內村航平
11
Aug 16
18:38
新聞

內村航平全能奪金!44年首位衛冕!

嗚啊!日本男子體操繼早前團體賽摘金,體操王子內村航平又喺男子個人全能決賽,以0.099分之差贏咗烏克蘭嘅維爾尼亞夫,成功贏得金牌,仲係44年嚟第一個成功衛冕嘅選手。     唔知大家有冇睇比賽呢?佢同維爾尼亞夫鬥得難分難解,維爾尼亞喺第三至五輪項目都領先內村,不過喺最後嘅單槓,內村以近乎完美嘅15.8分完成,而維爾尼亞夫只有14.8分,最終內村以0.099分之差驚險奪金!佢知道賽果後都嗌咗出嚟!   賽後兩人都惺惺相惜互相祝賀!   內村嘅隊友白井健三都好感動,係twitter發表咗一番好感動嘅說話: 「我真係好想成為佢一樣。直係到依家都不能相信自己同佢係同一隊。真係好感動啊好勁啊已經表達唔到呢個比賽。真係好開心有機會黎到奧運,無論幾時都係咁諗。好多謝你啊隊長。繼續繼續一齊努力吧。」  
18
Aug 16
19:59
新聞

【玻璃又碎了】國際體操總會會長格蘭迪:中國該學學日本

貴為歷屆體操強國、以往每屆摘金嘅中國體操隊今屆奧運失勢,只有團體賽贏得兩面銅牌。今屆成績更加係自1984年參加奧運起,30年來最差嘅成績(連銀牌都無)。反觀同樣來自亞洲,日本男子體操隊喺王者內村航平帶領之下擊敗連續兩屆金牌得主嘅中國隊,於男子團體同男子個人全能奪兩金。體操天才少年白井健三跳馬亦贏得銅牌。   兩國嘅差距到底在於乜?國際體操總會會長格蘭迪(Bruno Grandi)日前接受法新社訪問時就指出重點:「中國隊仍然停留在機械人式訓練。跟上潮流嘅係日本隊。」   ▲日本隊今屆出色嘅表現奠定咗佢哋係世界體操壇嘅地位。格蘭迪稱讚:「日本隊改善咗訓練架構,開始慢慢擺脫東方式嘅體操編排,開始融入西式體操嘅表現,即係更柔和、更具想像力同更具創意。」   ▲日本體操王者、男子個人全能金牌選手內村航平   ▲日本隊選手加藤凌平   ▲格蘭迪指出佢並唔係想批評日本博大精深嘅文化,但佢讚揚日本隊呈現體操嘅方式非常成功地吸引及打動全世界嘅觀眾。佢覺得日