好玩
02
Apr 16
06:47
博客

【日本全國】串炸放題!好玩度爆燈!

今次介紹嘅係日本全國都有分店嘅「串家物語」,串家物語主打「串炸放題」,咩叫串炸?串係指串燒,炸係指油炸,即係將串燒放落油炸咁解!而「串家物語」吸引在客人可以自由選擇鍾意嘅串燒,然後沾麵粉醬同麵包糠,再放落滾油到炸,全程自己一手一腳去做,連小朋友都會大叫好玩啊!   我今次係午餐時間去,人比較少,而價錢亦比較平,1500円 / 90分鐘   如果夜晚時段嚟食就會貴少少,2500円 / 90分鐘   放題包括幾款飲品,如果想飲汽水/特飲/啤酒呢啲,就要額外加飲品放題   我今次去呢間係錦糸町店,可以180度睇靚景,望落去會見到JR埋站   一串一件,可以揀唔同款式   見唔見到芝士竹輪?