傳統節日
25
Oct 16
23:33
博客

【日本傳統節日】兒童專屬的七五三節又到啦!

去親日本玩,見到日本啲小朋友真係覺得佢地好可愛,尤其係著住傳統和服嘅時候,簡直就係一個識郁嘅公仔咁!     襯住又就嚟到一年一度嘅七五三節,大家可以去神社行吓,喺七五三節即係11月15日呢一日,好多爸爸媽媽都會帶住阿仔阿女著住和服去神社感謝神明畀佢地仔女健康咁成長。     七五三喺日本都算係一個幾大嘅節日,不過父母唔係每一年都會幫仔女著和服去謝神,佢地會等小朋友滿3歲、仔仔5歲,或者囡囡7歲先會帶佢地去神社,呢個亦係「七五三節」名稱嘅由來。     至於點解係3歲、5歲同7歲,有傳呢3年係厄運之年,所以父母要帶小朋友去除厄運,但又有另外嘅說法話3、5、7係吉祥嘅數字,所以要去神社慶祝。不過無論個由來係點都好,父母都已經視七五三節為一個好重要嘅日子。     如果七五三節適逢係周末,一啲大型嘅神社一定會見到好多著住和服好可愛嘅小朋友,如果咁啱係平日,父母就通常會喺對上一個周末帶小朋友去。   雖