大眾化
27
Feb 16
02:00
博客

【假日必食】元朗大碼壽司

元朗出名多好嘢食!好多人會趁住星期六日入元朗一轉!睇吓有咩好嘢食!冇計喇...香港好多區已經俾一式一樣嘅大型商場霸佔咗,想搵特式小店真係唔容易!今日就介紹一下係元朗出哂名嘅大大大壽司喇!份量大之餘、食材一樣咁新鮮!最重要係價錢夠哂親民!(元朗有好幾間日式餐廳都會提供大壽司,我今日只係揀咗其中一間....其餘嗰幾間都一樣好食㗎!)   每枱必點!大過我塊面啊!蟹籽沙律 $45   同我拳頭差唔多大嘅...炸蝦反卷$43/6件     食三、四件已經飽   花之卷$46/2件   鰻魚壽司$21,差唔多有筷子咁長   必點甜蝦!$48/8隻、珍寶帶子皇$35