新聞
01
Nov 16
02:16
新聞

震驚日本新聞界 中日新聞記者被揭「造假」!

曾經引起網友激烈討伐,被指造假的『中日新聞社』連載故事,以真實故事為賣點的「新貧乏物語」,自10月12日公佈查明第4部第3回「小朋友的SOS」有3處內容為「造假」以來,中日新聞社昨天終於在旗下兩份報章《中日新聞》及《東京新聞》刊登兩頁道歉啟示,並宣佈內部處分安排。   出處:每日新聞、中日新聞   今年年頭開始連載的「新貧乏物語」,因其標榜以「真人真事」報導新一代日本人的貧窮狀況而非常受歡迎。不過在5月19日及6月21日分別於中日新聞及東京新聞刊登的「小朋友的SOS」,就被證實有3處造假。     3處造假包括: 1 文中想描述他們連學校教材的1600日圓繪畫用具也無力支付,進而指雪櫃上貼有「教材-畫具費及彫刻刀各800日圓」的繳費通知書,但最後證實是揑造的。 2 報導指少女不停表示「想上補習班」去營造「想上又沒能力」的形象,但事實是少女對於「上補習班」並非絕對堅持。 3 報導指少女因未交合宿費用1萬日圓而不能住旅館,而要寄住親戚屋企再自行前     出處:https://gunosy.com/articles/
30
Nov 16
17:57
新聞

【將遊戲帶到現實】日本環球影城落實開設任天堂樂園新園區!

美國環球影城設計總監Mark Woodbury同任天堂社長宮本茂尋晚深夜發表消息,公佈未來將於位於大阪市嘅日本環球影城、以及美國東、西岸嘅兩間環球影城三個據點內共同開設以任天堂為主題嘅園區!   雖然暫時未公佈詳細日期及時間,不過相關代表都已經落實將會建立「可以體驗與馬里奧同佢嘅朋友親身見面嘅獨特世界觀」。呢個園區將會有幾個機動遊戲、主題商店、餐廳等,並會透過呢啲設施將遊戲中經典嘅畫面及樂趣呈現畀遊客。   其實任天堂同環球影城嘅合作計劃從舊年5月已經公佈。雖因為落實新園區落成日子,不過相信將會於2020年奧運前完工,等世界各地嘅遊客都可以好似今年東京奧運宣傳片咁,跟住Mario嚟日本嘛!   美國環球影城官方網站提及此次擴建園區重點:   *任天堂主題園區將會開設於日本大阪環球影城、美國奧蘭多環球影城度假村及美國荷里活環球影城 *這次擴建新園區將會帶來能令人感到身臨其境、更互動性嘅體驗。如園區內將有主題餐廳、商店、及機動遊戲 *你將能感受到有如親身進入最喜愛嘅任天堂遊戲般嘅快感 *不論男女老幼、或對打機或任天堂遊戲經驗淺深,都一定可以喺呢個園區內搵到適合你嘅設施 *詳細規劃及設計仍在進行中,將會於未來幾年繼續慢慢公佈   官方合作宣佈短片:
05
Dec 16
20:20
新聞

成宮寬貴被指吸毒照片 真相其實係...少女心爆發!?

34歲男演員成宮寬貴被八卦雜誌《週刊Friday》刊登疑似吸毒照片,被指與朋友在房間內用鼻吸食可卡因。報導指出相片係由佢朋友提供,攝於11月9日凌晨3點幾。張相初步睇就見到檯面好亂,有啤酒罐、煙、打火機,玻璃杯旁邊有塑膠紙,同埋有啲白色粉末添。成宮出道以來形象一向健康,今次報道引起好多粉絲同觀眾熱烈討論,加上最近唔少娛樂圈人士因吸毒被捕,令唔少人都懷疑件事嘅真偽㖭!     成宮寬貴就非常憤怒地指呢個報道根本冇事實根據,並發表聲明話「我,成宮寬貴,絕對沒有使用藥物」,相關經紀公司仲準備採取法律行動。不過有眼利嘅網民就發現咗更加特別嘅事情真相喎。   一齊睇下:   睇唔明日文唔緊要。雖然成宮一直否認吸毒但冇說明枱面上嘅係乜嘢,但眼利嘅女網民就話枱面上擺放嘅係呢包超可愛嘅「たのしいケーキやさん♪」、即係用來整手指size嘅蛋糕、雪糕嘅玩具糖果!Tune番光張相都真係幾似!  
30
Sep 16
20:32
新聞

世上最唔敢去嘅壽司店 北韓大型迴轉壽司店開業!

今個月初,北韓開設咗一間大型壽司店,亦都係北韓境內少數提供迴轉壽司嘅「平壤壽司食堂」!大家都知道平壤嘅市民有幾苦...呢間壽司食堂就打正旗號做北韓富豪生意(唔講都唔知原來除咗金仔之外北韓係有富豪*_*)!據說,喺北韓食生嘢係權力嘅象徵,而呢間壽司食堂都係金仔推動要開設嘅添!   店內分兩層,第一層能夠容納100名食客,仲有北韓靚女為你送上靚女師傅整嘅壽司。2樓就有四間和室同埋迴轉壽司區,而且仲有得用Touch Mon點菜,真係好先進!     不過到底北韓壽司可不可信?雖然以上短片記者就話同日本嘅味道差唔多,但有喺北韓工作嘅日本男性就話喺北韓食魚生簡直就係在玩命...呢位先生喺北韓食完刺身、貝類海鮮同韓式生牛肉之後,出現咗人生之中嘅新體驗...「絕對唔係一般嘅攪肚痛...係維持咗成個禮拜嘅肚屙、一個禮拜內不停去廁所。」肚屙都算,北韓嘅廁所連紙巾都冇,呢下先死。日本食客就慘慘豬地話:「我唔知啲北韓人係點解決,我就唯有喊住用自己條手巾仔...」   聽講北韓嘅生海鮮鮮度極低,一名提供海產畀北韓嘅先生就解釋:「漁船同漁港設施都無冷凍設備、又無製冰機,根本啲海鮮運到出嚟已經好
09
Dec 16
23:56
新聞

【悲報】成宮寬貴宣布從藝能界引退

勁sad。經歷過一輪被懷疑吸毒騷動後,成宮寬貴今日正式發表聲明宣布從藝能界引退,原因係因為被身邊朋友出賣私人生活,令佢感到繼續從事演藝界將無法再相信身邊嘅人...唉。另外今日較早前佢嘅事務所到已經公佈驗尿結果呈陰性,證實成宮係清白嘅...先睇睇成宮手寫聲明嘅內容。   (大致翻譯內容如下) 今次事件所有起因都係因為我自己,我本人非常明白。我被從心底裡信任嘅幾位朋友出賣,被陷於不義。   今次被公佈嘅係我從事呢份工作絕對唔想被人知道嘅私人生活嘅一面,一諗到如果呢個錯誤嘅情報繼續被傳揚,我實在快要被言語不能表達嘅不安、恐懼及絕望感壓倒。   我實在不能再忍耐以後自己嘅私人生活被人惡意地暴露畀公眾。   我已經即刻想喺藝能界消失。就算我以後喺演藝界嘅舞台上立足,我都會為有關人士或對我身邊嘅人帶嚟麻煩,我覺得實在太抱歉。除咗快啲離開演藝界之外,我實在諗唔到其他方法。   真係好感激各位相關人士將我從乜都冇培育到今時今日嘅我。對於支持我嘅各位粉絲,請原諒我要以咁嘅形式去離開。   真係非常抱歉。然後,一路而來,真的非常謝謝大家。   2016.12.8 成宮寬貴   以上為小編非官方不負責任翻譯內容。如跟原文差少少意思,請見諒。 另外,呢封信簡直委屈到要喊出嚟。一本不負責任嘅八卦雜誌報嘅
12
Dec 16
01:24
新聞

【太過分】韓籍男闖日神社毀壞超過100尊神像

福島縣警於昨日逮捕一名35歲無業及居無定所嘅韓籍男士,涉嫌非法入侵及毀壞同縣嘅泉崎村稲荷神社嘅石像。福島縣自今個月起,泉崎村北邊嘅須賀川市、郡山市、福島市等多間寺廟及神社入面嘅佛像同地蔵像都出現被惡意毀壞嘅情況,受損壞嘅神像至少達100尊。   今次被得逮捕嘅疑犯於12月9日晚上毀壞泉崎村稲荷神社嘅兩隻狐狸石像,以及非法入侵本殿破壞木造嘅狐狸木像。疑犯已承認有毀壞其他神社嘅石像,暫時未透露犯案動機。   日本人一向非常尊敬並重視神社及神像,今次嘅事件又於網絡引起日韓問題嘅爭論。以前亦曾有韓國人於日本神社偷竊、刑事毀壞等案件發生。   新聞來源:http://www.sanspo.com/geino/news/20161211/tro16121100170001-n1.html
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
05
Oct 16
22:08
博客

「極品下流少女」主唱川谷被爆與未成年女友飲酒同居 唱片公司下令休止活動

全盛時期嘅川谷繪音到底可以剋到身邊幾多人?   相信有留意開日本娛樂新聞嘅朋友都會知道川谷繪音係邊個。 今年年初嘅爆出同Becky搞婚外情時,Becky名譽同形象掃地,沉默咗大半年都仍然冇任何工作。而川谷繪音就繼續喺鏡頭前活動,繼續唱歌出碟。不倫騷動後川谷繪音所屬樂隊「極品下流少女」嘅新專輯「兩成敗」更加獲得ORICON冠軍,全國10都市15場公演門票售清。   (小編承認,唔計個人,首歌係真心幾好聽。其實係隊既特別又有實力嘅樂隊...)     ▲前幾個月,川谷先俾人影到同個後生女飲完酒準備帶番屋企過夜,當場被斷正。雖然佢否認呢個女仔係女朋友,但就風騷不避嫌話唔排除以後有發展空間。當時Becky仲未能復出,令好多人感嘆兩人醜聞事後發展差太遠。   ▲前幾日,川谷繪音又傳出大鑊嘢。今次又畀傳媒捉正佢溝19歲新女ほのかりん仲要同居,難得嘅喺兩人嘅事務所竟然承認今次嘅緋聞。不過狗仔隊就發現未成年嘅呢位妹妹同川谷約會有飲酒(日本法定年齡為20歲
04
Oct 16
01:11
新聞

遊客喊住食辣辣壽司 大阪壽司店涉歧視外國食客

大阪難波一間深受遊客歡迎嘅壽司名店發生針對遊客落重手、於壽司狂加芥末事件。事源今年9月尾至10月頭,於Twitter及Google均出現指證位於難波嘅「市場ずし難波店」會針對遊客提供加入大量wasabi嘅壽司嘅證供。當大家都懷疑緊事件嘅真假之時,經營壽司店嘅藤井食品於官方網站發表道歉聲明,承認的確有員工為食客提供加料壽司,不過就網民懷疑壽司店嘅做法係咪歧視外國人一事,壽司店就話未能確認員工嘅行為舉動有冇呢個意思。   壽司店負責人聲稱,因為好多外國食客嚟食壽司都會係咁講「wasabi,wasabi」,所以壽司師傅就覺得外國人口味係鐘意食多啲wasabi嘅壽司,所以先向外國食客提供加料壽司。當然有網民唔接受呢個解釋,覺得壽司店只係喺度狡辯。   有日本人食客A子小姐之前帶韓國籍男友去幫襯壽司店時,表示感受到壽司店裡面都係熟客比較多,令首次幫襯嘅佢哋咁都有少少唔自在。雖然男朋友能夠講日文,不過發音未算標準,店員聽口音就猜測到佢男朋友唔係日本人。如是者,佢哋點嘅魷魚、鯛魚、金槍魚壽司等都被放入大量芥末。A子小姐表示佢同男友平時都好少去呢種專門店食壽司,但見其他食客完全冇問題,自己就食到喊晒口,唯有啞忍,同男朋友一邊流淚一邊苦吞壽司。幫兩位握壽司嘅係同一個店員。  
20
Dec 16
00:27
新聞

日本最靚仔高中生選舉結果發表!

尋日日本就舉行咗一個叫做「日本第一靚仔高中生」比賽,喺全國嘅代表入面,嚟自福井縣、17歲嘅高中2年級生本田響矢成功擊敗眾對手,獲得第一名。   本田就話自己好憧憬菅田将暉、山崎賢人、野村周平等近兩年非常紅嘅年輕男演員,仲話會視佢哋為目標,成為一個出色嘅男演員添!你哋又覺得呢位少年點先?   第二位就係東京出身嘅17歲高中二年級生那須泰斗。   另外SNOW賞有福岡縣出生嘅16歲高一生宇佐卓真。   而同電影「今天的吉良同學」合作嘅「今天的吉良同學」賞就係神奈川縣出身嘅18歲高三學生大岡拓海。   可能姐姐真係老啦,見到呢班小鮮肉冇乜感覺。不過可能佢哋遲啲都會係日本娛樂圈發熱發亮~   更多圖片+資料來源:Model Press