供奉
26
May 16
23:44
博客

【求姻緣】無男/女朋友嘅請進-恋木神社

「好想拍拖呀!」「好想有人錫呀!」「好想遇到Mr.Right呀!」如果你成日都咁諗,呢個四圍滿滿都係愛心嘅「恋木神社」就一定岩你去啦♡     「恋木神社」位於福岡県筑後市水田,係全國唯一一個奉獻戀愛之神「恋命(こいのみこと)」嘅神社。喺日本有好多來自全國唔同都道府縣嘅人都會為左求一段美好嘅姻緣而到訪的啊!而且,神社裡面最特別嘅,係周圍都會見到好多心心,真係望到都覺得好有愛!   喺恋木神社入面嘅鳥居,門口有個大大嘅心型!仔細睇,兩邊仲有細細粒心心添。聽聞鳥居總共有10個心心,去到嘅話即管去數下啦!   通去恋木鳥居嘅通道叫做「恋参道」,喺地下有好多個唔同顏色嘅心型,唔洗講都知呢到一定係一個影相呃like嘅位置啦!   另外,有棵樹齡600年嘅樹木,叫做「幸福の一位の木」。而喺佢正前方就有一個心型嘅花壇!如果係春天去嘅話,就可以見到一個粉紅色嘅超靚花壇啦。聽講,如果你圍全呢棵「幸福の一位の木」向左→右→左行的話,幸福就會降臨嫁啦!理得佢靈唔靈,