刺身
13
Jul 16
23:50
博客

【日本。東京】築地市場-早起大考驗及場內市場之介紹

築地魚市場因為衛生問題將會於下年(2016年)遷移,加上太多朋友大讚築地魚生和壽司,因此早就把築地市場列入行程之內。早起去築地市場確實是挑戰我們的毅力!本來是Day2的行程,但也有可能是獨遊(太隨心所欲)的關係輸給了睡魔,道理就像做運動找個伴一起沒那麼容易放棄。 旅途上認識了一位加拿大人,他是完全沒有睡覺,直接在凌晨兩時到築地市場看人拍賣,他在跟我説有關築地市場的東西説到很興奮,讓我很心動,我終於在最後一天到走一趟築地。   黑夜出發跟在白天出發的感覺很不一樣,不似是一天的開始,反而較像昨天的延續。其實也是挺累的,但是難得來到東京,又不想白白錯過這一次的機會,但起床出發後的感覺倒是挺抗奮的~哈哈!   從淺草到築地要換幾次車。另外也要留意班次,一般鐵路的頭班車在4-5am,建議預先在上網查一下。但換車,走出鐵路站到地面再走到另一個鐵路站都挺麻煩,不像香港由港鐵轉乘火車只是過對面這麼方便。 從築地市場A1出口,若果右轉一直走就會到達築地場外市場,即批發專用,售賣一些乾貨的。若果左轉的就會到達築地場內市場,即主要零售和吃壽司、魚生的地方,那幾間名壽司店例如壽司大就在場內市場。   看到這名牌後一直走,在市場內要注意安全喔,因為太多漁販在開著車輛到處走,其實真的挺危險的。而且他們又不會刻意地讓你~所以還是要小心。
26
Jan 17
23:01
博客

【捐窿捐罅搵美食!】帶你平食「百年壽司老店」

日本美食當中,食極都唔會厭嘅一定係勁新鮮嘅手握壽司,今次帶大家去位於日暮里嘅百年老店「蛇の目鮨」,好味之餘最緊要價錢夠平,8粒壽司都只係¥800,爭鮮價錢頂級質素,仲唔快啲mark低下次去食!     想去「蛇の目鮨」可以坐JR山手線喺日暮里站落車,由南改札口行10分鐘左右就會到,雖然唔係好遠,不過由於呢間店位於住宅街當中,所以作為遊客,都係建議大家開住個Google Map一路睇一路行最穩陣。     除咗又平又好味嘅壽司喺呢一區出哂名,¥500 5杯嘅燒酎都係呢度一大賣點!見唔見到?門口個牌已經大大隻字寫住「焼酎5杯セットが ¥500」!     一入去,就已經見到店主密密手準備緊食材,店主一見到有客到,仲即刻好熱情咁走出嚟打招呼添!店內氣份勁懷舊,counter位完全感受到古早嘅味道。     酒量有返咁上下,可以飲返兩杯的話當然要試吓呢度嘅酒啦!佢地個玩法係一杯¥200,兩杯¥400,之後無論飲三杯四杯定五杯,都只會收多你¥100,即係¥500就可以飲到5杯,每
01
Jul 16
21:02
博客

[胃食日本] 激抵!1200yen 超豪刺身放題試食報告~

壽司放題就食得多, 可以搵到刺身放題嘅地方真係少之又少, 今日就帶大家去到東京淺草橋, 一間叫たいこ茶屋,只係1200Yen就可以食到刺身放題嘅居酒屋!     佢嘅刺身放題只係做LUNCH~(限時50分鐘) 由上午11:30做到下午14:00, 雖然係11點半先開,但係因為會排隊所以10點就開始派飛架啦~     我10點半到但都未見人龍..仲以為咁好彩唔洗排.. 拎完飛,去附近坐左陣, 11點返到去個陣點知.. 突然出現勁多人排隊   (所以大約11點開始去排差唔多)   大約11點20分左右就可以入去。 依到要注意嘅係佢地係用先付款制, 所以記得拎定1200yen排隊俾錢
22
Aug 16
21:31
博客

淨係識磯丸水產就遜掉了!地道日本人最愛嘅海鮮居酒屋

  好多人去東京,一講刺身就諗起築地;講寺就諗起淺草;講居酒屋就諗起磯丸水產…… 之不過!其實!啱啱講嗰幾個地方有好多日本人都冇去過,係你哋(我哋)啲遊客先去㗎咋! 所以今日Mika就要帶大家去一間地道日本人最鍾意去嘅海鮮居酒屋「浜燒太郎」,快啲mark低佢啦!     嚟到經堂店依到(經堂其實同下北澤好近!去完下北澤嚟食飯啱啱好!) 一入到去,唔知點解覺得好溫馨(誤)!有電視有結他~牆上仲掛埋店主嘅波衫w係有「家嘅感覺」嘅居酒屋! 同埋因為我對依啲燈籠情有獨鍾,所以覺得好有feel哈哈!   浜燒太郎嘅營業時間係下晝5點到朝頭早5點,就算錯過咗尾班車都可以喺依到一直飲到天光! 另外仲有各式各樣嘅優惠,例如未讀小學嘅細路飲嘢唔洗錢啦~ 非黃金時間(5至7pm)1000yen飲品放題~姐係比7x蚊就可以任飲酒、好多好多酒、好多好多種酒啊!   另外又有「每日優惠」~ 星期一出示學生證會有學生優惠 星期二生啤200yen 星期三女仕們會有免費甜品 星期四威士忌梳打100yen 星期五就係畀500yen就可以挑戰
13
Dec 16
22:41
博客

【大阪在地舔脷激推!】「大件夾抵食」極品料理4選

自問已經去過大阪好多次,對於大阪燒、章魚燒呢啲必食大阪名物有啲厭倦的話,一般美食應該已經滿足唔到你,所以今次為大家推介連大阪在地人都大讚頂瓜瓜嘅正野畀大家,唔單止好味,價錢亦一啲都唔貴,仲大食夾抵件,下次帶朋友去就可以懶勁咁同佢地講「帶你去食本地人先知嘅美食」!   1. ¥580極黑炒飯@あじ家     あじ家係一間拉麵店,雖然呢度嘅拉麵好好味,不過今次要推介嘅係其貌不揚嘅極黑炒飯,除咗用墨魚汁令到個飯變到黑媽媽之外,仲加入咗黑胡椒、黑醬油等9種黑色食材,賣相同用料都咁突出,難怪會成為店內名物!   唔好睇個飯黑到咁就以為會好濃味,個飯入口意外地清淡,有啖啖嘅墨汁香味,亦因為加入咗大量蔥去炒,成個飯好香口,微微嘅辣味會令人一啖接一啖地不停將啲飯塞入口!   睇見每粒飯都均勻地畀墨汁包住,就想像到師喺廚房不停拋穫嘅英姿。   識食嘅在地人多數都會點Set,可以同時食到拉麵同炒飯之餘,仲比分開單點平咗¥90!拉麵嘅湯底主要有魚介醬油同魚介豚骨兩種選擇,唔好睇湯底好似好淺色,味道
06
Jan 17
23:31
博客

【勁量級「海鮮塔丼飯」】 未食眼睛先興奮!

要食好野,緊係要去遠少少㗎啦!呢間位於福岡博多站駕車10分距離嘅「海輪亭」嘅海鮮塔丼飯「特上海鮮丼」無論係價錢定賣相都極度吸睛,¥1,800就可以一次過食到爆多新鮮好料,抵食到喊!不過提提大家,呢個丼飯只會喺上午11點半到下午1點半呢段午飯時段供應,唔好去錯時間!     「海輪亭」雖然下午專供丼飯同定食,但一到晚上就會搖身一變成為炭火燒肉同海鮮七輛燒專門店,風味同午飯時段截然不同。     當日定食嘅Menu嘅選擇其實唔算好多,不過都足以令你選擇困難,有鹽燒秋都魚定食、燒豚肉定食、炸豬扒定食、炸魚定食、炸蠔定食、三文魚籽丼,但呢啲通通唔係今次目標!     如果熟食唔係你杯茶,呢個Menu仲有好多唔同種類嘅海鮮丼,而今日嘅Target「特上海鮮丼」就喺左上角啦!     (°Д゚;) 咩事!?係咪海鮮唔使錢!!   個丼一上枱一定會唔小心嘩