松係MV入面真係有勁多素顏、勁自然同調皮嘅一面,同平時chok厭世臉個feel非常唔同。   今次嘅MV導演係幫開明星影攝影師硬照嘅攝影師奥山由之。唔需要大排場嘅背景、甚至高級相機攝影機、亦唔需要女神級主角小松著上名牌潮服,片中滿滿嘅寫實感反而更能引起大家嘅共鳴,成為話題。本身我真係對小松冇乜特別嘅好感(純粹覺得佢氣質係真係幾特別),但我都必須承認呢個MV令我對佢刮目相看。唔知,佢真人係咪真係咁傻咁可愛呢?  
03
Aug 16
01:11
新聞

呢期日本男女神齊開IG~你follow咗未?

近排唔知打乜風,日本一班演員模特兒男神女神齊齊開IG上載自己嘅日常生活照片同粉絲互動喎! 怕你跟得唔夠貼,以下有呢排喺日本引起話題嘅account,link都俾埋你,自己乖乖follow喇!   1)實力演技派男神 山田孝之(IG:takayukiyamadaphoto) 哇哇哇!演乜似乜,出神入化嘅山田孝之竟然開咗IG!呢排山田孝之相當活躍於社交平台,早前更喺自己嘅FB page度upload同演員室剛嘅唱K片!開咗IG冇幾耐男神已經up咗好多相,包括呢張引起粉絲同腐女暴動嘅相! 隔離果個係三浦翔平(IG:shohei.63),後面仲有呷緊醋嘅混血型男山田優(IG:yu_shirota)!   山田孝之嘅IG點解係日本引起話題?因為佢啲caption其實好好笑。例如上面呢張相,唔識日文以為佢chok緊,識日文就會知道其實佢係度FF緊同赤西仁OOXX嘅時候俾山田優發現。重點係赤西仁有留言回應。 (睇嚟男神好鐘意玩HEHE)   2)新世代清純女神 有村架純BB (IG: