六本木
14
May 16
00:05
博客

【‪現場直擊‬】帶你遊日本首間Snoopy Museum

1950年面世嘅《花生漫畫》一直都風靡全球,世界各地都有佢嘅粉絲。角色方面,最紅就當然係Snoopy喇!雖然各式各樣嘅Cafe同埋產品都遍佈日本,但就一直都未有Snoopy Museum既出現。   終於喺今年4月23日,日本首間Snoopy Museum正式登陸六本木喇!仲唔係「花生」迷嘅一大喜訊!今次好開心有機會同大家一齊遊覽,開開心心睇「花生」。     去Snoopy Museum路程相當簡單。只要係六本木駅出發,行七分鐘左右就可以到達。     認住六本木駅3號出口,一出去右轉前行。     經過Y!Mobile後,轉右繼續前行。     望到東京鐵塔就方向正確,繼續行就岩㗎喇。     途中你會見到一間「驚安の殿堂」喺左面
07
Oct 16
22:58
新聞

六本木Snoopy Museum!全新主題正式登場!

好耐之前同大家介紹過嘅喺六本木嘅Snoopy Museum會不定期更新主題。而喺今日(8號)佢就正式換上「もういちど、はじめましてスヌーピー。」同大家見面。展期由2016年10月8日至2017年4月9日。   除咗繼續有不同嘅Snoopy原畫展出之外     佈置上面都同之前有所不同㗎,就好似加入大量萬聖節元素  
15
Jul 16
22:20
新聞

「吉卜力工作室」博覽會現於六本木舉行

為慶祝「吉卜力工作室」成立30周年,由7月7號開始係六本木舉行咗大型博覽會展出30年來嘅作品。     博覽會由四個獨立部分組成,分別展出不同年代嘅作品。第一部份係「吉卜力大展覽」。第二部份係「嚮往天空」,展出內容主要為天空同飛機。第三部份展覽著重於吉卜力工作室嘅最新作品《紅龜》。最後係紀念品區,無論係最新嘅紀念品定係其他電影嘅經典紀念品都可以買到。     【吉卜力工作室博覽會】 地址:東京都港區六本木六本木新城6-10-1 地點:六本木新城展望台東京城市觀景天空畫廊 期間:7月7日至9月11日 時間:10:00-22:00(最終入場21:30) 收費:1,800円(大人), 1,200円(高中生和大學生), 600円(4歲至國中生
07
Jul 16
00:29
博客

東京人的夜生活:夜蒲推介西麻布a-life!

  今日同大家介紹下東京嘅夜~生~活!嗱,唔好話我教壞細路,clubbing雖然係好多人狩獵嘅地方,但亦都好適合精力充沛又鍾意一班friend好high跳舞跳全晚嘅。呢間位於西麻布嘅「a-life」,共有三層,可以係入面跳舞、social、食飯甚至唱K呢!   其實都真係第一次嚟東京clubbing。之前聽過好多傳聞,例如:㗎仔唔識跳舞、喺日本clubbing係唔俾跳舞、因為日本好保守所以只有好「花」同「搵食」嘅女仔先會去clubbing等等...但今次親身經歷過先覺得,其實個clubbing文化同香港差唔多啫! 1984年日本制定法例「風俗營業法」嚴厲打擊日本夜生活,認為深夜營業嘅Night Club係風俗或少年犯罪嘅溫床,以致有成60年時間日本都唔認同clubbing呢個文化,更令到有一段時期好多club都摺埋。a-life嘅前身、六本木同西麻布區數一數二嘅名club「Brand Tokyo」亦都因此休業,不過隨著法例改變,以「a-life」為名重開,希望透過嚴謹嘅保安制度為大眾提供一個可以安心跳舞同clubbing嘅地方。(以前係日本12點後跳舞係犯法架
24
Nov 16
19:27
新聞

【期間限定!】東京¥1000喪食「熱辣辣蒸蠔」

生蠔我諗大家點都會食過,但北海道特有嘅鐵罐蒸蠔「ガンガン蒸し」,你又聽過未?呢種食法原來係北海道漁師們嘅行內食法,將生蠔放入月餅罐大小嘅鐵罐蒸十零分鐘,蒸出嚟嘅生蠔鮮甜味會完全被鎖住,好JUICY。     係咪睇見都想食呢?而家唔使去到北海道咁遠啦,東京六本木嘅「オホーツク丸」都有得食,仲係¥1,000無限時任食,雖然一日只限10組,不過可以用電話預約,咁就唔使神咁早去排隊等開門啦~     話多少少畀大家知,「オホーツク丸」係一間以提供鄂霍次克海地方食材為主嘅居酒屋,今次放題所用嘅就係來自北海道佐呂間湖最出名嘅「1年牡蠣」,隻隻都有手掌咁大,食落帶有海水鮮味,口感creamy,¥1,000就可以任食,真係好抵玩!     オホーツク丸 地址:東京都港区六本木5-5-1 ロアビル1階(東京 六本木横丁内) 電話:03-6721-1525 (唔識日文可請酒店代為預約) 營業時間:17:00~02:00 官網:yokocho.tokyo/restaurant-info/okhotsk-maru/   鐵罐蒸蠔 カキの「がんがん蒸し」食べ放題
04
Nov 16
01:06
博客

偽現充的六本木萬聖節夜蒲實錄!

  利申:本身拍呢條片係想俾自己嘅朋友睇下六本木Halloween係癲成點,好似個人遊記咁分享。不過後來覺得有啲畫面都幾精彩,所以就決定擺上嚟畀大家睇吓~敬請原諒片段後面我都醉醉地,感覺唔係好pro 不過都俾大家睇到最真實嘅一面呀    話說我咁大個女,終於有機會嚟日本過萬聖節喇!每年都坐喺個mon前面睇日本人玩得有幾癲...今年終於有得親身感受~我聽啲日本朋友話東京最好玩都係六本木同涉谷,涉谷我地就萬聖節正日當晚同大家做咗live啦,而家就俾大家睇下萬聖節前夕六本木嘅盛況啦!   其實六本木就好似香港蘭桂坊咁,附近有好多office,而啲人放工就會來飲酒,所以開咗好多club同bar,亦都吸引好多外國人嚟嘅。呢度嘅夜生活真係幾精彩㗎!   入club之前我就去咗大街感受下氣氛同埋觀賞下大家嘅萬聖節打扮!唯一可以肯定嘅係,雖然偶爾都有小丑女出沒,但都真係少香港好多!㗎妹都係中意扮下可愛性感貓貓狗狗多~   六本木最墟冚嘅club其中一間就係呢間
19
Nov 16
19:30
新聞

六本木Hills展望台化夜空螢幕浪漫重現「你的名字。」經典畫面

六本木HILLS展望台嘅東京City View將會於2016年11月23日起推出「晚間星空燈光」企劃,將會連同大熱電影「你的名字。」合作,將展望台嘅16塊巨型玻璃化成「夜空螢幕」為遊客於高空重現電影中經典畫面。     除此之外,東京City View內嘅Sky Gallery 3都會推出「你的名字。」限定主題Cafe,仲有彗星Parfait及星空Cocktail等同電影相關嘅食品,大家千祈唔好錯過!   展望台亦會有可以360度睇星嘅天文館,同埋可以感受太空漫遊及步行樂趣嘅「3D Sky Walker」,可以順便去埋玩呢!企劃暫停推行至2017年1月29日。   HUAWEI presents 星空のIllumination @六本木Hills展望台東京City View 日期:2016年11月23日~2017年1月29日 地址:東京都港区六本木6-10-1 六本木Hills 森Tower 52樓 東京City View 營業時間:52F屋内展望Floor 10:00~23:00(最後入場22:30)、星期五、六或公眾假期前日將開放至凌晨1點(最後入場24:00) 屋上Sky Deck 11:00~21:00(最終入場20:30) ※Sky Deck平時只開放到8點,企劃期間將順延開放至晚上9點。如天氣惡劣會暫停開放。 天文館會開放到10點,最後入場時間為9點半。   (C)2016「君の名は。」製作委員会/資料來源:Model Press
11
Nov 16
00:58
博客

【冬天緊係去打邊爐!】東京暖笠笠極品火鍋4選

天氣終於開始轉涼,又係時候大家圍埋一齊烚吓烚吓!打邊爐嘅配料來來去去都離唔開豬牛雞海鮮同蔬菜,日本都唔例外。但明明大家用嘅配料都係咁上下,整出嚟嘅味道同風味就差非常多,以下呢幾間位於東京嘅餐廳都可以食到無論賣相定味道都非常出眾嘅鍋物料理,下次有機會記得去食返次同香港完全唔同風格嘅Shabushabu!   1.はながこい 青山本店@渋谷     嚟到呢間「Hanagakoi」一定係食超豪華嘅海膽鍋「うにしゃぶ(¥2,100)」!海膽鍋個湯底用咗海膽同蝦頭熬製,成鍋都呈現勁誘人嘅金黃色,未食都已經流哂口水!   見到個鍋上枱記住千祈唔好過於衝動就咁將啲海膽放哂入個鍋度淥,就咁放入去會令到啲海膽溶到渣都冇得剩。店員會好細心咁教你正確食法,會話畀你聽要用魚夾住海膽同其他配菜同要淥幾多秒,唔識聽到唔緊要,跟住做就得。   唔單止海膽鍋係極品,呢度嘅串燒都好正,如果幾個人一齊去不妨叫多幾款試吓。   鍾意呢度嘅另一大原因係呢度有2個人都可以入去坐嘅個室,可以慢慢食慢慢傾。  
26
Jan 16
00:58
博客

東京夜景推介(一)-六本木森大樓展望台

要數東京最出名嘅展望台,相信大家都會諗起「東京鐵塔」或者「晴空塔」,而呢2個地方亦都係東京最有代表性嘅地標,但係你有冇諗過上到「東京鐵塔」望唔到「東京鐵塔」,上到「晴空塔」望唔到「晴空塔」係好可惜嘅事,咁邊道可以同時望到呢2個地方呢,我就會推薦你黎六本木森大樓嘅展望台! 乘撘東京Metro日比谷線到「六本木駅」1C出口出,會有地下通道直接連結到達。 呢棟就係六本木之丘森大樓! 展望台入口處。(*此圖片取自官網)上到去嘅環境~360度嘅環迴落地玻璃展望台 一入去就會見到東京鐵㙮,真係好靚!東京鐵㙮每段時間嘅顏色都會唔同,呢一日係2015年12月30日,就係橙色+有2015嘅標誌。 想知你打算去呢日鐵㙮係咩色,可以上呢道睇下! 但咁靚嘅景色一定係全個展望台兵家最必爭之地,所以早啲黎就着數啲!