戸田恵梨香
09
Mar 16
19:15
新聞

死亡筆記回歸!戸田恵梨香確定出演!

日本超人氣電影《死亡筆記》最新作將會係2016年10月29日正式公映。   一開始話有新作嘅時侯,大家都非常興奮,包括我。仲好記得當時嘅我好鍾意藤原龍也做嘅夜神月!但係始終舊作都死左,要佢再返生都好難。所以2016年嘅新作就會設定為夜神月與L對決嘅10年後,死神和死亡筆記再現人間,令世界再次陷入混亂。主演嘅變成搜查官三島創(東出晶大)、擁有L遺傳基因,被稱為「L正統繼承人」嘅龍崎(池松壯亮)、同埋恐怖分子紫苑優輝(菅田將暉)     唉…全部都新面孔嚟嘅…好失望!唔駛傷心住,啱啱早兩日就公佈左一個令人振奮嘅消息。   就係戶田惠利香確定參演,仲繼續做返彌海砂添。彌海砂因為放棄左死亡筆記嘅擁有權而失去咗相關記憶,仲繼續以演員身份活動,但係另外6本死亡筆記降臨人間,10年前用過死亡筆記而且唯一存活嘅彌海砂就成為故事嘅重要人物。     無左夜神月同L,好彩都有番個彌海砂!由於有6本死亡筆記嘅關係,所以分別有6個唔同嘅擁有者,其中一個就係前AKB48川榮李奈,佢外表係普通女仔,但實際上佢係一個殺人狂,不分善惡,鍾意就殺,算係史上最惡嘅筆記擁有人。    
18
Jul 16
18:23
新聞

《死亡筆記2016》最新預告片公開

10月29日上映嘅《死亡筆記 Light up the NEW world》最新預告片公開!     故事背景設定為夜神月與L對決嘅10年後,死神和死亡筆記再現人間,令世界再次陷入混亂。主演嘅變成搜查官三島創(東出晶大)、擁有L遺傳基因,被稱為「L正統繼承人」嘅龍崎(池松壯亮)、同埋恐怖分子紫苑優輝(菅田將暉),加上死唔去嘅彌海砂(戸田恵梨香)。     今次總共有6本死亡筆記降臨人間,到底會有幾亂?       仲有幾個月咋,好期待呀