動漫
27
Feb 16
00:45
博客

荃灣遊戲動漫一日遊!

    上個禮拜同大家介紹過一間動漫cafe,其實佢除左係油麻地有店之外,荃灣都有㗎!   今日就帶大家嚟荃灣拜訪下呢間cafe,順便睇下荃灣究竟有咩遊戲動漫熱點啦!   我地第一站要去嘅係Youme Cafe,佢係一間由日本animate同埋香港沙嗲王集團合辦嘅動漫cafe。佢會不定期更換主題,好似油麻地就做《暗殺教室》,荃灣就做《歌之王子殿下》   由地鐵站b出口行過去大約3分鐘就可以到㗎啦     認住間萬寧就唔驚去錯地方     一上到餐廳,佢前舖會係江戶前,後面先會係youme cafe,唔駛怕以為自己去錯地方。     由於我係book閒日下晝4點去,所以個陣一個人都無,係坐耐少少先有兩個人入嚟。佢有5個唔同嘅時段俾你揀,雖然walk in都ok,不過建議假期最好都係訂左位先,聽聞都會多人,穩陣d嘛!上網book就OK!  
22
Feb 16
18:50
新聞

C3正式閉幕,現場實況重溫!出年見!

一連三日嘅C3動漫展正式結束啦。你唔得閒去睇?唔緊要,等我地嘅特派記者新東方不敗同你地現場實況重溫。   超型棍呀!!     新東方不敗!!話時話,有無人野生捕獲到佢?         男聲優河西健吾,細谷佳正     係 1:1 嘅加藤恵呀!!  
14
May 16
02:33
新聞

IQ博士35週年紀念商品一覽

今年好似有好多動漫作品第廿幾、三十幾週年,大家數唔數得出﹖ 大家又有無數漏咗《IQ博士》,原來《IQ博士》都35歲啦!35歲嘅大日子,當然要出返啲週邊商品賀一賀佢。   一齊睇下有啲乜: 以上嘅商品喺KIDDY LAND都有得賣,去到20號晒! 只要喺KIDDY LAND買夠1500yen,仲要特別版貼紙送。   另外今日(5月14日)小雲會喺KIDDY LAND大阪梅田店同大家影相,身在大阪又係小雲FANS嘅你記得唔好錯過!  
29
Jan 16
01:03
博客

高質COSPLAY!NIPPON COSPLAY PHOTO CONTEST 2016

依家日本係網上有個NIPPON COSPLAY PHOTO CONTEST,顧明思義就係COSPLAY 相比賽啦。因為今年只係第二屆舉行,規模亦唔算大型,所以投稿數量唔係太多,但都有唔少高質COSPLAY相睇。 小編就㨂咗幾張高質相同大家開心SHARE: NARUTO / 宇智波佐助 艦隊COLLECTION / 摩耶改二 街頭霸王 IV / Cammy White Final Fantasy X / Yuna Final Fantasy  VII / Sephiroth 如果你係COSPLAYER,仲要係住係日本,就可以將你嘅COSPLAY相投稿㗎啦,投稿日去到2月1日添㗎。 但你唔係COSPLAYER,都可以參加呢個活動,就係投票啦! 由1月15日起至日本大型關西COSPLAY活動「日本橋STREET FESTA」3月20日當日都開放俾公眾投票,投票方法好簡單: 準備一個TWITTER ACCOUNT 係網站見到心水嘅COSPLAY相就CLICK入去 網站:http://ncpc.jp/index.html 係左手面打你嘅E-MAIL ADDRESS,㩒投票 係TWITTER授權應用程式 投票完成!
08
Apr 16
22:51
博客

倒數高達40週年 慶祝活動陸續推出

上星期先講完柯南動畫版20週年,今日就講吓高達40週年。但事實係2019年4月7日先係高達正式40週年,喺40週年前嘅1094日,官方已經全力煲緊呢件盛事。   首先有倒數網頁,日日計住仲有幾多日迎接大日子。 http://www.gundam-connect.com/   跟住,可能係可以令所有高逹迷都希望夢想成真嘅PROJECT「GUNDAM GLOBAL CHALLENGE」,2014年已經開始募集世界各地各路英雄嘅IDEA,目的係喺2019年可以製造出18米1比1可動高達。   仲有會喺日本各地設立「GUNDAM CONNECT POINT」,當然唔少得高達迷嘅聖地,台場1比1「RG 1/1 RX-78-2 GundamVer. GFT」,同埋大阪EXPOCITY嘅「GUNDAM VS 夏亞專用渣古」像。官方話往後都會繼續增設相關GUNDAM  CONNECT SPOT,係高達迷嘅你又可以去朝聖。而且去呢啲景點,仲有當地限定印仔俾大家收藏。   仲有官方開埋個GUNDAM FANCLUB,以後話自己高達迷就有證據啦。 FANCLUB要點入會呢﹖其實只係download個apps「ガンダムファンクラブ(GUNDAM FAN CLUB」,每個月600円。 iOS:https://itunes.apple.com/jp/app/id1034206320 Android:https://play.google.com/store/apps/details?id=jp.co.bandainamcorm.GundamFanClub&hl=ja   FANS CLUB會員可以得到:  1. 電子會員証,憑証去GUNDAM CAFE會有特別禮
23
Jun 16
01:57
博客

【思人導遊】教你以「非動漫角度」遊走秋葉原!

我相信有唔少人都同我一樣,對動漫零認知、連海賊王都無睇過。而好多人都認為動漫天堂秋葉原就一定唔岩我地呢D人行,因為周圍剩係得動漫、女僕Cafe、Figure、Cosplay,老實講我睇完都唔知乜黎(動漫迷唔好打我)。所以好多同我一樣嘅人最多都係睇下電器就已經無乜野好行。(偷偷講你知,我之前去秋葉原只係出左閘影左張相,行左大概10分鍾就走左。)無錯,我原本都係呢種人,但從今日起我發現原來秋葉原係有唔少動漫以外嘅野嫁!睇黎下次去東京可以嘗試下用一日遊走秋葉原啦yeah!事不宜遲,即刻睇下一日可以點樣過啦!   【09:00~10:00】うず潮 黎到日本食早餐當然要一嘗日式早餐(味增湯、飯),個人認為呢間「うず潮」就一定要試試啦!原因係呢到有個非常特別嘅「回轉早餐」,所謂「回轉早餐」就即係自己喺回轉帶上揀配料呀!   個形式好簡單,就係先買呢個基本set(味增湯+飯+紫菜/310円),之後再好似平時食回轉壽司咁揀一碟就加一次錢。   配料分別有呢D(如生蛋、納豆、薯仔沙律等),價錢就分別54円/108円,好抵呀
24
Mar 16
23:18
博客

回顧2015優秀動漫作品 兩大獎項出爐名單

啱啱過去嘅一個星期,日本動漫畫界就頒咗兩個大獎。一個係東京動畫大獎2016,另一個係SUGOI JAPAN 2016,一齊黎睇睇得獎名單。   首先係東京動畫大獎2016,呢個獎係由日本動畫協會會員、活躍第一線嘅動畫監督等業內人士投票得出,係用專業角度評審投票,得獎作品部部都有返咁上下㗎!   劇場公開部門 LoveLive! The School Idol Movie   電視動晝部門 白箱(SHIROBAKO) 兩部得獎作品都係舊年大熱作品,早幾日仲宣佈LOVE LIVE劇場版票房有成28.6億円,係史上日本深夜動畫劇場版嘅No.1,擊敗咗魔法少女小圓,仲要足足拋離8億円啊! 至於白箱就描寫製作一套電視動畫嘅工作,揭露業界辛酸。對於觀眾黎講,呢個係神秘嘅世界,入面角色嘅經歷、情節就一定好親切,例如趕DEADLINE等。所以得獎都唔意外。   動畫FANS獎 銀魂 動畫FANS獎係公開由FANS投票,今次總投票數超過21萬,得獎作品係銀魂!銀魂動畫不嬲都有人氣,加上依家漫畫動畫都做緊最緊張嘅主線。其實唔擔心有無奬,只擔心佢幾時會完。   SUGOI JAPAN創立目的係想大家選用能夠代表日本推廣至海外嘅作品,分咗4大類別。每個類別都係由公眾提名是年度20部作品入圍,再由公眾喺呢20部作品投票得
29
Apr 16
01:49
博客

【懶人必收包‬】東京十大動漫Cafe熱點(下)

上次同大家分享咗5間東京人氣嘅動漫Cafe,今日就同大家分享剩低5間,準備開始!(回帶上集按此)     1)One piece Restaurant Baratie(バラティエ)   去台場玩嘅朋友,除咗行Outlet同睇夜景之外,應該都會去埋富士電視台!而呢間One piece Restaurant Baratie就位於電視台出面。入面裝修唔只參考番動畫入面Baratie嘅面貌,仲有好多唔同嘅特色餐飲同精品㗎!     不過由於係旅遊熱點嘅關係,所以成日都好爆㗎!不過餐廳只設電話預約,所以唔識日文嘅朋友,如果真係想去,要有心理準備可能要排隊喇。   地址︰ 東京都港区台場2丁目4番8号 フジテレビ本社屋7F (富士電視台大樓7F) 電話︰03-5500-5843 營業時間︰10:30-20:00 (Lunch:10:30-17:00, Dinner 17:00-20:00) 網址︰http://op-bt.com/  
04
Mar 16
23:10
博客

整個老公老婆痛印章

印章喺日本係身份象徵,基本上每個日本人都應該要有返個,開銀行戶口又好,收宅急便都好,印章都用得着。   日本有間印章製造公司「痛印堂」,最出就係整痛印章,即係將動漫人物印章。次次製作都好認真,有圓形同方型揀,仲有特製嘅印章收藏盒。   依家最新推出嘅係最近好紅嘅おそ松さん:   過往推出過嘅都有唔少 Free!:   IDOLM@STER CINDERELLA GIRLS:   魔法少女小圓:   你可能會覺得呢啲痛印章同喺文具舖買嘅公仔印章有咩分別,但痛印堂嘅出品,就可以刻埋你個名,連銀行都受理。
30
Apr 16
00:57
博客

壽屋立川本店開幕 仲有紙箱人主題cafe

依家日本乜都鍾意搞主題cafe,除咗林林總總嘅動漫主題cafe之外,又點會估到連figure製造商都加埋一腳,今次參與嘅係日本著名figure製造商壽屋(KOTOBUKIYA),cafe就係開喺壽屋嘅立川本店大樓。今次打頭陣係漫畫《四葉妹妹!》嘅人氣角色兼吉祥物紙箱人(亦稱阿楞)。 睇睇裝修先,用咗落地玻璃,光線充足。 再睇埋入面,裏面裝修滿載紙箱人,櫃、牆都見到佢嘅身影。雖然講figure、玩具會俾人覺得好毒,但呢度就完全無咁嘅感覺。 仲有漫畫任睇   睇睇張枱墊,本來就淺啡色嘅紙箱人放係木枱上簡直融為一體,遠睇簡直以為係印咗上去。