旅行
24
Mar 16
01:16
新聞

【2016新地標】東急Plaza銀座

嘩嘩嘩黎緊3月31號,喺銀座有幢新商場叫「東急プラザ銀座」(東急Plaza銀座), 即將開幕啦!裡面有125間鋪頭,當中有D係初登陸日本嘅海外超受注目品牌, 亦都有唔少日本本土牌子嘅商店,大家以後又多個地方逛啦yeah!   東急プラザ銀座憑住「Creative Japan~世界由這裡開始,變得更有趣味。~」呢一個概念黎建設。總共13層,包含時裝,雜貨,餐廳,coffee shop等等不同商店。   佢嘅外牆係用左以傳統工藝嘅江戶切子作契機嘅設計,將傳統同革新融合黎令佢更有銀座嘅味道,突出其注重個人lifestyle嘅「成人」空間嘅感覺。   講下入面先!地下1、2層「GINCHIKA MARCHE」除左有雜貨店,仲有約30間嘅食物商店。喺地下第2層(連接住銀座駅),果到有間喺紐約超人氣嘅老鋪麵包店「THE CITY BAKERY」,日本第一間以奢華三文治為概念嘅「キャビアハウス&プルニエ サンドイッチハウス」,仲有首次喺東京開店嘅人氣京都雪糕店「ハンデルスベーゲン」。   而雜貨店,則有人氣gift select店「BIRTHDAY BAR TOKYO」、手巾仔專門店「swimmie」、磨練成人修養嘅上品文具店「TOUCH & FLOW」都係首次喺東京開店,鍾意雜貨嘅你地千祈唔好錯過啦!  
30
Mar 16
23:10
新聞

橫濱紅磚倉庫・期間限定Flower Garden!!

橫濱呢個地方我諗都有唔少朋友去過啦,事關果到又有杯麵館,摩天輪乜乜乜,都屬於係旅遊勝地。咁唔知你地又有無去過紅磚倉庫呢?因為黎緊4月,喺果到有個期間限定嘅「Flower Garden 2016」呀!!!   為左慶祝復活節,由4月2號到4月24號起計23日裡面,喺紅磚廣場果到會有一個flower garden,共約有80品種嘅花花草草展示出黎呀! 為慶祝今年4月橫濱紅磚倉庫「復活」(改裝重開),所以就將倉庫以復活節為主題。 而由於今年係紅磚倉庫創設105週年,喺花田果到就會有105隻復活兔兔造形登場呀! 會場裡面會分開5個區域,喺入口會有一個大大隻,歡迎客人嘅復活蛋迎接大家。 而今年亦首次嘗試每晚6點鐘開始,會有投影喺隻大蛋到,配合花田,令客人更加享受到夜晚紅磚倉庫嘅魅力。 另外,有一個區域係可以被人踏喺草地上,令小朋友唔單止可以欣賞植物,仲可以學習同大自然一齊玩呀! 嗱係唔洗入場費嫁,係咪爽呢!   其實喺紅磚倉庫到,無耐就會有唔同種類嘅活動, 好似我上年去嘅時候,就撞正有
18
Jun 16
01:39
博客

【思人導遊】帶你用盡一日狂食狂玩池袋!

渋谷、新宿、池袋係東京購物嘅中心地帶,好似sunshine city咁,次次去親池袋都要去行,行親都唔知點解買到一袋二袋。雖然我好鍾意買野,但有時又會覺得有D哂錢哂時間,好似拎黎食同玩會比較好,因為食同玩留低嘅回憶好似會深刻D!所以為左下次去池袋唔好再用哂D時間去shopping,我就搵左池袋好玩嘅地方同埋好食嘅餐廳,等自己享受下玩樂啦!事不宜遲,即刻睇下有咩好推介啦!   【10:45-12:00 @ 西武池袋本店 食と緑の空中庭園】   岩岩起身,最適合就係休閑咁食個早餐周圍行下,所以我地黎到呢個西武新開嘅「食と緑の空中庭園」,因為呢到係樓頂,所以抬頭就望到一大片天,好美好嘅早晨呀!呢到有個重點就係呢個「睡蓮」池,因應唔同季節會有唔同嘅花盛放,又有一種鬧市中嘅寧靜嘅感覺。   早餐嘅話,因為下一站就已經要去食好西,所以唔好食咁多,食少少野頂肚就好啦。喺呢個空中庭園有唔少餐廳比你選擇,好似呢間「まる清」壽司店咁,個三文魚加洲卷就600円;
18
Mar 16
02:24
博客

【死前必去】47都道府縣櫻花勝地!

既然講到靚到核爆咁誇張,你一定會質疑我係咪吹水, 但我可以發誓!以下呢堆櫻花勝地真係去過包你死而無憾啊! 由「日本櫻花會」選定嘅全日本100個櫻花名地之中, 每個都道府縣中嚴選一名出嚟,所以絕對係超高水準! 但47個實在太多,所以當中我就揀10個最正嘅嚟講啦! 唔講咁多,即刻話你知喺邊!   1.青森縣・弘前公園 據說擁有全日本最古老嘅櫻花就係喺呢個公園。  裡面大概有2600棵樹喺護城河上面,而當兩邊通道都開滿花嘅時候, 就被掛上「櫻花隧道」之名,因為真係好似被櫻花包圍住咁,好幸福啊! 而喺櫻花祭嘅時候,配合埋露天小店,成個畫面就更加唯美啦! 每年花季約是4月下旬~5月上旬。 而今年嘅弘前櫻花祭就係4月23日~5月5日。   2.秋田縣・角館武家屋敷 呢到有成400棵樹齡200年以上嘅「垂櫻」, 而其中有162棵被指定為國家嘅天然紀念物,
02
Jun 16
22:12
博客

【宵夜時間】最搶手杯麵排行榜第二彈!

香港人最鍾意嘅宵夜肯肯定係杯麵!去到世界各地定留喺香港都要食杯麵!雖然係人都知唔健康但真係好好食又方便。之前介紹嘅最搶手杯麵反應都幾熱烈,估唔到香港人真係咁熱愛杯麵,所以我見都隔左一段時間,就等我同你地update下呢個「最搶手杯麵排行榜」啦!睇完最好就bookmark/cap定圖,到時去到日本就唔洗心思思揀唔到買邊隻杯麵啦!   第5位.マルちゃん ドラゴンボール超 麺づくり黒い豚カレー 日本人食評:「呢個杯麵牌子出黑豚肉咖喱味真係令我好開心呀!明明係杯麵,但唔知點解有種好新鮮嘅感覺。紅蘿蔔好多又爽口,配料黎講非常唔錯。味道夠鹹又唔會太濃,岩岩好呀!」   我雖然未食過,但幻想落黑豚肉咖喱味又真係好吸引咁喎。 參考價格:180円   第4位:日清 カップヌードル リッチ 贅沢とろみフカヒレスープ味 日本人食評:「雖然杯麵黎講偏貴,個量又唔係特別多,但個湯真係好好味呀。食完個麵之後,我用D
29
Jun 16
19:52
新聞

2016人年東京都內9個必去夏祭り!

大家鍾唔鍾意夏天?我就麻麻啦,除左有得游水,我真係諗唔到有咩好處,尤其係香港嘅夏天,特別痴lupulup特別辛苦。但如果叫我夏天去日本我又ok喎!原因唔係話日本唔熱,而係熱得黎起碼有夏祭り玩下丫嘛!如果你仲未去過日本嘅夏祭り,我真係強烈建議你要去下,因為果種氣氛真係畢生難忘嫁!咁如果你唔知去邊個好,就等我話你知東京都內最大人氣嘅9個夏祭り啦!(排名不分先後)   1.八王子・夏の風物市 日期:2016年7月2日,7月3日 地點:西放射線ユーロード 地址:八王子市横山町 西放射線ユーロード 前往方法:由JR「八王子」駅北口歩行3分   2.下町七夕まつり 日期:2016年7月6日~7月11日 地點:かっぱ橋本通り 地址:浅草六区 前往方法:JR線上野駅・鶯谷駅歩行15分/東京メトロ日比谷線入谷駅歩行6分/東京メトロ銀座線田原町駅・稲荷町駅歩行5分  
01
Mar 16
23:14
博客

名古屋的驚世花花世界!

嗱,去日本旅行,除左東京大阪北海道沖縄之外,名古屋都係一個唔錯嘅選擇。 佢比起頭先提到嘅熱門旅遊地,叫做無咁多遊客, 起碼唔會喺條街到瘋狂聽到普通話或者廣東話先。 咁到底去名古屋有咩做呢?我就認為以下呢個地方真係必去嘅, 唔係你就絕對哂左機票錢啦!!   佢就係:なばなの里!   呢個地方,以睇花海同燈飾出名嘅。 講到花海,なばなの里真係數一數二嘅必去景點呀。 點解?唔講住,睇相先!   嘩見唔見到靚到咩地步?係靚到。。。我都唔識講。 呢D鬱金香黎緊予定3月下旬就會開幕, 呢段時間會去名古屋嘅朋友記得mark低啦!   但其實佢每年唔同時候都會因應季節而轉花, 好似2月尾到3月尾就會係櫻花   5月到6月就係玫瑰咁樣,所以其實可以放心, 因為3月-7月都係有花海睇的啊。
06
Dec 16
22:59
博客

【避開日本假期】教你「駁駁駁長假」去旅行!

新嘅一年就到啦,又係時候plan定下年幾時去玩好~   去旅行除咗要睇定香港幾時有長假再請Annual駁成超長假之外,如果想玩得盡興唔使點排隊,記得記得留意會唔會撞正目的地長假,如果撞正的話記得執執個行程,避免去主題樂園同觀光景點,否則唔單止要排隊排餐懞,影相仲會影極都係人頭,而呢個moment你就會打從心底感嘆地球原來真係好迫人......   所以為咗玩得精明,記得save好下面呢個港日假期表,唔單止教你點樣駁駁駁駁個長假期,仲可以一次過睇埋日本幾號係假期,咁就唔會去到先發現出事啦~     香港假期列表: 12月24~26日 聖誕節 1月1~2日          元旦及元旦翌日 1月28~31       初一至初四 4月4日             清明節 4月14~15       耶穌受難節 4月17日              復活節 5月1日                勞動節 5月3日             佛誕 5月30日           端午節 7月1日             回歸 10月1~2日     國慶 10月5日           中秋翌日 10月28日         重陽節   日本假期列表: 1月1~2日        新年 1月7~9日        成人日 2月11~12日    建國紀念日 3月18~20日    春分節 4月29~30日    昭和日 5月3~7日        黃金週 7月15~17日    海洋日
06
Jan 17
19:40
博客

女神石原聰美變身名偵探帶你遊中野!

自從石原做咗東京地鐵嘅代言人之後都拍咗一系列好正嘅Find My Tokyo廣告帶大家坐地鐵探索東京啦(之前都有介紹過王子站之遊)!今日東京地鐵又公佈咗最新嘅廣告,就係由女神化身名偵探帶大家遊中野呀!     今次係Find My Tokyo系列第四彈廣告,主題係「中野 Entertainment Jungle(娛樂森林)」。石原化身名偵探look同安田聖愛一齊行中野百老匯商店街同埋中野站南口嘅煉瓦坂(レンガ坂)。今次嘅廣告歌繼續由小林武史製作,不過今次就唔係back number而係同樂隊KANA-BOON合作。   當中石原喺廣告食嘅8層高雪糕店喺中野百老匯名物嚟,490yen就可以食到8款味道嘅雪糕!包括有雲呢拿、朱古力、士多啤梨、牛奶咖啡、黑芝麻、甜蕃薯、抹茶同波子汽水,見到都想食呀!  
07
Nov 16
08:46
新聞

冬天去小樽運河睇小樽雪物語!

冬天去北海道又點可以唔去小樽睇浪漫運河景?   今年11月17日起至明年2月12日至,小樽運河將會舉行「小樽雪物語」活動,將會喺小樽運河點起藍色燈,營造浪漫氣氛。小樽著名嘅玻璃工房仲會親手製作玻璃酒杯塔,加上200個小燈飾,將會呈現非常靚同浪漫嘅景色。各位遊客唔好錯過喇!   點燈時間:日落起至晚上10點半 點燈範圍:小樽運河 淺草橋~中央橋(※中央橋因工程,將會於12月末後先開始點燈) 點燈式開幕禮:11月12日 4點半 小樽運河 淺草橋街園