我要成名
20
Apr 16
01:47
博客

[不敗日記]明星都去!想成名就一定要去嘅神社!

之前係[不敗日記]向大家報告緣分遊戲,收到唔少祝福,多謝你地! 記得係第一篇[不敗日記]係向大家介紹求戀愛一定要去東京大神宮!! (未睇嘅話,就快快睇返啦!http://www.likejapan.com/fuhai1) 喇喇喇!咪話我戀愛大過天呀!我都好重視我工作㗎!!! 所以,今次就去神社求事業喇~~ 其實,係某人叫我去~(喂!又放閃!?)   花園神社   位於新宿,由車站東口行唔洗10分鐘就到~ 識唔識去歌舞伎町?再行前少少就係㗎喇~~   神社嘅出入口,都有個地圖指示,當有災難發生時,附近邊到有避難所。 好啦,我就行樓梯上去喇~   當日朝早落咗陣雨,地下好濕,差少少就仆……低。好險~   一上到去,咦!?點解好似怪怪地咁嘅!? 原來頭先果個係後門嚟㗎!哈哈哈!   好啦!我行行行就行返嚟正前方喇~ 好有霸氣呀!!!真係不得了!