18
May 16
17:44
新聞

【詭異‬】你望下後面?望到你心寒嘅扭蛋…

日本扭蛋不嬲都好有創意,好似之前都有提過連屎都出埋   今次新出嘅扭蛋就唔同啦,有別於過往搞笑風格,反而走詭異風…?     可以見到有唔同嘅生果入面暗暗地有隻眼望緊你…     一套4款,每隻盛惠200円。     仲要15歲或以上先可以抽,應該真係怕嚇親小朋友掛…     如果夜晚訓訓下“責”醒,見到一Set齊晒咁望住你,都咪話唔驚…(暗暗地打左個冷震)     咁搞法,叫我以後點食得落蕉哩?  
18
Jan 16
23:27
博客

沖繩最抵青年旅館報告

大家好,我係 Ryan~今次去左沖繩,講下我住既地方先!青年旅舍CamCam沖縄地扯:沖縄縣那覇市久茂地2-20-12 電話:098-863-0022 網扯:http://www.camcam-okinawa.com/index-zh.html   交通1.係機場坐 Yui Rail 鐵路,第七個站「美栄橋」下車,再步行五分鐘 時間:14分 費用:300日元 2.那霸機場搭120、99巴士,「若松入口」站下車,再步行五分鐘。 時間:18~30分 費用:230日元 呢度交通都算方便,行去國際通都只係十五分鐘!對面街就有 Lawson,附近夜晚都幾多居酒屋。價錢 而家淡季超抵,我住多人房,6晚都係 7500日元 (約500港幣)!環境 大廳每日都有人清理   第二個廳比較輕鬆舒服
19
Jan 17
23:31
新聞

消息已被落實!日本降低外國人材綠卡門檻 申請永住權5年變最快1年!

舊年11月係網路傳出嘅消息終於成真!研究人員或者經營企業嘅專業人員由今年3月起便可以最短1年時間取得日本嘅外國人永住權「日本版高度外國人才綠卡」。現今需要喺日本居住5年先可以申請,但最新嘅申請條件會將申請人嘅學歷或年薪等資料化成點數,只要獲得高點數就可以縮短必要嘅居留期間。日本希望透過縮短期限至1年去吸引更多外國嘅人才移居日本。   原本嘅話外國人要得到永住權係需要喺日本居住10年以上。自2012年起日本法務省引入「高級人材積分制」,分成「學術研究」、「專門/技術」、「經營/管理」三個領域等等引入唔同嘅分數制度。例如如果係研究人員、學歷達博士級就可有30分;經營企業嘅如果年薪達3千萬Yen以上就係50分等。只要得到70分以上就得到「高級外國人材」嘅認可,最快5年就可以得到永住權。而今次嘅永住許可申請期就將在留期間由5年縮短至3年。而且獲得80分以上嘅人更加可以最短1年內申請成功。   點樣計點數呢?例如: 一個33歲嘅工程師共得80分,詳細分數如下: 34歲以下:10分 年薪600萬Yen:20分 博士或以上學歷:20分 工作經驗3年以上:5分 持有專利證明:15分 畢業自排名高的大學:10分   對真係想移居日本又有條件嘅外國人嚟講係真係幾吸引!不過講真,到底吸引到最多咩國家嘅人?睇
29
Mar 16
19:09
博客

【東京Cafe推介】嘆住食<<鬆軟厚Pancake>>

去旅行其中一件最滿足嘅事,就係唔較鬧鐘訓到自然醒,再悠悠閒閒咁食返個早/午餐。今日特別推介一間位於南青山嘅Cafe「West Aoyama Garden」,南青山屬於旺中帶靜嘅一區,能夠係度食吓嘢、傾吓計真係好寫意。   除咗環境同服務之外,吸引我嚟到West Aoyama Garden嘅係「鬆軟厚Pancake」,「鬆軟厚Pancake」最近登上Twitter人氣榜,受到唔少日本人熱捧,全因其賣相吸引之餘,食落仲好熱好鬆軟,大人細路都食到舐舐脷   Cafe外貌   室內環境,寬敞舒適   開門半個鐘,入座率已經有八成,不過就冇大排長龍   室外環境   室外可以食煙,同歡迎帶狗仔入去㗎(但為健康著想,都係唔好食咁多煙喇...哈哈)   花多眼亂...
11
Feb 16
20:33
博客

東瀛新春開運法之掌相篇

呢幾日拜年,係咪不停俾D三姑六婆問你「幾時結婚呀?」「幾時生仔呀?」 真係問到心都煩,想拎起支劍蘭黎同佢開年! TBB有蘇師傅出黎教人風水,LikeJapan就有我東方不敗黎教大家睇掌!!! 日式睇掌START! 齊齊打開隻手!!! 搵唔搵到橫跨生命線同感情線既兩條橫線呀? 原來,上面個條就係戀愛線!而下面個條就係妊娠線!!! 大家搵唔搵到呀?我已經搵到喇!超前超前!!! 日本黎講,兩條線愈接近拇指食指既話,就代表愈早拍拖結婚生仔架! 妊娠線唔夠長,痴埋咗落手掌正中間既事業線既話呢,就代表你事業心太重,較遲先有BB…… 但如果發現兩條線都無既話,就……(拍肩) 另外,手指短係代表子女運,原來手指尾過短既話,都係代表較難有BB!!! 如果黎緊會出發去日本旅行既話,記得去求子既神社到參拜!!!!! 去關東旅行就去箱根神社! 去關西旅行就要去住吉大社! 聽講,去完呢兩間神社參拜完,都好快有好消息架!!! 如果唔去日本旅行既話,都可以好似我咁去荃灣龍母廟摸龍床!