天王寺
19
Jul 16
19:58
博客

【大阪旅遊】大阪最好味串炸店-八重勝串炸

▼大家知唔知喺日本人心目中最代表到大阪嘅食物係咩,唔係章魚燒,唔係大阪燒,而係串炸呀! 即係炸嘅串燒~ 而我今日就要介紹一間被喻為大阪最好味嘅串炸店比大家!   ▼就係位於天王寺區嘅通天閣商店街,已經開左半個世紀嘅呢間八重勝串炸! 撘地鐵最近嘅車站係 “動物園前”站 1 號出口~   ▼其實今次已經係我第二次黎食,上一次我係1點黎到,喺正午餐高峰時段,結果等左45分鐘先入到去食,吸收過上一次嘅教訓,今次我12點未夠就黎到排隊,結果等左10分鐘就入到去食啦!! 注:八重勝是10:30AM開門的   ▼店內環境   ▼八重勝店舖左右兩邊都有,我被按排到隊伍另一面的店舖   ▼日本人只需要看看牆上的餐牌就可以叫食物
02
Dec 16
17:53
博客

【真.超好味!】大阪5間「必試丼物名店」!

大阪名物多到數之不盡,大阪燒、章魚燒、蟹料理,去親大阪都好想吞哂佢地落肚!不過當你睇完而家呢篇野,我相信大家個「必食LIST」又會多咗幾間店,因為真係好好味,淨係個賣相都夠哂力拉你去試!   1. 鰻魚飯@鰻 にしはら     講到丼物點可以少咗鰻魚飯!大阪有好多間店都可以食到好好味嘅鰻魚飯,但如果想近近哋的話呢間係唔錯嘅選擇,由谷町四丁目站行過去都只係大概5分鐘左右。佢地最大嘅特色係 鰻魚醬汁極濃郁香甜,仲要滲哂入米飯入面,連埋燒到勁軟滑、咬都唔使點咬就化開嘅鰻魚一啖放哂入口,真係極級嘅味覺享受!   不過留意返,因為佢地係即叫即燒,所以落單之後要等成30分鐘倒個鰻魚飯先上枱,如果趕時間嘅可以叫酒店幫手打電話去講定幾點會到,咁一去到就有得食,慳返好多時間。   一坐低店員就會擺企碟脆鰻魚骨,咸咸哋好好味。   喺等緊個鰻魚飯出現之前,店員又拎咗兩串燒鰻魚出嚟,呢兩串野真係唔可以睇少,鰻魚味香濃到好似濃縮咗成條鰻魚嘅味道入呢兩串野入面咁,食完有啲唔夠喉添......  
30
Nov 16
00:15
新聞

大阪環狀線及櫻島線專用新車323系12月24日開始投入服務

大阪環狀線改造計劃重點之一! 大阪環狀線及櫻島線專用新車323系, 將於今年12月24日開始投入服務。 係大阪環狀線50年嚟再有全新製作專用新車投入服務。 (所有103系及201系都係其他路線轉過黎,上一次全新製作專用新車為101系) JR西日本將會投入21列8卡列車, 於2016至2018期間完全替換現在總計23列103系同201系列車。   為咗大阪環狀線統一全部使用3道側門嘅列車。 (包括大和路快速221系直通列車,紀州路、關空快速223系及225系直通列車均為3道側門、現時大阪環狀線尚有103系同201系列車為4道側門) 所以323系係第一款設計成為大都市專用嘅3道側門通勤列車!     列車車内採用縱向式座椅佈置,每卡其中一方都有優先席,另一面就有畀輪椅同BB車使用嘅位置。 第1-3卡及5-8卡客室使用白LED照明,而第4卡女性專用車卡就用咗近似電燈膽顔色嘅LED。 為方便女仕們,女性専用車卡嘅扶手都係低少少。車外仲特別用粉紅色標記。     乘客廣播會以兩種語言提供,資訊顯示螢幕則使用四種語言(日文、英文、中文同韓文) 每道車門上方放置兩個LED螢幕,車廂兩面仲會各放置多個LED螢幕。車內仲會提供Wi-Fi!   第一班323系列車會喺12月24日京橋站大阪環狀線