整形
14
Apr 16
21:07
新聞

【整容】日本《整形Cinderella》冠軍出爐!

唔好以為整容係韓國嘅專利,其實係台灣日本,整容都已經唔係咩新鮮事!   最近日本有一間美容整形公司「湘南美容外科クリニック」就搞左個比賽《整形Cinderella》     係200名報名者入面精挑細選出5位,除左可以免費獲得免費整形之外,仲會參加一連串嘅訓練營,好似體型儀態咁!真係成個選美節目咁㗎!     結果冠軍就係佢,18歲嘅「笹野千枝里」     佢總共做左雙眼皮、開眼頭、隆鼻、臉部溶脂同埋身體抽脂等手術,加埋出色嘅表現先可以拎到呢個冠軍。佢除左可以拎到300萬円獎金,仲可以簽約成為藝人出道。   不過到底佢整容前係點嘅樣…(左整容前、右整容後)     嗯…其實本身化左妝應該都唔差呀!   睇埋其他參賽者   河崎杏奈、21歲。由左至右:整容前、整容後素顏、整容後化妝
05
May 16
01:29
博客

日本最強整容男女!!!

而家韓風當道,已經愈黎愈多人接受到整容呢樣野,認為只要整完之後敢認,又可以令自己自信心強D嘅話,都不妨係好事黎。拿我都係咁認為,反正個樣係自己嘅,都無乜資格話人整容,之但係,喺日本有一男一女,分別都係非常熱愛整容嘅人士。熱愛到好似女仔熱愛化妝咁,你就得閒化下妝,佢就得閒整下容!我講真嫁,而家就同你地介紹下呢兩個「整容天皇天后」啦!   女嘅叫做ヴァニラ 佢截至2015年,全身上下總其郁過40幾次。無錯係全身上下,唔係得個樣。 花喺整容嘅錢已經高達3000萬円!!! 咁其實佢應該係活喺自己幻想世界入面嘅人,因為佢自我介紹時唔係講「こんにちは」,而係講「Bonjour」,成日話自己係來自法國嘅公仔喎...(反白眼反到後腦) 呢個就係佢未整容前嘅樣,好啦都無人認到嫁啦是但啦,反正佢開始整容嘅原因係當時不停被人笑佢係豬扒,生活得好唔開心,所以就踏上左呢條不歸路啦!