己龍
25
Apr 16
17:39
新聞

己龍宣佈再次踏上日本武道館!

呀!!!日本視覺系樂隊--己龍,琴晚係Live到宣佈今年將會再次喺日本武道館開Live呀!!!     喺今年8月29日(一)將會係己龍第二次喺武道館開Live!     真係恭喜哂!係武道館開Live並唔係易事!真係好感動!   可能大家會諗,開Live唔係應該係東京巨蛋先威咩?   係日本Bandman眼中,都視武道館為非常重要嘅指標!!!   你可以理解成武道館=紅館,人人都好想喺個到開演唱會!咁樣明未???   係武道館開Live係每個Bandman嘅夢想!!!   可能大家都未知太知己龍呢隊Band,等我介紹一吓啦~ 以下相片係己龍最新寫真嚟~主題係「百鬼夜行」~     己龍(きりゅう),2007年9月組隊,同年12月於HOLIDAY SHINJUKU舉行Live,開始Band隊活動。 2009年加入「B.P.RECORDS」,成為旗下Band隊。 2015年7月31日「己龍47都道府県単独巡業公演の千秋楽」於日本武道館舉行。
27
Jan 16
00:14
博客

「視覺系」絕對唔係「忘了愛」既同鄉!

每次同人講親自己中意視覺系既時侯,D人都會O哂咀。(怒) 講起視覺系,大家係咪就會聯想起以下呢D? 染哂金毛,個頭GEL到雀巢咁!?(忍笑中) 再唔係染下紅毛,搽到個咀黑色!?(強力忍笑) 再唔係就黑髮,整個超級撒亞人頭!?(極道忍笑)以上!絕!對!唔!係!視!覺!系! 呢D係叫殺馬特!係殺!馬!特! 係大陸既非主流打扮!並唔係日本既視覺系!!! 唔好再搞錯喇!!!呢D完全係「忘了愛」既同鄉! 視覺系,日文係ヴィジュアル系,平時會叫做V系,或者VR,多數中意ROCK既BANDMAN都會係呢類打扮。 例如唱粵語歌<<成龍很酷>>唱到房祖明都知既金爆啦! 喇!雖然最左邊既歌廣場淳係金毛,但絕對唔係GEL到變剪豬頭架! 再黎!睇下以和風做主題黎己龍! 就算個頭係唔同顏色,個咀都唔會係黑色架! 而且服裝都係非常華麗架! ( 注意︰綠毛既九条武政同金毛既一色日和都係男黎架!唔好見到露大脾就以為係架妹!)