和歌山
22
Sep 16
18:05
新聞

颱風下的和歌山日落

日本呢排打風,不過就唔似香港咁有「颱風假」放喇~ 究竟打颱風嘅日本係點嘅呢? 睇睇以下呢位日本網友分享嘅相片啦~   從相片可見,颱風登陸和歌山時,天空一片漆黑,偏偏就喺天與地一線間,見到陽光!     個「咸蛋黃」係堅靚!為原本陰沉嘅天空帶嚟一絲絲色彩,堅寫意。     「夕陽無限好~卻是近黃昏~~」 「咸蛋黃」落水了,但天空就被染成橙紅色,好似火燒天空咁!   唔知大家去日本旅行時,有無睇過日出同日落呢? 有冇靚相同大家開心「些牙」呢?   由於有人唔知日本呢幾日打風,喺到補充小小資料啦! 「台風16号」於9月20日登陸和歌山,所以呢幾日,日本都落雨。前日同琴日,東京都有落雨。 處於風眼區時,無風無雨,出現暫時性晴天,數小時後,颱風眼一旦過去,就會橫風橫雨。         資料來源︰@s_sortie/Twitter  
23
Jun 16
22:48
新聞

女士們望望呢邊!和歌山縣美肌溫泉

扮靚係女人嘅終生事業,幾時都要keep住好嘅狀態見人。講起keep,最重要嘅一樣野應該係皮膚,如果你皮膚唔好,真係化幾厚妝都無用,身體皮膚唔好仲慘,遮都無得遮!所以為左要保持滑嘟嘟嘅狀態,呢個位於和歌山縣嘅「龍神溫泉」就幫到你啦!   「龍神溫泉」係日本三大美人溫泉之一(另外兩個係島根縣嘅湯の川温泉、群馬縣嘅川中温泉)。呢到每日都會換新嘅泉水,等客人可以隨時享受到最乾淨、最有效嘅溫泉。泉水裡面因為有種「ナトリウム炭酸水素塩泉」(我都唔知咩黎),所以聽講浸完皮膚會即刻滑哂兼緊緻左。唔單止,仲可以治療神經痛、肩痛、肌肉痛、關節痛等等呢D病痛。   除左泉水可以美肌之外,環境仲非常之靚。客人可以喺露天風呂到望到溪流、夜晚就可以望到星空、亦都聽到川嘅流水聲。真係治癒身體嘅同時治癒埋心靈!