放題
01
Jun 16
23:39
博客

【流哂口水】2700円就食到海鮮BBQ放題!!

海鮮好好食,特別係新鮮嘅海鮮直頭係人間美食♡喺南房総嘅沿海,有一間店竟然只係收你2700円就可以食到新鮮嘅蝦、海螺、帆立貝等等唔同種類嘅海鮮啦!真係抵到爛,喺香港食個放題都差唔多呢個價錢,不如直接去日本食啦!仲包保新鮮添!佢受歡迎到成日都要排長龍先食到,梗係啦咁荀喎!   喺南房総嘅Market Place「the Fish」入面嘅「まるはま」就係傳說中嘅呢間超荀海鮮BBQ放題店啦!汽水都係任飲,唔會好賤咁要你額外叫。佢咁受歡迎主要都係因為個性價比,用2700円就可以食到新鮮海鮮仲要係放題喎,真係唔特別鍾意海鮮嘅都想去排隊試下!   呢個海鮮放題係以自助餐形式,即係自己出去拎果種,個感覺正過喺張紙到點呀!   由於佢全部海鮮都係新鮮收取,所以味道方面絕對有保證,唔係平就一定難食嫁!   平時其實好少機會可以食到咁多種類嘅貝類海鮮,好似呢種喺殻裡面烤嘅海螺咁,
05
Jul 16
02:27
新聞

【甜到爆】Mister Donut期間限定放題!

經過日本嘅Mister Donut我總會忍唔住買番一個,不過對於嚐甜嘅朋友嚟講,一個就梗係唔夠喉啦。   但而家就滿足到你啦,因為「Mister Donut大山店」推出期間限定嘅「Donut放題」。     只需1000Yen你就可以係60分鐘入面瘋狂享用Donut。     而且仲附送一杯飲品,只需要加多200Yen就可以變任飲。     如果係學生嘅話仲可以優惠價500Yen享用添。   期間限定至7月15號咋,但注意番需要預約,有興趣嘅朋友就把握機會啦。   【Mister Donut大山店】 地址:東京都板橋区大山東町21-9 電話:03-5292-8731 時間:07:00-23:00 期間:現在至7月15日 放題時段:星期一至四 13:00,14:00,16:00/星期五 13:00,14:00 官網:http://md.mapion.co.jp/b/misterdonut/info/1303/    
12
Oct 16
20:14
博客

【食乜好】放題¥980?東京激安料理5選!

日本有咁多好野食,但你又識唔識捐窿捐罅搵又好味又平到笑嘅激安美食呢?今日同大家分享我嘅私藏,教大家以最少嘅成本享受最多嘅美食!GOGO!     1. ¥100鍋物@味一番     呢間味一番嘅¥100鍋出名到上哂電視,因為份量絕不欺場,足夠3至4個人食用,如果4個人去食,一個人先¥25,真係難以置信!   ¥100嘅鍋物有2款可以㨂,有肉鍋同貝鍋,入面除咗主角嘅貝殼類同牛肉,仲有好多其他配料,例如雞肉同疏菜,加埋秘製湯底,好難相信呢個鍋只係要¥100!   喺門口就會見到呢個牌,每枱限叫一鍋。   肉鍋   除咗鍋物,呢度都有好多唔同野食,例如呢個生蠔,睇見都流口水。   うまいもんどころ 味一番 地址:東京都江東区亀戸2-25-3 電話:03-3637-3950 營業時間:11:30~13:00、17:00~22:40 休息:星期日 網站:www.ajiichiban
01
Jun 16
19:09
博客

【雪糕控】五間有「Haagen Dazs放題」嘅餐廳!

有無人同我一樣超級鍾意食雪糕?特別喺夏天超熱嘅時候,放啖雪糕落口,嘩真係上左天堂咁款!你話我港女又好乜都好,我係最鍾意Haagen Dazs嫁啦!因為佢個士多啤梨味真係好食到無雪糕能取替!但講真,我又唔係有錢人,點會捨得用廿幾三十蚊去買一杯丁屎咁大嘅雪糕丫,都係出糧先獎勵下自己食咋!好似我咁鍾意食Haagen Dazs但又覺得單買好貴嘅話,以下嘅餐廳就幫到你啦!   1.スイーツパラダイス(全國) 「スイーツパラダイス(sweet paradise)」應該都有唔少人聽過,佢係一間有30種以上嘅美味甜品,和菓子,意粉,沙律之類嘅甜品放題店。只要你鍾意,無論係蛋糕,啫喱定季節限定嘅甜品都好,任你食到爆肚都唔嬲! 咁當然,唔係話佢本身個放題入面包左Haagen Dazs啦,因為佢始終係貴野,但你只要額外加200円,就已經可以享受到Haagen Dazs同埋Gelato意大利雪糕啦!抵到喊啦係咪先!Haagen Dazs有雲尼嗱,綠茶,藍莓3種口味,而Gelato意大利雪糕就有27種味道!點都要去食一次呀!   ・名稱:スイーツパラダイス  ・放題費用:大人1530円/小學生以下860円/3歳以下免費(雪糕放題+200円)  ・限時:間間鋪唔同,所以可以上網check ・官網: http://www.sweets-paradise.jp/shop/   2.ヴォーノ・イタリア
28
Oct 16
21:41
博客

【係時候豪食一次!】東京高級但唔貴的手握壽司放題

想食吓日本本地壽司但又怕食OMAKASE冇返五六百蚊港紙落唔到樓,思前想後都係去食已經食過好多次嘅¥100迴轉壽司,你有冇類似嘅經歷?   雖然迴轉壽司都唔係唔好食,不過水準好難次次都keep到超班水平,所以好多識食之徒都會寧願畀多少少錢去食好少少嘅放題,好似下面呢4間,都可以食到以高級食材製作嘅手握壽司,但價錢又唔係太貴,好值得去排隊試吓!     1. 雛鮨@新宿 ¥3,990~   雛鮨除咗喺新宿有2間店鋪,銀座、横浜同池袋都有分店,喺當地出哂名用料新鮮。放題嘅menu好豐富,有成60種選擇,當中有唔少都係貴價高級食材,連埋稅4千零円就可以任你喪食,真係食多幾粒話咁易就回本!   打開menu睇吓,見到個放題啦~   海膽係回本首選,有得點唔係唔喪食啊嘛!   對住咁多咁高級同好味嘅壽司,連日本人都會忍唔住口喪食,120分鐘內食80件壽司對佢嚟講簡直係easy job!   連原條穴子都有,仲長過隻手掌,好犯規!
01
Jul 16
02:04
新聞

【抵到喊】4000円食到壽司+日本酒放題!?

喺錦糸町嘅リトルサケスクエア呢到,今年2月搞左個「4000円壽司+日本酒放題」,因為太受歡迎啦,所以就由6月開始變左隔個星期嘅活動!正呀今鋪!佢仲要竟然唔限時!任你食幾耐,今次一定回到本啦!   平時日本酒放題嘅價格係3240円,而家只係4000円就可以有埋壽司放題,真係抵到懷疑自己睇錯!其實佢有成100種唔同嘅酒比你任飲,每枝試一啖都夠你醉!由超高酒精嘅酒到甜甜地易入口嘅都有,岩哂唔同人士。   即使你唔多鍾意飲日本酒都唔洗驚,因為仲有水果酒、紅酒、燒酒等等唔同種類嘅,所以唔洗怕比左4000円但享受唔到個日本酒放題!   ・名稱: 錦糸町リトルサケスクエア・日本酒飲み放題+寿司食べ放題キャンペーン ・地址: 東京都墨田区錦糸3-3-9イーストビル3F ・前往方法:JR「錦糸町駅」歩行1分 ・活動期間: 2016年6月24日(五)~6月26日(日)/2016年7月8日(五)~7月10日(日)/2016年7月22日(五)~7月24日(日) ・營業時間:【星期五】18:00~23:00(last order:壽司21:00、
13
Oct 16
17:48
新聞

半年開第五間分店!大人氣¥1980天婦羅放題

「天ぷら食べ放題 Gachi(ガチ)」店有大約30種燒炸天婦羅可以選擇,任何一間分店都係兩個鐘任食¥1980起,而且除左天婦羅任食,仲有餃子,厚燒玉子等等30種配菜都係任食。 酒PLAN都有,只要再加¥980就可以兩個鐘任飲 ◆天婦羅放題 主要MENU(根據店鋪MENU種類有多少出入)   蝦,穴子,魷魚,多春魚,獅子狗,蟹柳,舞茸,蓮藕、蕃薯,牛蒡,南瓜,矮瓜,蘆筍,粟米,秋葵,大蒜,蕃茄,波蘿,雞,芝士,燒汁漢堡,腸仔,半熟蛋,限定季節食材。     <配菜> 泡菜,辣青瓜,薄切洋蔥,芽菜,薯仔沙律,凍豆腐,枝豆,塩辛魷魚,酢牛胃,飯,蕎麦麵,蛋天丼等等     ◆天婦羅食べ放題 Gachi地址 (1)天婦羅食べ放題 Gachi 北千住店 店舗名:Gachi(ガチ) 北千住店 地址:東京都足立区千住2-65 五十嵐ビル1階 オープン日:2016年6月18日 店舗サイト(ぐるなび) ▼交通手段・最近車站 ・JR、東京METRO「北千住駅」西口徒歩1分 (2)天婦羅食べ放題 Gachi 浜松町芝大門店 店舗名:Gachi(ガチ) 浜松町芝大門店 地址:東京都港区芝大門2-6-8 中島ビル1階 席数:42席 ▼交通手段・最近車站 ・都営地下鉄「大門駅」徒歩4分 ・JR「浜松町駅」徒歩5分 (3)天婦羅食べ放題 Gachi 渋谷CENTRE街店 店舗名:Gachi(ガチ)
09
Sep 16
22:52
博客

[胃食日本]超豪華28種A5級和牛燒肉放題

去旅行緊係想食好野,想食靚和牛燒肉又怕太好食叫太多大出血... 就緊係要食放題啦! 今日就帶大家去銀座一間叫炙屋武蔵, 可以食到A5和牛放題嘅燒肉店~     今次我食嘅係「極上和牛食べ放題(Gokujyo Wagyu Tabehoudai)」嘅course, 男士6200Yen,女士5200Yen (限時90分鐘,前30分鐘Last Order)   依個course除咗牛舌,牛肋骨等一般部位之外 仲有好多平時食唔到嘅和牛部位可以揀, 而除咗肉之外,泡菜,沙律,飯類,湯,和牛壽司同甜品等等都係任食!!     佢首先會上咗一個指定嘅拼盤, 入面會有哂MENU所有嘅和牛部位同埋雞肉,豬肉 仲有個細牌仔寫哂部位名同埋介紹,
19
Jan 16
01:53
博客

窮遊必瞓:網吧$100蚊一晚有找!

成日都聽到d朋友話好想去日本睇演唱會、去握手會、去簽名會,但就係驚唔夠錢,結果都係得個「諗」字。 大家係咪身同感受呢?係咪好想去日本睇AKB,睇ARASHI呢? 喇喇喇!好多野唔試過係唔知嘅,凡事都有第一次架嘛! 所以呢,等我分享下我一條友仔孭背囊去日本既經驗俾大家啦~ 機票,真係上廉航到搶機票啦!唔好即刻彈句「這些機會不是屬於我的」俾我呀你! 因為我真係試過搶到$1蚊機票架,計埋行李費同燃油附加費,都係$500咋! 好喇,KO咗機票方面,就到住宿問題喇。D錢梗係留返黎買周邊啦! 住宿方面,有地方俾我訓同沖涼就「大丈夫」架喇。 所以呢,我選擇咗訓!網!吧! 唔好以為訓網吧係咩奇怪既事呀,因為有唔少日本人唔想交貴租而長居網吧架! 究竟日本網吧有咩咁好呢?同香港網吧又有咩分別呢? 你睇,網吧包你上網睇漫畫之餘,仲要有得沖涼,汽水咖啡任飲, 仲要有得整埋Gel甲!問你服未?哈哈哈! 呢間網吧就同7仔一樣,總有一間係你附近,隣近車站,好易搵。 我第一次去呢,就係去位於新宿區歌舞伎町既分店。 一個女仔去網吧過夜唔驚咩?唔洗驚喎,有得揀特設女性專用區,仲要係獨立房! 由於我唔食煙同埋
18
Oct 16
23:46
博客

【食乜好】去北海道食布甸放題!

布甸都有放題,係咪好神奇呢,日本人真係好有諗頭,為咗可以畀布甸迷一次過試哂唔同款嘅布甸,特登整咗呢個平日限定嘅布甸放題,對於勁鍾意食布甸嘅布甸迷嚟講真係超幸福啊!   呢間可以食到布甸放題嘅cafe「Santa Cream」位於北海道江別市,由大麻站行過去大概1分鐘倒,都幾方便。     間舖頭相當易認,紅當當嘅外牆遠遠就見到!呢度其實係一間照相館,為咗客人等影相嗰陣唔會等得太悶,特登開設咗呢間cafe畀客人慢慢坐,邊食邊等,好貼心。     間舖頭叫Santa Cream,唔怪得裝修咁有聖誕氣氛。     呢個布甸放題係平日限定,即係星期六日同公眾假期去係唔會食到嘅,大家要留意設。唔好以為放題佢地就會畀cheap野你食,menu嘅布甸個個都過¥300,有啲淨係睇個樣都覺得高級!     個放題由下奏3點開始入場,6點就完,當中你會有1個鐘可以不停咁食,不過開始食之前係要同店員講你要邊種食法。Set A ¥1,200包一杯茶、咖啡或橙汁;Set B ¥1,400