分手
26
Oct 16
00:26
博客

拖友必睇! 日絲打票選 最邪分手黑點

情侶當去日本,行下神社,逛下公園去埋迪迪尼都真係指定動作。不過,日本人一向都好信邪,覺得有不少地方都是「分手重災區」,一經闖入,小則吵架,大則分手。其實日本時不時都會有這些關於「分手黑點」的投票,亦因此它們不但廣佈於日本各地,有很多還是有名的旅行「必去景點」! 無論你信唔信,想唔想分手,最好都係繼續睇落去。   1.迪X尼樂園   第一個已經幾乎係必去景點之一! 其實迪X尼有份真係意料中事。因為行遊樂場實在太多嘈交位;排隊太耐、野太貴、園區太大行到抱怨等等等等。總之就多不勝數。一個唔覺意真係散得。     2.上野公園的不X池   據網站訪嘅一位20代女性表示,雖然說不出原因,不過只要有人主動要求坐艇仔,就會分手了(這是甚麼玩法 ...)。另外,亦有傳說上野公園的不X池中央祭祀咗女神辯才天 ,而辯才天係會因為忌妒而讓情侶分手。     3.廣島的嚴X神社   同辯才天嘅原理一樣,都係有女神衰忌妒做野。(日本的女神都幾方丈......)       4.充滿藍光的水族館
17
Dec 16
01:50
新聞

【每日一FF】如果我女朋友係小松菜奈...

呢幾日日本YouTube出現咗條話題MV,就係日本樂隊never young beach搵嚟最近上位中嘅「厭世面」女神小松菜奈,以第一身男友視線再配iPhone打直拍片玩法拍嘅。雖然首歌得兩分幾鐘,但個MV有足足7分幾鐘,入面有晒小松菜奈勁GFable嘅一面,我真係未見過佢笑得咁開懷同埋咁傻...連身為女仔嘅我都差啲以為佢真係我女朋友,絕對係FF好物。     唔識日文嘅話,齋聽呢首歌會以為係一首好甜蜜嘅歌啦~但其實正正相反,呢首歌係叫「お別れの歌」,即係分手之歌。WHAT?冇錯,唔好睇個MV拍得咁甜蜜、現實感滿滿,其實係講緊個男仔係已經同女朋友分咗手,之後睇番之前拍低嘅片段回想返兩人嘅回憶...哇成件事真係突然勁沈重勁sad,但首歌嘅意思就係想帶出分手唔一定要悲觀,反而可以係一個新希望。   小松係MV入面真係有勁多素顏、勁自然同調皮嘅一面,同平時chok厭世臉個feel非常唔同。   今次嘅MV導演係幫開明星影攝影師硬照嘅攝影師奥山由之。唔需要大排場嘅背景、甚至高級相機攝影機、亦唔需要女神級主角小松著上名牌潮服,片中滿滿嘅寫實感反而更能引起大家嘅共鳴,成為話題。本身我真係對小松冇乜特別嘅好感(純粹覺得佢氣質係真係幾特別),但我都必須承認呢個MV令我對佢刮目相看。唔知,佢真人係咪真係咁傻咁可愛呢?