冰海展望塔
22
Jun 16
20:29
博客

快閃北海道紋別之旅(二)海洋生態遊

上星期帶大家賞完花,今個星期就同大家嚟一個「海洋生態遊」,睇下紋別市入面有咩玩啦。   係呢度,你可以排足一日嘅行程,總共有四個景點可以參觀,而且點與點之間唔算好遠,如果你腳骨力好嘅話,真係行都可以行到,夠晒方便。     1)流冰科學中心   ▼第一站去到嘅就係「流冰科學中心」啦!呢度其實同科學館差唔多,除咗有展覽仲會有遊戲體驗等等。不過主題當然係圍繞番佢地特色嘅「浮冰」同「海洋生物」啦。     ▼一入去就見到紋別嘅吉祥物「紋太」迎接你,佢係成個行程入面,真係無處不在㗎     ▼係呢度你可以體驗零下20度嘅滋味。入去之前佢會俾頂帽同件大褸你著,仲有一條濕嘅手巾仔俾你拎入去。     ▼入面展出咗好多唔同嘅「冰鎮」花卉同海洋生物,全部都係實物嚟㗎。