手機版
07
Nov 16
23:46
博客

手機P的奇幻漂流?

幾日前讀賣新聞報導 係上年11月有個喺横濱讀書嘅大學生係日本唔見咗部智能電話同學生証,前幾個月終於係印尼拎返。 日本唔見咗,印尼拎返?有人偸/執左後賣左去印尼?定係手機P的奇幻漂流?     成件事係有個大學生個日坐完南武線後唔見咗個電話同學生証, 之後個日成條南武線就換晒新型火車 通常舊火車會送去長野拆散回收 但係今次情況有啲唔同   架南武線舊火車送左去新潟,等送出國去印尼雅加達, 送去印尼雅加達改良之後就開始為雅加達嘅KA Commuter Jabodetabek服務。 就係改良期間,有個維修人員喺坐位下面個暖氣位發現咗部電話(個電話係連車送左去印尼雅加達) 個維修人員因為唔識日文,所以只係用Twitter貼文,希望擴散出去,結果畀一個雅加達工作嘅日本火車迷見到。 個日本火車迷之後用日文Share返日本,結果就搵到個物主喇~ 去到前幾個月,個物主去咗印尼雅加達,同個維修人員見面,部智能電話同學生証無事返咗物主身邊。
16
Nov 16
19:19
新聞

續報!! SUPER Mario Run Ios版12月15日上架!

講足大半年嘅「瑪莉歐系列」手機版遊戲,尋晚終於公佈12月15日正式推出ios版,而名字亦正式定為『SUPER Mario Run』。而除咗優先推出嘅IOS版外,日後亦將會推出Android版。       現時已知免費版收錄「一般、競賽、蘑菇王國」三個模式,玩家可支付1200日圓(9.99美金)購買完整版遊戲,除此以外暫無其他課金項目計劃。     遊戲為橫向ACT形式,而且角色會自己前進,玩家只需以長╱短按屏幕控制角色跳的高度避開障礙及怪物,並以收集最多金幣為目標。     另外遊戲亦設有與其他玩家競賽的模式。而比賽及普通模式得到的金幣,可以用於建設自己的蘑菇王國。      
19
Jan 17
03:57
博客

日本人氣手機遊戲首度推出海外商店 《怪物彈珠》空降朗豪坊!

  如果有玩開日本手機遊戲嘅話都應該有聽過《怪物彈珠》㗎喇!自2015打入香港市場起,呢隻app喺全世界嘅下載人次已經突破3600萬!今次呢隻遊戲仲選係香港推出首間海外嘅商店「怪物彈珠 Pop-up Store Hong Kong Station」,於1月21日起至2月19日喺旺角朗豪坊9樓嘅香港Namco Wonder Park夢幻世界就可以見到各款本土獨有嘅商品,好多都係香港區限定人氣角色商品嚟架!   一齊睇下有咩特別商品先啦!第一次係海外推出精品,今次官方主題就係獸神化角色:   全球獨家推出 香港限定嘅《怪物彈珠》圓形咕?(HKD$150) 共三款,分別係超人氣嘅「南丁格爾」、「達太喵」同「加百列」,真係好好攬架!   ▲女神張秀文都話最中意南丁格爾咕?呀~   《怪物彈珠》角色襟章(HK$25) 共十款,講《怪物彈珠》又點少得抽嘢元素呢!今次10款襟章包括6星嘅大理花、坂本龍馬、達文西、5星嘅凱等等,不過抽唔抽得中你想要嘅就真係睇你人品如何喇!(小編想要凱同龍馬,但抽到亞瑟...)   《怪
15
Apr 16
21:10
新聞

【‪天價‬】Sharp RoBoHoN手機機械人即將發售!

Sharp新產品「RoBoHoN」將於5月26號喺日本推出。     RoBoHoN為全球唯一擁有機器人造型同功能嘅手提電話。除咗一般智慧型手機功能外,RoBoHoN 仲有聲控功能、聲音同臉部辨識功能,可以雙腳行走、跳舞,甚至包括投影功能,可以隨時喺平面投放影像。     RoBoHoN 採用 Android 5.0 系統、1.2 GHz 嘅高通 S400 四核心處理器,支援 3G、4G、WiFi 連線機能。     雖然佢真係巧打耳!但係…睇到價錢之後當堂打左個突,售價係198,000円 (約為14,000港元)   每月暫定生產5000隻…唔知以呢個價錢係咪真係有咁多需求?  
05
Apr 16
19:29
博客

[不敗日記]數碼暴龍game你今日玩咗未?

男友好專心打機而唔理你時,你可以點做!? 就係,同佢一齊打!!! 無錯!要落坑!要打得仲癲仲沉迷過佢!   最近有個新出嘅手機game,係打數碼暴龍㗎!!! 當我見到㗎仔「周國賢」係到打緊時,我好奇就問佢咩黎! 一見到係數碼暴龍,真係不得了!!! 即刻叫佢幫我dl隻game,教我點打! 然後,我同佢行街又打機,搭車又打機,食飯又打機,就連去開大都打機!(笑)   等我推你地落坑先~~~   打「デジモン」就會搵到呢個game,唔洗錢dl㗎! 但係loading比較耐,同埋比較食電,建議開wifi同叉住電嚟玩!     每個人都會有自己嘅USER CODE!有咩用呢?梗係用嚟加朋友啦!     呢個係我acc,大家可以add我㗎~ 點add!?等等呀下~     係呢到click檢索!之後打人地個USER CODE就可以搵到對方㗎喇~     歡迎大家add我!雖然我d數
07
Jul 16
02:42
新聞

勢掀課金潮 Sanrio推手遊與男高中生談戀愛

做咩呀!男仔鍾意Sanrio唔得咩! 冇錯,呢五個美男子係超級鍾意Sanrio嘅五位高中生「Sanrio男子」。分別鍾意Hello Kitty、Melody、布甸狗、肉桂狗同Little Twin Star。 其實如果有留意開Sanrio嘅話,都知呢隊組合推出咗一段時間,仲有自己嘅官方Twitter,其實係日本嘅Sanrio二次元愛好者粉絲中已經好有人氣。官方Twitter仲成日放圖討好粉絲,不過本系列就講明話嚴禁二次創作嘅。   Wallpaper仲可愛過我。   上個月,Sanrio男子突然嚟個聲優發表,姐係話呢班高中生係會講嘢!但個秘密計劃就無揭曉,而今日!終於都知道,原來Sanrio男子會推出手機戀愛遊戲!俗稱溝仔game嘅乙女遊戲!   事實上,雖然畫風同人設到唔錯,但我真係未接受到呢班靚仔鍾意咁可愛嘅卡通人物嘅事實。(非歧視,純粹未接受到lol)   有埋關係圖,但點解可以複雜到...   遊戲唔單止可以享受DOKI DOKI(讓人心跳加速)嘅校園戀愛生活,每個
07
Sep 16
00:15
博客

超經典《超時空要塞》系列宣佈推手機音樂遊戲 重溫10首神作金曲

動畫《超時空要塞》系列相信係唔少人心目中嘅經典!以導彈、三角戀、同歌姬做主題嘅MACROSS系列,自1982年起第一代開播以來,每一作都會衍生出至少一首(其實又點只一首)讓動漫迷狂loop嘅經典名曲。話說四月新番《超時空要塞 Δ》大熱,繼較早前官方宣佈推出PSV遊戲後,近日仲宣佈埋會推出手機音樂遊戲添呀!     重點來了:呢隻手機音game「マクロススマホDeカルチャー」(《歌之超時空要塞》)係以歷代名曲造成,姐係話初代Macross嘅女神林明美、《超時空要塞7》嘅熱氣·巴薩拉、Frontier嘅蘭花·李、同埋最新系列嘅組合「Walküre」都會係遊戲中以3D造型登場,夠豪華啦啩!   遊戲玩法大致同一般手遊嘅音樂遊戲相同,玩家可以用唔同角色去演奏歌曲。最令人振奮嘅應該都係可以重溫歷代經典歌曲!   雖然遊戲下年先會推出,不過大家就可以loop定歷代金曲熱下身先!
17
Jan 17
02:07
博客

排隊排到出人命!? 究竟「怪物彈珠」有幾HIT?

早排有朋友同我提起最近網上傳開嘅嘢冇樣真,仲用上年夏天Twitter盛傳喺日本舉辦過嘅【怪物彈珠】活動【Monster Festival】做例子。   手機GAME hit到會死人? Mixi 喺 2015 年 8 月 2 日假日本千葉幕張展覽中心為【怪物彈珠】舉辦首場單獨活動「怪物彈珠祭 2015」【Monster Festival2015】,內除咗公開亞瑟/海盜/沃加神化合成以及同《魯邦三世》嘅跨界合作企劃、動畫宣傳片外,更重要嘅係入場隻可以得到入場特典(5隻限定寵物+寶珠1粒)。   不過當時正值嚴夏,仲要個個玩家去到排隊先發現條隊遠遠長過玩家同營運嘅預算(據稱9時開場,約10時人龍已超過1萬人,等侯入場時間為3-4小時)。喺twitter除左見到個個身水身汗,後來更加有疑似新聞報道擷圖放上Twitter話個【Monster Festival】排隊排出人命!     好彩,呢件事嘅真相當然只係網友改圖無搞出人命(不過排隊嘅人太多搞到中暑就真嘅),不過呢隻遊戲原來一早係日本Google play/Appstore 銷售額排行榜嘅常客,除左佢原本已經一路有喺youtube出緊佢嘅動畫版(有埋多國語言字幕包括繁體中文字幕!)!   動畫版已經做完,
16
Feb 17
19:32
博客

Pokémon GO 推大規模更新 加入80種以上新精靈!

想當年(其實都係舊年)Pokémon GO造成全球哄動,每個國家都出現群情洶湧一齊出去捉精靈嘅現象。不過到今時今日,唔知仲有幾多個長情玩家仲有玩呢?機會係留畀未del app的人!因為Pokémon GO官方營運已經公佈咗今個周末將會推出大規模更新! 1)追加80種以上全新精靈:新登場嘅80種精靈都係新發售遊戲「Pokémon Sun/Moon」系列嘅新精靈,都係喺遊戲入面嘅舞台「ジョウト地方」度出現嘅新精靈!另外而家可以辨明包括至今登場咗嘅精靈嘅性別,有啲唔同性別嘅同種類精靈有唔同嘅外表,大家可以搵搵! 2)新進化系統:現今已經喺Pokémon GO登場嘅精靈發現可以進化嘅精靈!進化需要一啲特別嘅道具,而呢啲道具可以從PokéStop入手~ 3)捉精靈系統有新變化:更新一部分精靈被捉時將會出現新嘅小動作,所以大家要更加專心去拋出精靈球!亦都追加咗新button係畫面上,可以直接將精靈球換成拋berry。 4)追加兩款新Berry:追加咗兩種精靈們最愛嘅berry,同樣可以從PokéStop入手。「ナナのみ」會令精靈嘅動作變遲鈍令佢哋更容易被收復。「パイルのみ」
19
Jul 16
22:15
新聞

【魔鏡號出動‬】AV女優化身手機遊戲角色?

其實係上年日本AV大廠SOD已經加入手機遊戲戰團,開發咗一隻叫做AV魔鏡號收藏(マジックミラー号これくしょん-マジこれ)嘅遊戲。     係遊戲入面,玩家會坐住AV魔鏡號周圍去旅行,途中仲有機會邂逅唔同嘅女仔,好似護士,女僕,快餐店店員等等,等到條件達成後,你就可以邀請佢地上車…(之後會點請自己發掘)     而為左吸引更多玩家,最近佢地仲邀請咗真實嘅AV女優來擔任角色同配音,即刻睇下有邊個。     1.大槻響(大槻ひびき)     2.古川伊織(古川いおり)     3.佐藤愛理(さとう愛理)