冬天
18
Nov 16
23:55
新聞

【Starbucks冬季限定第3彈】甜蜜蜜烤蘋果特飲

臨近聖誕,日本Starbucks不斷推出同冬天有關嘅限定飲品,今次作為Holiday Trio Berverges第三彈,佢地將會喺12月1日起推出「Hot Baked Apple」同「Baked Apple Frappuccino」兩款烤蘋果飲料,陪大家渡過甜蜜蜜嘅聖誕~     呢兩杯烤蘋果特飲都係以自家製嘅烤蘋果醬作為最主要嘅原材料,熱嘅「Hot Baked Apple」感覺有啲似加入咗烤蘋果嘅蘋果汁,入口酸酸甜甜,味道香濃到真係好似食緊烤蘋果咁!加埋上面嗰一大堆cream令到成杯野個口感更加順滑,冬天一路行一路飲個人勁暖笠笠!   而另一杯「Baked Apple Frappuccino」就係喺Cream base frozen drink上面加入大量嘅烤蘋果汁同焦糖蘋果肉,口感同味道都同熱嘅「Hot Baked Apple」好唔一樣,口感更豐富。   第3彈係「Holiday Trio Berverges」嘅最後一彈,粉絲們記得唔好錯過呢3杯咁特別嘅期間限定飲品啊!左起: Ginger Bread Latte, Hot Baked Apple, Snow Pecan Nuts Latte   心絲細密的話應該都留意到Starbucks最近換咗新裝,為咗配合聖誕節呢個咁喜氣洋洋嘅大日子,喺11月10日開始就已經換哂用以紅色為主嘅「Starbucks Red Holiday Cups」,係咪好有聖誕氣氛呢!  
11
Jan 17
05:07
新聞

【遊日注意】最強冷鋒明襲北日本

隨住最強冷鋒影響,日本北部(北海道,東北,北陸,関西北部)於10~17日將受影響,明朝開始有特大風雪,喺明日10號中午札幌天氣會跌至負10度以下,市面更會出現時速每秒30米嘅強風雪,海面亦會有大浪,預計10號朝早北海道積雪會厚達40厘米,北陸厚達60厘米、東北厚達50厘米,各位喺北日本玩嘅香港人記得注意安全!   今個冷鋒會長時間影響日本,大家要留意天氣報告。
18
Nov 16
19:03
新聞

Domino有新搞作!今個冬天用「鹿仔」送Pizza

原來用鹿仔作為交通工具並唔係聖誕老人嘅專利,連Pizza專門店「Domino's Pizza」北海道分店今個冬天都會用鹿仔送Pizza,想像吓喺白芒芒嘅環境吓突然有幾隻鹿仔行過送緊Pizza,個場景係咪好得別呢!     Domino有呢個決定唔係純粹搞Gimmick,其實係考慮到今年北海道降雪量可能會比往年嚴重,為咗唔好影響派送時間,結果決定用鹿仔去取代傳統Pizza車。   而佢地有呢個咁重大嘅決定之前,其實都做咗唔少資料研究,好似輕自動車同雪上電單車點解唔可行等等。   呢個係佢地嘅方案一,不過20部輕自動車就要花費¥4,700,而一租就要最少租3年,冬天過後嘅維持費可以話係非常浪費。   方案二係用雪上電單車,不過行唔到上馬路,又買唔到保險、法定嘅最高時速又只可以去到每小時15km,諸多限制,最後梗係被foul出局啦。   最後一個方案就係鹿仔啦。鹿仔車冇車牌都可以揸,最高時速每小時達80km,負重量又大,最重要係夠哂可愛,喺街行過人人都會望多兩眼,仲唔係佢當選!  
24
Dec 16
10:31
新聞

【遊日注意】半世紀最強暴風雪襲北海道 近三千遊客滯留機場

由前日(22日)起,北海道已經落起大雪,札幌於23日下午4點嘅時候已經錄得91厘米嘅積雪,亦都係自1966年以嚟時隔50年再次喺12月錄得超過90厘米嘅積雪記錄。   日本網民 (Twitter @Hek_GG) 上傳超誇張札幌積雪圖片:   圖片來源:Twitter @Daishi_Ke   呢兩日新千歲機場已經取消咗268班航班,創下歷來最多旅客滯留機場嘅紀錄(影響近3000多人)。呢個周末係日本嘅連假,交通情況混亂打斷唔少人士嘅出遊計劃。就連JR北海道都有約64班列車、近2150人受到影響。   受低氣壓影響,北海道多個地區出現大風大雪嘅情況。路面已經因誇張嘅雪量變得非常狹窄。另外,道南嘅函館等地區就落大雨。根據天氣預測,呢兩日大風大雪嘅情況呢兩日開始會稍為好轉。   再次呼籲大家,如果冇喺雪地開車嘅經驗就唔好係落雪嘅時候開車喇!(或者可以參考下車長寫嘅呢篇雪地開車需知文)另外行程上面都要小心安排,交通時間可能會俾平時需要更多嘅時間,亦都要向航空公司確認航班及機位問題!   資料來源:
14
Nov 16
20:20
博客

【奈良話題之作!】「暖」上凍刨冰

最近嘅天氣真係好難搞,早兩日凍到好似突然步入冬天,但今日又話回暖,原本仲諗住可以喺凍冰冰嘅天氣下喺街頭食返個熱辣辣火鍋暖吓個胃,而家又要將計劃推遲啦......   不過講到暖胃,奈良都有一間老舖「柿の葉ずし総本家 平宗」可以食到個好特別嘅暖笠笠甜品,並唔係大家可以想像得到嘅紅豆湯嗰啲咁普通,而係可以令你食完好暖笠笠嘅巨型刨冰。     平宗係一間一年四季都可以食到刨冰嘅老舖,已經有超過150年歷史,因為店家覺得冬天都有好多人鍾意食刨冰,所以就研發咗幾款連冬天都好適合食嘅暖刨冰,等客人一年四季都可以享受到刨冰軟綿綿嘅口感。     店入面一共有大概6款刨冰,當中嘅南瓜刨冰「かぼちゃ氷」、番薯刨冰「さつまいも氷」、甜酒刨冰「甘酒氷」就係傳說中嘅暖刨冰喇!     個刨冰一上枱嘅一刻都幾震撼,個冰勁大兜!南瓜同番薯係比較大路同多人點,如果對酒唔抗拒的話亦可以試吓個甜酒刨冰,因為喺第二啲地方基本上係搵唔到嘅。   除咗個冰之外,一齊上枱嘅仲有一碗暖笠笠嘅泥狀配料同一杯冒緊煙嘅透明不明液體,千祈唔好以為嗰杯係清水就咁飲咗佢
09
Nov 16
19:10
博客

【喪食熱辣辣海鮮】北海道「廣尾毛蟹祭」嚟啦!

廣尾係位於十勝附近嘅一個沿海地方,因為喺海邊嘅關係,每年夏天同冬天都會舉行大型嘅祭典,有野食有野玩勁熱鬧,除咗當地人一定會出席之外,亦吸引唔少外地人同外國遊客特登走去喪食熱辣辣又地道嘅海鮮料理。     每一年啲人都好誇張,明明個活動9點先開,但個個都為咗掃平貨食美食就唔介意早少少過嚟,6點左右啲人就會開始過嚟排隊等入場。     而今年嘅廣尾毛蟹祭將會喺12月11日舉行,到時會有好多山珍海味,好似大釜燙毛蟹就係每年都勁受歡迎嘅人氣美食,亦因為價錢比出面平成半有多,大家都趁呢個機會不停喪買喪食!     喺咁凍嘅天氣下緊係要食返碗熱湯暖吓胃!呢個毛蟹味噌湯真係一絕,大大碗又多料,用咗勁多蟹殼去炮製所以蟹味勁香濃,一定要試!     除咗蟹料理,場內仲可以食到炭燒海鮮,香味遠遠都聞到,所以如果你見唔到檔位喺邊,跟住啲香味去都唔難搵到。  
05
Nov 16
02:43
新聞

出遊要注意!日本北海道及東北部大雪 部分地區降雪量破紀錄

呢排去北海道嘅朋友要留意喇!「本世紀最強寒流」侵襲北海道--受低氣壓籠罩,部分地區更創下單日降雪量新高,路面都因為結冰引起多宗交通意外。日本氣象廳亦持續發出低溫警告。   路面結冰之餘,因大雪關係能見度偏低。北海道帶廣更打破44年來11月上旬嘅降雪量(超過10cm。北見市一日降雪量更加有成15cm,打破11月有史以嚟單日降雪量最高紀錄。   另外,日本東北部秋田就落冰雹同埋有龍捲風。日本氣象廳提醒,北海道同日本東北部嘅惡劣天氣會繼續維持幾日,遊客、特別係自駕遊人士去旅行都要特別注意低溫同風雪呢。   Source:http://headlines.yahoo.co.jp/videonews/nnn?a=20161103-00000060-nnn-soci  
08
Nov 16
00:51
博客

【極寒體驗】入住寒冰村零下6度的冰之旅館

有冇想像過如果冬天去北海道,喺冰天雪地之下入住埋室內只有零下6度嘅酒店會係點?喺咁低嘅溫度吓過返晚竟然唔會變雪條,仲可以有前所未有嘅溫泉體驗,同埋欣賞到畢生難忘嘅迷人雪景添!     呢個冰之旅館嘅外型似足愛斯基摩人嘅冰屋,呈半圓形,位於北海道Hoshino Resort Tomamu嘅Ice Village入面,成個旅館都係由一舊冰雕成,仲係要喺零下14度之下連續3日先雕到出嚟,所以話嚟到北海道又點可以唔嚟朝聖吓呢!     其實呢個冰之旅館每一年都有,不過今年就更加特別,加設咗個露天風呂。呢個露天風呂參觀係免費嘅,不過要浸就住客限定,即係話唔係冰之旅館嘅住客就有得睇冇得浸,好殘忍啊......一坐入風呂嗰刻,視線同冰面形成同一水平,加埋天上繁星閃閃,個景靚到真係好似去咗第二個世界一樣!     浸完風呂行返去個冰之旅館睇睇,原來真係唔係得個殼,入面竟然有用冰雕成嘅枱、梳化同床,真係所有野都用冰整成㗎!     咁凍,係咪擔心會冇覺好瞓?放心,旅館方
15
Nov 16
20:40
新聞

【很想要吧】宅男女冬天必備廢人裝!

冬天就到了,又到完全唔想離開被竇嘅季節。尤其真係好凍嘅時候,真係連出廳、甚至去廁所都覺得好辛苦。雖然香港唔係個個間屋都容立到日式暖爐檯,不過日本家居服品牌BIBI LAB就推出咗呢套超級懶人裝「冬のダメ着」,仲有5隻色㗎!   呢套懶人裝標榜可以幫人節省暖爐錢電費、全身軟淋淋好舒服,最緊要係機能性超高!小編推介得就梗係因為佢同其他嘅全身裝真係有決定性嘅分別,我都真心想入手一件啊XD   主要特徵: 防靜電、可以成件擺落洗衣機洗   手部分有四式手指開放功能   足部能自由活動、可以放電話嘅衫袋   女仔可以扎雙馬尾
01
Nov 16
01:48
博客

日本電車大都市同近郊大不同之關返道門呀!

日本嘅冬天又黎喇~~呢幾日都得最低得12-3度! 咁日本嘅電車一向都有暖氣保暖(車長認為唔止暖,係熱氣) 咁近郊地方嘅電車仲多様功能叫半自動門。 東京的話,中央線快速,湘南新宿線,上野東京線,横須賀総武線快速 ,常磐線…等等都有㗎 喺車門外面右邊有個開門掣,好似下面張圖咁: 喺冬天時遠少少嘅地方為左保暖,車門喺唔會自己開嘅~~ 係為左唔使開晒全車嘅門,唔使令無人用嘅門都打開,等寒風冷雪吹入車箱, 咁上面個開門掣就會著咗緑色燈,你要自己襟先會開門嘅~~ 入咗車内右邊都有個開門關門掣,好似下面張圖咁: 為咗大家保暖,要襟返個關門掣關返道門,令寒風冷雪唔使吹入車箱, 香港係從來無啲咁嘅野,所以大家都好可能唔知。 所以大家喺冬天時坐電車,無開門的話就睇下有無開門關門掣喇! 咁落車點呀?出面無個關門掣喎~~ 埋站前留意一吓,個一卡最頭道門有無人等落車,不過通常大家會喺最頭個卡最頭道門落戓個一卡最頭個道門落車 唔洗