娛樂
27
May 16
00:31
新聞

【不要去羨慕不要去妒忌】天生混血樣嘅純日本人女星

今次就要介紹下一副混血樣但其實係純正日本人嘅日本女星比大家知。其實而家喺日本娛樂圈,已經有唔少撈得起嘅混血兒藝能人,model或者女優,唔同範圍都有。好似ローラ,ベッキー,トリンドル玲奈,土屋アンナ,ホラン千秋,ざわちん,渡辺直美等。   好多人都羨慕混血兒嘅面孔,因為有深邃嘅大眼,雙眼皮,高鼻等等,符合哂而家呢個年代嘅審美觀。所以好多日本女仔為左望落似混血兒,都會用盡奶力鑽研混血兒妝容,務求「後天」令自己變成一個混血兒。但偏偏,都講左好多次上天係唔公平嘅,因為當有D人拼命地化混血兒妝(但化極都唔多似)嘅時候,有D人就係天生已經有一副混血兒樣,而個重點係佢地明明係純正日本人!   佢地當中有唔少都由細到大被人誤會係混血兒,我諗呢個就係世界上最美麗嘅誤會!好啦係時候介紹下佢地,睇下你地又有無誤會過佢地係混血兒啦!(我就有嘅)   1.岸本セシル   2.スザンヌ
04
May 16
23:01
新聞

女星素顏照!驚嚇定驚喜?

日本女仔不嬲出名化妝好叻,佢地由細到大都有化妝嘅習慣,更加有好多細路女喺小學果時已經會化妝。講起化妝,最常化嘅就一定係女明星啦!大家見開嘅都係佢地化哂全妝嘅一面,梗係無時無刻都咁靚啦!咁你又有無見過佢地素顏果個樣呢?會唔會好驚嚇?到底係化裝定喬裝?一齊睇下啦!(排名不分先後)   1.前田敦子 可能大家對前田敦子嘅素顏都唔會話超陌生,話哂佢由細出道到大,而且化開都唔算大濃妝,只係...比較似路人甲。   2.ローラ Rola本身係混血,輪廓鬼咁深,真係贏在起跑線!所以其實都估到,落左妝陣model味都未走得哂~   3.トリンドル玲奈 比多個混血模特
19
Jan 16
01:31
博客

SMAP解散傳言 粉絲瘋了!

日本天團SMAP近日因為一手帶大佢地的經理人飯島三智將要離開傑尼斯事務所而傳出解散消息,只有木村拓哉一人會留係公司。依個消息令佢地廣大嘅粉絲震驚,一日之內係咁瘋傳。 今朝日本方面有最新消息,事務所高層對其餘四個有獨立之心嘅成員表示對於事件要想獨立嘅四個人(中居正廣、稻垣吾郎、草彅剛、香取慎吾)向相關嘅廣告商同傳媒朋友道歉,先會考慮佢地有無得留低。 跟住到下晝,事務所就發表聲明話今晚將會係5位成只主持嘅SMAPxSMAP節目中,直播成員對今次解散傳言嘅真情剖白。 大家都好期待到底今晚直播佢地5個人會講咩,又到底係咪真係會解散呢?未知住,但係粉絲們為左挽留佢地已經做左好多野,等我為大家整理下短短幾日發生左啲咩事先!13/1/2016(三) - SMAP解散消息傳開,世界各地粉線瘋傳14/1/2016(四) - 粉絲發起搶購SMAP代表作2003年的單曲《世界上唯一的花》 - 《世界上唯一的花》登上日本Oricon當日第4位15/1/2016(五) - 事務所就繼續話傾緊唔方便透露,各成員都繼續唔回應事件 - 粉絲發起網上聯署,超過一萬人簽名 link(依家過二萬啦)16/1/2016(六) - 木村率先在電台節目開腔談及事件,但只係叫大家信佢 - twitter中瘋傳有日本婆婆係醫院都要寫親筆信支持SMAP
19
Jan 16
06:24
博客

歡呼:SMAP唔會解散!

今晚富士電視台就係SMAPxSMAP節目中直播SMAP各成員剖白佢地面對解散傳聞嘅心情。以下係佢地順序發言嘅大概內容:   木村:由上星期開始,我地嘅事令大家擔心,亦為大家添左好多麻煩。因為唔想SMAP就咁半途而廢,我地5個人自己決定要用依個時間,一齊同大家面對面報告一下。   稻垣:我地要為今次造成嘅騷亂而道歉。今後為左大家可以繼續見到我地嘅身影而努力,請大家繼續支持我地。   香取:(真誠地道歉後沉默左一陣)我希望今日開始同大家一齊展現更多嘅笑容。   中居:今次嘅事,感受到SMAP好受大家嘅照顧。(道歉)   草彅:大家俾我地嘅說話我地會注意。真係好感謝大家。今次,好多謝木村為我地製造左同Johnnys先生道歉嘅機會。5個人咁企係道覺得好安心。   木村:最後,以後我地無論發征咩事,都會向前看,繼續向前。   (五人鞠躬)   嗱!係咩睇完都好似無講過佢地到底解唔解散咁?依啲就係日本人嘅曖昧文化,反正主要就係道歉,所以我都唔譯得咁足啦。總之,一句講曬:SMAP唔會解散!  
20
Dec 16
00:27
新聞

日本最靚仔高中生選舉結果發表!

尋日日本就舉行咗一個叫做「日本第一靚仔高中生」比賽,喺全國嘅代表入面,嚟自福井縣、17歲嘅高中2年級生本田響矢成功擊敗眾對手,獲得第一名。   本田就話自己好憧憬菅田将暉、山崎賢人、野村周平等近兩年非常紅嘅年輕男演員,仲話會視佢哋為目標,成為一個出色嘅男演員添!你哋又覺得呢位少年點先?   第二位就係東京出身嘅17歲高中二年級生那須泰斗。   另外SNOW賞有福岡縣出生嘅16歲高一生宇佐卓真。   而同電影「今天的吉良同學」合作嘅「今天的吉良同學」賞就係神奈川縣出身嘅18歲高三學生大岡拓海。   可能姐姐真係老啦,見到呢班小鮮肉冇乜感覺。不過可能佢哋遲啲都會係日本娛樂圈發熱發亮~   更多圖片+資料來源:Model Press
27
Dec 16
05:57
新聞

Softbank為SMAP最後一夜拍攝特別廣告

大家都知道今晚係《SMAP×SMAP》最後一集。已經有唔少感動人、喚起回憶嘅畫面播出喇。除此之外,Softbank仲特別為佢地今晚拍咗個廣告,令唔少粉絲高呼:「實在太有心,太令人感動喇!」             SMAP自2009年起就擔當Softbank嘅代言人。雖然最近冇乜佢哋5個幾廣告,但今晚就播出咗以佢哋嘅「Original Smile」為BGM、集合佢哋過往廣告精選畫面嘅「完全新作」廣告!     廣告入面,片段中夾雜著「曾經發生過呢啲、同呢啲,各種各樣嘅事,直到今時今日,真係非常之,感謝。」嘅對白。成1分鐘長嘅廣告入面最後係Softbank代言狗「白戶爸爸」稍微傷感嘅表情咁講「唔係再見...啊嘛」...嗚嗚  
05
Oct 16
22:08
博客

「極品下流少女」主唱川谷被爆與未成年女友飲酒同居 唱片公司下令休止活動

全盛時期嘅川谷繪音到底可以剋到身邊幾多人?   相信有留意開日本娛樂新聞嘅朋友都會知道川谷繪音係邊個。 今年年初嘅爆出同Becky搞婚外情時,Becky名譽同形象掃地,沉默咗大半年都仍然冇任何工作。而川谷繪音就繼續喺鏡頭前活動,繼續唱歌出碟。不倫騷動後川谷繪音所屬樂隊「極品下流少女」嘅新專輯「兩成敗」更加獲得ORICON冠軍,全國10都市15場公演門票售清。   (小編承認,唔計個人,首歌係真心幾好聽。其實係隊既特別又有實力嘅樂隊...)     ▲前幾個月,川谷先俾人影到同個後生女飲完酒準備帶番屋企過夜,當場被斷正。雖然佢否認呢個女仔係女朋友,但就風騷不避嫌話唔排除以後有發展空間。當時Becky仲未能復出,令好多人感嘆兩人醜聞事後發展差太遠。   ▲前幾日,川谷繪音又傳出大鑊嘢。今次又畀傳媒捉正佢溝19歲新女ほのかりん仲要同居,難得嘅喺兩人嘅事務所竟然承認今次嘅緋聞。不過狗仔隊就發現未成年嘅呢位妹妹同川谷約會有飲酒(日本法定年齡為20歲
05
Jan 17
22:19
新聞

出道10年人氣樂隊 生物股長宣佈暫停活動!

今年出道10週年,一直受JPOP樂迷愛戴嘅兩男一女樂隊生物股長今日喺官方網站發布「放牧宣言」,向粉絲及大眾表白將會暫時停止活動!不過唔使驚,佢哋指今次絕對唔係解散,仲向粉絲發誓會再同大家見面。   佢哋嘅網頁已經癱瘓咗,喺度大概翻譯咗佢哋俾大家嘅公告:     「生物股長 放牧宣言」   10年來,我哋三個人好努力咁渡過呢段時間, 而家我哋想分別試下感受自由嘅生活。   想試下做自己鍾意做嘅事, 試下展開啲新嘅開始, 試下慢慢停下來發呆, 試下去一直想去嘅地方踏上旅程。   為咗可以更加擴闊我哋嘅未來。 為咗可以令我哋三個嘅故事可以繼續發展得更加長遠、更加開心。   以上係生物股長嘅放牧宣言。   首先喺度同大家講聲「一直以來,非常感謝。」 然後係「往後也請多多指教。」   生物股長喺我哋三個人會返嚟嘅地方。 下次見嘅時候大家笑住見面吧! 係咁,我哋行先啦! 放牧!   生物股長 水野良樹・吉岡聖恵・山下穂尊
20
Sep 16
22:08
博客

MUSIC STATION嚴選 影響日本的100首經典金曲

鍾意J-Pop嘅你一定有睇過日本音樂節目Music Station喇!今年係Music Station三十週年,富士電視台噚日就舉行咗連續10個鐘嘅馬拉松式現場特別版「MUSIC STATION ULTRA FES 2016」。有睇開嘅朋友都知每集Music Station都會有個小環節介紹J-Pop、或者經典歌曲回顧,今次特別版嘅主題就係「影響日本的100首樂曲」,仲係根據民意、針對日本全國由小學生至70歲嘅觀眾作出調查得來嘅結果添。一齊睇下有咩歌上榜,順便上下J-Pop介紹堂喇!   100位/「涙そうそう」(2001)・夏川りみ 因為有呢首歌,先有妻夫木聰同長澤正美演嘅電影《淚光閃閃》、更得到31億日元嘅票房收入。   99位/「関白宣言」(1979)・さだまさし 講述由古代夫婦關係至新時代夫婦關係嘅轉變,曾經引起女性團體嘅議論,形成社會現象。   98位/「ガッツだぜ!!」(1995)・ウルフルズ 非常元氣嘅歌曲,
29
Nov 16
17:40
新聞

V6 長野博宣布結婚!

今日將出演日本電視台嘅現場直播節目「BEST ARTIST 2016」嘅V6成員長野博今日於V6嘅Fan Club會報上宣布將會結婚,但就未公佈女方身份,相信係想第一時間先傳達消息俾粉絲。   長野博係繼V6嘅井之原快彥(40歲)第二位V6嘅(準)已婚人士。井之原快彥於2007年與女演員瀨戶朝香結婚。另外,舊年9月嘅時候TOKIO嘅國分太一亦都公佈咗同一般嘅女性結咗婚。   有唔少網民就猜測對手可能係白石美帆。另外相信今晚長野博可能會藉著現場直播節目上公佈更多內情。   資料來源:Yahoo.jp