兌換
12
Apr 16
18:56
新聞

FamilyMart 24小時自動外幣兌換機

喺日本除咗7-11之外,大家仲知唔知依家仲有便利店可以將港幣兌成日元。FamilyMart於2016年2月1日起已經喺東京都內四間分店設立Travelex Japan自動外幣兌換機。   呢部機年中無休,24小時運作。可以兌換13種貨幣,包括港幣、人民幣、美元、歐羅等。有中、英、韓、日文四種語言顯示,遇到問題打上CALL CENTER亦有四種語言嘅語音指導。 港幣方面,只接受紙幣,並由$100紙幣起的面額,可兌換成1萬、1千、500円、100円、50円、10円日元。   四間FamilyMart分店都位於遊客區,相當方便。 1. 浅草雷門前店 地址:東京都台東区浅草1-2-1 營業時間:24時間 2. 台場VenusFort店 地址:東京都江東区青海1丁目3-15 營業時間:9:00-23:00 3. 新宿靖国通り店 地址:東京都新宿区新宿5-17-13 常陽中台ビル 營業時間:24時間 4. 原宿竹下口店 地址: 東京都渋谷区神宮前1丁目 19-11 營業時間:24時間
27
Feb 17
19:13
新聞

【用淨Coins唔使煩】羽田「一招」無手尾兌換

去旅行臨走少不免會用淨啲coins,小編通常都會睇吓仲可以用啲零錢買到啲乜,點知買買吓發覺凸咗數,逼住又要開張大紙,跟住又有堆零錢又睇吓可以買到啲乜,跟住又凸咗數又要開張大紙......呢個經歷係咪好似曾相識呢......   如果你都成日有呢個情況出現,羽田嘅「Pocket Change」自動兌換機應該可以幫你「慳返」唔少!     呢部叫做「Pocket Change」嘅兌換機喺2月21日先正式喺羽田機場推出,最方便嘅地方係佢可以幫你將美元、歐元、人民幣、韓圜及日圓兌換成電子貨幣或者電子購物券,變相輕輕鬆鬆就可以幫LINE、iTunes、WeChat、amazon.com.jp等增值,過程中仲完全唔使輸入任何密碼,減少洩漏個人資料嘅機會。     部機會顯示埋當日個rate係幾多,覺得接受得到先兌錢,夠哂清晰!     最慳時間嘅地方係就算一次過掉唔同貨幣,部機都會分得到,仲會清清楚楚地show畀你睇你掉咗幾多錢落去。  
19
Jan 16
01:59
博客

[日元兌換攻略]介紹至抵唱YEN方法!

廢話少講,即刻話你知最抵唱YEN方法!最抵方法一:去銀行開外幣戶口,再用電匯價兌換 好處:方便,隨時上網換錢,利用TT RATE電匯價嘅匯率同去兌換店差唔多。 壞處:唔係個個人有外幣戶口,而且每日從外幣戶口提取外幣設有上限,恆生為例,每日最多只可以拎JPY150000!冇外幣戶口的話,好建議你好開返一個,因為兌換日元用電匯價比現鈔價更為划算! 首選銀行推介:恆生/中銀 原因:大行兼匯率不錯(匯豐好貴唔建議) ▲利用網上銀行的先行兌換日元,小編以恆行銀行作範例。 ▲到銀行分行取日元 可打電話到就近分行詢問有沒有日元,但小編建議直接到大行領取,如旺角尖沙咀,因為大行存貨充足! ▲電匯價是什麼? 根據WIKI解釋「電匯價簡稱 TT 價,係國際上流行的公司與公司之間付款方式之一。使用電匯的前提條件是雙方都需在有開通電匯服務的銀行開有賬戶。」 唔明嘅話可以好似我咁理解為一個抵啲嘅價XD ▲各銀行匯率可到以下網址查看: http://hk.ttrate.com/zh_hk/?c=JPY --------------------最抵方法二:找換店兌換好處:匯