威士忌
11
Jan 17
18:29
博客

日威太貴買唔起? 買日本威士忌作為手信 – 1000-5000円內都有選擇 (一)

之前同大家介紹左唔少日威,並且係咁講佢地宜家有幾咁貴,對於威士忌新手黎講過下下10000~20000円以上買支酒,或者買支黎送比朋友可能好遙遠。   當然貴嘅酒有佢嘅價值係到,但係就算係威士忌愛好者都無可能日日飲靚野,所以酒廠都會推出一啲性價比高嘅酒款比大家做「Daily Dram」,即係日常生活,同朋友食飯吹水飲嘅酒。   今集就為大家介紹如果拎住1000至5000円黎買日威其實都有好多選擇!呢一隻就為大家介紹幾款日本嘅「Blended Whisky 調和型威士忌 (ブレンデッドウイスキー)」先。   1. [1000円之選] Kirin Whisky Fuji-Sanroku Tarujuku 50° 富士山麓 樽熟原酒50°  大家可能接觸Suntory同Asahi旗下Nikka嘅Whisky比較多,「富士山麓」其實係Kirin旗下,位於富士山附近富士御殿場蒸溜所嘅Whisky品牌。除左將威士忌保持係酒精度50%外,仲要係非冷凝處理,保留木桶熟成原酒嘅大部分風味同香氣。舊版600ml只係1000円左右,而新版700ml都係1500円左右,呢個價錢,無得挑剔啦!   2. [2000円之選] Suntory Whisky Premium角瓶 (サントリーウイスキープレミアム角瓶) 「角瓶」相信好多朋友都會見過,由其係去居酒屋,唔少都係用黃色Label個隻角瓶黎做Highball。叫得做Premuim當然比普通
24
Oct 16
22:33
博客

得罪講句,淨係噏得出「響」,唔好話自己識飲威士忌

一分鐘搞清日本威士忌究竟點分 不用分得那麼細,大家都是日本威? 攝於大阪一間超級市場,有朋友可能會問,佢地D名其實有咩分別? 近年日本威士忌熱潮直捲全球,緊貼潮流而且經常去日本旅行嘅香港人當然唔會錯過,去到日本梗係會買返支試下佢嘅魅力啦!但係我問過同聽過好多朋友講,講起日本威士忌,或者推薦朋友買邊支嘅時候,佢地都係講一個字:「響」,但當我問佢「響」究竟係咩黎既時候,佢會答:「咪威士忌囉」!相信呢個情況好有啲朋友都會聽過。   當人人都講緊「響」個朵究竟有幾「響」嘅時候,睇完呢個Post之後你可以了解多幾款唔同嘅威士忌,仲可以介紹其他款同埋解釋比人聽「響」究竟係咩黎!   現時日本主要威士忌蒸餾所共有8-9間,當中以三得利集團Suntory同朝日集團Asahi旗下日果Nikka規模最大,佢地嘅產品如「響」,「山崎」,「白州」,「竹鶴」,「余市」,「宮城峡」等等可能大家都聽過,但係其實佢地係點分類就可能大家都唔係咁清楚。   為左令大家以後可以輕鬆了解各種日本威士忌嘅背後嘅分別,今次會以三得利(Suntory)旗下品牌作為例子,簡單分為3個大種類,令大家了解多D,下次可以以唔同角度,試多D唔同嘅酒。   1.「響」
06
Dec 16
18:01
博客

【炒賣投機經濟起飛系列】投資日本威士忌好過買股票?

近排股市受好多外圍因素影響,相信部份投資者都唔敢隨便入市,反而想追求風險回報相對穩定嘅投資。我敢講,比起股票,威士忌係一個必定唔會蝕到乜都無嘅投資。今日同大家分享一個關於投資日本威士忌嘅故事。   上年8月左右NIKKA旗下余市及宮城峽威士忌宣布停產年份產品,原因係原酒不足,所以主力生產比較大眾化嘅LINE如竹鶴等等。停產意味住市面上嘅酒已成為絕版,所以報導一出就令到余市基本年份產品價格抽升40-50%。一支700ml基本款式嘅「余市20年」宜家價錢仲係維持係$5000左右。   睇返2-3年前,「余市20年」我係日本買個陣只不過係唔洗20000日圓(折返港幣$1500樓下)。幾年間升左300%有多,試問有咩其他投資可以比得上?雖然係咁,除非你係先知,否則靠呢D基本款威士忌黎投資其實沒有太大價值。你試諗下將來余市如果恢復生產年份基本款的話,對價值一定會有影響。   另外大家可能都聽過「輕井澤」呢隻日本威士忌,呢個名經常出現係各大拍賣會上,原因係「輕井澤」呢個酒廠已經關閉,再無生產新嘅威士忌,呢種稱為「閉鎖蒸留所(へいさじょうりゅうしょ)」嘅酒因為已成絕版,世上餘下嘅酒一日會少過一日(飲一支少一支),所以相對價值會越來越高。  
25
Nov 16
18:59
博客

去到日本唔買「威」就走寶喇 - 日本買威士忌好去處!

上次同大家約略介紹左威士忌嘅分類,了解完當然要實戰啦!   去到日本就算你唔買,總梗有個朋友叫你幫佢班支「響17, 響21」返黎比佢享受一下。如果唔知窿路的話好多朋友都會等到臨走Duty Free先黎入貨,唔係話唔得,Duty Free有嘅酒款始終有限,而且日威的話仲有好多價錢特別嘅「特別版」俾大家選購。其實日本烈酒稅比香港相對平,所以就算買其他國家出產嘅Whisky都較香港抵,所以唔買宜係走寶喇!   有見及此,今次就為大家介紹幾個絕對值得去入貨嘅地方!     某好受歡迎的Whisky推出左「機場特別版」,如果十分喜歡同欣賞個包裝同有大量銀彈嘅朋友歡迎大量入貨。   係人都會去但可能無留意到嘅 - 激安の殿堂ドンキホーテ 相信去過日本嘅朋友都一定去過「ドンキホーテ」,全日本好多地方都可以見到佢,對遊客黎講佢最吸引嘅地方就係乜都有,仲會開到凌晨可以留返時間係半夜「ドンキホーテ」雖然唔係賣酒專門店,但勝在方便,仲可以夾埋其他嘢退稅。  
30
Jan 16
01:04
博客

余市之後:放眼日本威士忌市場

日本威士忌突然掀起搶購潮,搞到「余市」同「宮城峽」因為原酒量不足而要停產… 其實何必呢~ 想飲日本威士忌其實仲有好多選擇。   相比起外國,日本威士忌嘅歷史唔算長。整個日本依家只係得返8間蒸餾所(星號)仲出產緊威士忌,而圓點嘅蒸餾所已經關閉。 首先,我地要搞清楚依家主導市場嘅兩大集團,SUNTORY同NIKKA之間嘅淵源。  SUNTORY集團:山崎蒸溜所、白州蒸溜所 山崎蒸溜所係日本史上第一間威士忌蒸溜所,由鳥井信治郎同有日本威士忌之父之稱嘅竹鶴政孝合辦,生產左日本第一支威士忌。但後來兩位係製作威士忌口味上嘅諗法出現左分歧,於是竹鶴政孝就離開左。而鳥井信治郎就繼續以製作適合日本人口味嘅威士忌為本,開左白州蒸溜所。 威士忌品牌:山崎 / 白州 / 響 / 角瓶  NIKKA集團:余市蒸溜所、宮城峽蒸溜所 竹鶴政孝離開SUNTORY後,就先後創辦左以上兩間蒸溜所。以傳承蘇格蘭威士忌嘅傳統手藝為本,會有濃郁嘅煙薰味同泥煤味。 威士忌品牌:余市 / 宮城峽 / 竹鶴   相信大家未飲過都有見或者聽過以上嘅威士忌品牌後。而搞到斷市嘅「余市」同「宮城峽」其實係以傳統蘇格蘭威士忌