宅男
01
Mar 17
02:37
新聞

去得太多女僕cafe 日本宅男變偽娘!

女僕cafe已經係日本文化代表之一,時至今日依然有好多迷戀二次元文化嘅宅男會幫襯。不過估唔到最近一個宅男就喺twitter公開坦白,連續去咗2年女僕cafe後,因為受到女僕影響,自己居然都變成咗一個女僕! 呢位矢野梅子(@yano_105)本來只係一個百折不扣嘅宅男:經典油頭、黑框眼鏡、成臉鬍碴同埋格仔裇衫著裝,點知如今已經化身為一個齊陰大眼、著女僕裝嘅長髮少女(偽娘),造型仲好百變添! 唔止咁,其實矢野仲係一個好好嘅聲優材料,無論男聲女聲都難佢唔到,小編不得不寫個服字.....   顔出しでちびまる子ちゃんのモノマネしてみた、 上げ直し(´∩。• ᵕ •。∩`) #ものまね#女装#似てると思ったらRT
15
Nov 16
20:40
新聞

【很想要吧】宅男女冬天必備廢人裝!

冬天就到了,又到完全唔想離開被竇嘅季節。尤其真係好凍嘅時候,真係連出廳、甚至去廁所都覺得好辛苦。雖然香港唔係個個間屋都容立到日式暖爐檯,不過日本家居服品牌BIBI LAB就推出咗呢套超級懶人裝「冬のダメ着」,仲有5隻色㗎!   呢套懶人裝標榜可以幫人節省暖爐錢電費、全身軟淋淋好舒服,最緊要係機能性超高!小編推介得就梗係因為佢同其他嘅全身裝真係有決定性嘅分別,我都真心想入手一件啊XD   主要特徵: 防靜電、可以成件擺落洗衣機洗   手部分有四式手指開放功能   足部能自由活動、可以放電話嘅衫袋   女仔可以扎雙馬尾
16
Aug 16
19:09
新聞

香港商戶發達大計!用Pokemon Go幫毒男搵真愛!

Pokemon Go熱潮除咗帶動咗任天堂嘅業務之外,週邊唔同嘅商戶亦紛紛出嚟抽水,好似「無限免費Pokémon GO數據流量」、「各種優惠包車服務」、甚至連「大閘蟹減價折扣」都有,不過靠Pokemon Go搵另一半,你地又有無諗過呢?     日本聯誼公司「Find the One(ファインドザワン)」就推出咗一個叫「Pokemon Go Party」嘅計劃,希望大家可以喺Pokemon Go當中搵到真愛。     擺脫以往坐定定,吹吹水嘅聯誼方式。聯誼場地由室內去到「Lohas 池袋」舉行。將單身男女分為唔同小組,係池袋街頭一邊捉小精靈之餘,一邊加深了解,指定時間結束後就返回會場公佈成績再一齊享用晚餐,希望透過遊戲加強參加者之間嘅互動(前提係你唔可以淨係專注捉小精靈!XD)   反應亦相當熱烈,男士名額已經爆滿,女士亦都差唔多爆滿,可想而知Pokemon Go嘅魅力有幾大!   另一間聯誼公司「合同會社 ena」就更特別。參加者可以直接去日比谷公園或者小田原城報名,之後透過Line群組進行溝通,利用提供嘅信物同暗號嚟搵出其他參加者,成個緣份遊戲咁,夠晒浪漫同刺激。最後主辦單位會喺指定地點放櫻花營造集合點。