戀愛觀
26
Sep 16
23:40
博客

澀谷街訪之日本人戀愛那些事兒

  想喺日本長住,如果唔係有返咁上下錢,又冇力能喺日本工作嘅話,就真係諗都唔洗諗!呀,唔係,如果你嫁比日本人嘅話,成件事就冇問題啦~~~不過異地戀真係談何容易咩?所以MIKA就決定喺大家洗濕個頭之前,深入日本人嘅內心世界,了解吓佢地肚入面嗰條蟲,呀姐係佢地嘅戀愛觀到底係咩嘢一回事~~~   問:你嘅理想型係? 答:又瘦又搞笑,總之唔係外國人就OK~不過其實我而家又唔係真係咁想拍拖,感覺好似比起搵女朋友,識多啲朋友仲開心~~~ (本身我有條問題係想問如果你有同外國人拍拖嘅打算,會唔會考慮吓同我拍拖呢?結果問都唔洗問就知道可以收皮==)   問:另一半做過最難以原諒嘅事係咩嘢呢? (中間個位靚姐姐(雖然佢細過我omg))答:出軌! 話說以前佢有個好姐妹,竟然同佢男朋友搭上咗,結果到而家仲係原諒唔到佢地,無論係同個ex定係同個第三者都冇再聯絡啦~ 嗚被出軌都已經夠慘㗎啦…仲要係被好姊妹,真係聞者傷心聽者流淚!   問:你出軌嘅定義係咩呢?