兒童遊樂場
20
Oct 16
00:57
博客

【去邊好】免費入場!北海道大型兒童遊樂場!

一家大細去旅行,唔好淨係掛住行街食野睇景同影相,有時都要揾個地方畀小朋友盡情玩吓。   呢個位於北海道旭川市嘅「もりもりパーク (Morimori Park)」佔地超過10,000平方呎, 專為小朋友而設,以森林大冒險作為主題,有好多設施畀小朋友擒嚟擒去,最重要係完全免費唔使錢,最啱爸爸媽媽帶埋小朋友一齊去!   Morimori Park位於大型購物商場6樓,開朝早10點到夜晚6點半,大人可以行完街再陪小朋友嚟呢度玩返個零兩個鐘,然後喺商場食埋個晚餐先走,時間Good Fit!   雖然係免費入場,不過入場前要用會員卡登記,插入會員卡再按確定就可以入場。至於點樣先可以成為會員,喺文末我會再慢慢教大家點樣喺網上註冊。   走嘅時侯都一樣,記得插卡登記先好走。   因為館內唔可以食野,如果小朋友玩玩吓肚餓,就要喺counter右手邊嘅地方食完再入去玩。