攝影會
07
May 16
23:30
博客

【實況報導‬】龍友初體驗.潛入日本攝影會

日本寫真風氣盛行,出寫真並唔係明星嘅專利!無論係Cosplayer,水著女優甚至AV女優都會加入寫真行列!   而為咗滿足粉絲,日本各地成日都會有唔同類型嘅攝影會,俾普羅大眾感受下影寫真嘅滋味!     而我話明帶大家試古靈精怪野,梗係帶大家試下旅行做唔到嘅野啦!今次就同大家潛入攝影會,做一日龍友,為大家謀下福利啦!   今次攝影會嘅主題係(開鎖內衣)相信大家有機會係網上見過相關圖片。呢套內衣其實係由Cosplayer鳴海玲音所設計,最近仲大賣添!     雖然已經知道到時會成為全場唯一嘅女仔。不過正式上到去,真係緊張到連氣都唔敢抖多啖呀!   今次攝影會大約一個小時,費用為7000円,有二十名參加者!總共有三位Model,分別係鳴海玲音,月城月菜同埋のらねこ!     影樓面積唔算大,不過都有三個場景!一開始三位Model會聚埋一齊影大合照先,之後佢地就會各自分散,每人一個場景!