山梨
01
Nov 16
23:54
新聞

中央新幹線最難興建隧道西面開始動工

JR東海嘅磁浮式中央新幹線、 最難興建嘅隧道,日本南阿爾卑斯隧道長野工地開始動工   動工儀式喺長野県下伊那郡大鹿村舉行,JR東海董事長山田佳臣,總經理柘植康英,鹿島建設總經理中村満義,長野県首長阿部守一同一部份市町村長,仲有同工程有関係等等人物約100人出席。   呢個工程係繼南阿爾卑斯隧道山梨工地及東京品川工地之後第3個開始動工,原因係呢個工程可以話係最長時間同難度非常高。 南阿爾卑斯隧道全長25公里,今次動工長野工地最深離山頂頂達1400米,喺成個磁浮式中央新幹線入面最深,而且仲有鹿塩鉱泉同奈良田温泉喺附近,預計工程中會出現地壓非常高,中間會有好多入水同行經極度惡劣地質,包括地震帶斷層,剪裂帶及地下湧泉等況。工程難度可能凌駕北越急行線嘅鍋立山隧道。   JR東海希望可以係2027年先開東京至名古屋、到時東京品川去到名古屋只需40分鐘。   而東京至名古屋中央新幹線一段造價約5兆5,235億円,約港紙4000幾億。 不過總經理柘植康英指,雖然南阿爾卑斯隧道嘅工程難度前所未見,但係不論發生咩事都要放安全喺第1位!   最近宇多田光幫Suntory賣天然水廣告就喺同一個山
23
Jan 17
07:36
新聞

今年登上富士山自願性入山費為1000円

富士山登錄咗世界文化遺產之後,山梨同靜岡成立嘅協議會於22號決定咗將2017年登上富士山嘅自願性入山費定為1000円。   入山費其實就係幫補富士山嘅環境保護費(富士山保全協力金)。入山費屬於自願性質,將會喺今年7月嘅登山季節開始實施。為咗方便深夜登山人士畀自願性入山費,有關單位正商議緊可唔可以事先喺網上或便利店收取自願性入山費。籌到嘅自願性入山費除咗會用作保護環境嘅支出之外,亦會用嚟興建廁所、安全設施,以及處理登山人士遺留嘅廢物。     收取入山費用暫時都係試驗階段,而上年試收取自願性入山費用期間就已經籌到大約3400萬円喇! 希望大家上富士山時,各位都會畀入山費1000円啦!  
04
Oct 16
02:48
博客

【去邊玩】山梨縣鳴沢村4大必玩體驗

難得去日本唔好淨係掛住行街shopping啦,係時候去親親大自然!諗唔到去邊好,話你知一個有得食、有得玩、有靚景嘅地方,就係位於富士山下嘅鳴沢村啦~   呢條只有3,000人左右嘅小村佔地只有大約90平方公里,但入面有4大體験係當地人都推介必玩必試嘅,而最重要係咩你知唔知?最重要係條村喺正富士山下,即係話你玩嘅時候無時無刻一抬高頭就見到富士山啊!   必玩之一 > ¥500 40分鐘任食新鮮藍莓 喺鳴沢村一共有3個提供採摘藍莓體驗嘅地方,全部都係¥500入場,就可以喺40分鐘內任摘新鮮藍莓,粒粒都好大粒圓碌碌,即摘即食真係爽到震!   藍莓樹結滿藍莓果實,如果食足40分鐘真係會食到好飽!   摘足40分鐘係就係攰啲,不過啲藍莓咁好味,唔食多啲真係對唔住自己啊!攰嘅話咪抬頭望吓個富士山囉! 如果嫌即場食40分鐘都仲係唔夠喉,可以打包返酒店繼續享用,不過拎走需要另外收費,在場會有工作人員幫你磅吓你啲藍莓有幾重。   河口湖鳴沢Blue Berry觀光農園 地址:山梨県南都留郡鳴沢村2150 電話:090-556
29
Jul 16
19:57
博客

有乜好過去camping(二):富士本栖湖獨木舟體驗

  如果大家之前有follow開都知道我同Ryan同Xindy去咗富士山下一個叫朝霧嘅地方camping。Xindy就好開心玩咗滑翔傘,而我(就因為猜輸咗所以)獲得同Ryan哥兩個人一齊划艇嘅機會嘅! 富士山下有好出名、風光明媚嘅富士五湖,今日我哋就嚟到五湖入面最水深嘅本栖湖體驗獨木舟啦!喺camp site開過嚟半個鐘到,啲天氣可以係完全唔一樣㗎!   首先要喺呢個洪庵キャンプ場嘅地方登記咗先,跟住要簽張「生死狀」,但其實都係講你跌落水如果造成咩財物損失就唔關佢哋事嘅(正常)。不過我當下都有啲擔心,跟住負責教我哋划艇嘅哥哥就話唔緊要,其實兩個人一齊划艇嘅話跌落水嘅機會就唔算大嘅。不過一個人划嘅話,初學者就好有可能會失平衡反艇跌落水,然後係一定會濕晒架!   簽完之後就會得到地圖一張,就好似片入面咁,要行一段小路落到湖邊嘅。係湖邊會獲得救生衣一件,跟住哥哥會係岸邊教大家四式嘅划艇技巧,方便大家一落水就識點樣划~分別有前後前進方式、轉彎同埋煞掣嘅。大家千祈要確定自己識咗先落水呀!因為...一落水哥哥就會同你玩遊戲架啦!例如近岸邊水上有個波波,佢一開始會同你鬥快掂個波波,你掂到佢先