小新
06
Jul 16
18:08
新聞

【拯救地球】小新大戰哥斯拉

電影《新哥斯拉》即將於7月29日係日本上映。而係正式上映前,就先黎一場前哨戰。係7月22號播出嘅《蠟筆小新》動畫入面上演一場小新大戰哥斯拉。     故事講述哥斯拉係城鎮入面大肆破壞,令小新屋企同週遭都被摧毀。係呢個時侯,小新同佢嘅伙伴就組成防衛隊勇抗哥斯拉。     唔知到時小新會唔會出動佢嘅必勝「屁屁」或者「大象」攻擊呢?
28
Mar 16
18:23
博客

[新鮮出爐]《蠟筆小新》期間限定cafe 試食報告

各位「忽必烈」嘅子民啊!來自屁屁星嘅蠟筆小新25周年期間限定cafe已經係前兩日開左幕啦(做到5月29號),你地仲唔快d著返條褲,呀唔係,係除左條褲嚟朝聖!(大誤)   一抬起頭,見到勁大個「2.5 SPINNS」logo就岩啦!因為今次個期間限定cafe係由原宿「2.5 SPINNS」同蠟筆小新合作搞㗎~ 唔通係因為要慶祝《蠟筆小新》25周年,所以專登同同樣都係2+5嘅「2.5 SPINNS」合作?~~(不負責任聯想kk)   開幕第一日,我12點半黎到cafe樓下,以為實有好多人排隊啦,點知條龍都唔係好長咋喎,LUCKY!!!   一入到去,嘩嘩嘩D枱布好靚呀,小新們仲要著到成個潮童咁,好搞鬼!   睇下個menu先~ 主食有6款,不過最底個三款就咁插枝小新旗仔係到就算數,好似冇咩誠意咁喎!所以我都係叫咗個「不理不理左衛門吉列豬扒定食」,再加個「整我出黎啦!有得玩又有得食奄列飯」(不負責任菜鳥翻譯) 大家見唔見到依兩個餐各自有兩個價錢?貴d個個就係連埋一個期間限定小新cafe杯比你,咁我就整係要埋個杯啦