20
Jun 16
22:04
博客

[激安推介]大大舊+勁新鮮 500yen魚生飯店

今日要同大家介紹一間我一個星期食起碼兩、三次嘅魚生飯店「丼丸」~~ 「丼丸」係一間魚生飯連鎖店,全日本都見到佢嘅蹤影㗎! 依到幾十種魚生飯都係500yen(計返做港紙大約3-40蚊左右),而佢平得嚟係絕對唔會比下瀾嘢你食,魚生又新鮮又大件又平,大佬你話如果喺香港嘅話去邊到搵啊~     今日嚟到依間「龍 丼丸」~入面有超過70款魚生嘅配搭同選擇,全部均一價錢,睇到人心大心細!   我平時多數都係揀最上面嗰行嘅雜錦魚生飯~鐘意一次過食到幾款唔同魚生嘅朋友可以特別留意下依一行!     揀好食咩之後,就好似去大快活咁,去櫃枱到落咗單再坐低~記得記得除!鞋!啊!   好快好快,魚生飯們就登場啦!點啊係咪好吸引先!   首先同大家介紹下左下個依我叫得最多嘅魚生飯うおがし丼〜(菜鳥不負責任翻譯「魚河岸
08
Apr 16
17:55
新聞

口水直流!天丼新推半熟玉子天婦羅!

大家上次睇阿貝介紹個個玉子天婦羅係咪睇到口水都流埋哩?不過地點唔岩,時間唔夾去唔到,又想食咁點算?   唔駛驚,而家天丼推出兩款期間限定「炸蠔海鰻天丼」(税込830円)同埋「BBQ漢堡扒天丼」(税込730円)。漢堡天丼仲包左一隻「半熟玉子天」!     食其他丼又想食玉子嘅都唔駛驚,加100円就可以食到!   雖然質素未必好似天助咁高,不過咁方便都絕對值得試嘅   期間限定:4月14日至6月4日 販賣店舖:全線天丼てんや
12
Oct 16
01:05
博客

【食乜好】東京超滿瀉絕品料理5選

有冇試過因為道料理太過好食,食到見哂底都仲未夠喉? 生咗大食積嘅你地有福啦,今次將會為你地介紹5道喺東京食到嘅超滿瀉絕品料理,我敢寫包單,今次一定係你一生中覺得最飽足嘅一餐!   1. かぶ丼@くいしんんぼうがぶ (¥1,300)     呢碗牛肉飯係呢間餐廳嘅名物,牛肉舖到滿哂都不特止,仲垂哂出去個碗出面添!店方話呢碗飯嘅肉有180g重,數一數足足有成50塊牛肉,真係好誇張啊。啲牛肉睇落雖然好似乾柴柴,但其實師傅火侯掌握得好好,每一塊都係呈現粉紅色,食落口超級JUICY,加埋啲胡椒粒吊味,肉味更加突出!留意返,呢間餐廳每日都有超多人為咗呢碗牛肉飯而嚟,所以好早就會賣哂,有心嚟食就記得早少少啦!   喺武蔵小山站行5分鐘倒就會見到呢間舖㗎啦!   如唔想試多幾種唔同肉,可以點呢個「五種の肉ちらし」,肉量一樣係好驚人!   くいしんぼう がぶ 地址:東京都目黑區目黑本町 3-7-9 電話:03-5722-1766 營業時間:11:30~13:30、18:00〜21:30 休息:星期六   ================= 2.
08
Oct 16
02:57
博客

新鮮都無咁鮮!試食豐洲水産海鮮丼專門店

  香港人鍾意食魚生已經係常識,如若見到係「築地直送」更加會兩眼發光,但往往會發現始終食唔到「築地的味道」。原來,所謂嘅「築地直送」,都不過係向批發商攞貨,其實根本唔算「直送」,難怪呢間「豐洲水產海鮮丼專門店」一開業,即刻重現一蘭首次係香港開業嘅誇張景象,不但排晒長龍,更成為各大傳媒嘅追訪對象!全因呢間由伊藤紘明開嘅豐洲水產海鮮丼專門店,係香港首間海外直營嘅海鮮丼專門店,所有海鮮都會以零下60度嘅冷凍方法急速飛到港,分分鐘仲新鮮過日本啲刺身店,真正做到‧築‧地‧直‧送!     不過到底,係咪真係值得大家排2、3個鐘,就係為咗一嘗新鮮海產?就等我試食睇吓究竟係咪真係咁好味!     門面其實唔大,只係坐到40人左右,不過唔迫,而且乾淨舒服。     第一個要試嘅,係人氣最高嘅【豊洲海鮮丼】。($368 港元) 豐洲海鮮丼係25款丼之中最多海鮮最colorful嘅一款,當中包括牡丹蝦、甜蝦、帆立貝、鮪魚(赤身及腹身)、香蔥鮪魚腩、油甘魚、醋鯖魚、海膽、山芋粒、鮮海草、三文魚子、皇帝蟹肉等10款以上食材,理論上絕對足料,不過唔知點解賣相望落無網上睇到嘅咁豐盛...
06
Jan 17
23:31
博客

【勁量級「海鮮塔丼飯」】 未食眼睛先興奮!

要食好野,緊係要去遠少少㗎啦!呢間位於福岡博多站駕車10分距離嘅「海輪亭」嘅海鮮塔丼飯「特上海鮮丼」無論係價錢定賣相都極度吸睛,¥1,800就可以一次過食到爆多新鮮好料,抵食到喊!不過提提大家,呢個丼飯只會喺上午11點半到下午1點半呢段午飯時段供應,唔好去錯時間!     「海輪亭」雖然下午專供丼飯同定食,但一到晚上就會搖身一變成為炭火燒肉同海鮮七輛燒專門店,風味同午飯時段截然不同。     當日定食嘅Menu嘅選擇其實唔算好多,不過都足以令你選擇困難,有鹽燒秋都魚定食、燒豚肉定食、炸豬扒定食、炸魚定食、炸蠔定食、三文魚籽丼,但呢啲通通唔係今次目標!     如果熟食唔係你杯茶,呢個Menu仲有好多唔同種類嘅海鮮丼,而今日嘅Target「特上海鮮丼」就喺左上角啦!     (°Д゚;) 咩事!?係咪海鮮唔使錢!!   個丼一上枱一定會唔小心嘩
26
Aug 16
19:23
博客

[胃食日本] 燒牛肉丼升級版!兩年都仲排緊長龍RedRock 黑毛和牛丼〜

最近依幾年日本吹起燒牛肉丼風, 突然多咗好多間專門又或者可以食到燒牛肉丼嘅鋪, 但唔係一定間間好食   講出名,Redrock係日本數一數二, 開咗近兩年都仲可以日日見到長龍, 而佢嘅招牌燒牛肉丼就好多人食過, 今日就想介紹佢更加好食嘅升級版黑毛和牛丼!       今次去嘅係比較新開嘅原宿店, 通過咗竹下通之後過馬路轉左直行就會見到 店鋪11點半開門, 知道要排隊,我已經11點去到,但係..   已經好多人(可能因為前幾日都落雨..)   大約等咗45分鐘左右終於見到門口 笑 排到就黎入去之前就可以買食卷, 一般最多人點嘅係燒牛肉丼(880yen)又或者係牛排丼(950yen) 但係我有個朋友話和牛版又係另一個境界..笑 所以今日就點比較少人點嘅黑毛和牛燒牛肉丼(1600yen)~
27
Oct 16
02:14
博客

【帶你食好野!】渋谷後巷中的海鮮店

呢間位於渋谷嘅「和田丸」真係超唔容易搵,千辛萬苦搵到個招牌又唔知個入口喺邊,原來個門口同個招牌有少少距離,要上幾級樓梯先會見到度門,真係唔話佢係隱世小店都唔得。咁難搵都推介畀大家,入面當然係有好野食啦!   要去呢間小店食野真係要落足眼力,招牌係唔起眼到你行過咗龍行返轉頭搵都未必搵到!   既然話得係小店,入面嘅座位緊係唔多。附近嘅上班族好似都知道呢度有好野食咁,一到lunch hour呢度一定會坐滿哂附近返工嘅人,所以如果唔想等位,又唔想嚟到先發現呢樣又冇嗰樣又賣哂嘅話,大家最好早啲嚟等開門就入去食。   唔知係咪日日都會換menu,因為menu上面寫住咗當日嘅日期。   店入面大部份海鮮飯都獲得高度嘅評價,好似呢個辛辣海鮮丼「ピリ辛海鮮丼」,入面有紅魽魚、吞拿魚蓉、墨魚同一隻半熟嘅溫泉蛋,加埋店家秘製嘅辣汁,呢個海鮮飯係唔使再加醬油同wasabi都已經好好味!  
10
Jan 17
22:16
新聞

【一地雲集全國祭典.美食】盡情感受日本「故鄉之味」

去日本目標就係喪玩同喪食,如果想一次過食盡代表性美食,今次係一個有個好機會!呢個「ふるさと祭り東京2017」唔單止雲集日本全國各地美食,仲將各地大大小小嘅祭典搬入場內,畀所有入場嘅來賓唔使山長水遠走嚟走去都可以睇到七彩花車同精彩舞蹈,感受到唔同祭典各具特色嘅氣氛!   各地祭典表演:   喺活動期間,唔同日子都有唔同嘅祭典表演,短短9日就邀請咗16個單位喺場內演出,當中有唔少都極吸引,想親身感受日本祭典熱鬧嘅氣氛的話一定唔可以錯過!   1. 青森ねぶた祭 (1月11日~1月15日)     呢個「青森ねぶた祭 」喺每年8月都會於青森舉行,參加嘅觀光客多達300萬人以上,屬日本數一數二嘅大型祭典!活動期間佢地將會將祭典搬入場內,喺「Rassera Rassera」嘅吶喊聲中將氣氛推到最高。   2. 弘前ねぷたまつり(1月7日~1月10日)     呢個祭典嘅最大特色,係佢地以三國志同水滸傳等為題材打造出80台大大小小嘅花車,一邊叫住「Yayado」一邊跳住傳統祭典舞蹈去趕走睡魔,喺昭和50年(1975)更加被指定為重要無形民俗文化財產,可以喺呢度欣賞到
18
Oct 16
02:07
博客

【食乜好】去北海道食激正豪華海鮮丼!

  就到冬天啦,又係去北海道玩雪嘅時候!除咗玩雪,最開心就係可以食到又唔貴又新鮮嘅海鮮丼,真係好味到日日食都唔會厭。想去啲地道啲嘅舖頭我有好介紹,以下落嚟呢5個海鮮丼唔知會唔會成為你更想去北海度嘅一大原因呢?     1. 自選三色丼@Kikuyo食堂     呢間舖勁出名食海鮮丼飯,本店同支店開到中午就會收舖,如果你唔係早起一族但又好想試吓,可以嚟呢間位於函館bay美食俱樂部入面嘅分店,因為佢地有lunch menu,咁就唔使晨咁早走去食。不過要留意,因為呢間店勁出名,lunch hour出面一定會排哂長龍,想食好野就要做定心理準備!   最多人點嘅係呢個自選三色丼,¥1,680就可以喺海膽、三文魚籽、帆立貝、蟹肉、蝦、鮭魚入面揀3款,好抵食!仲有,佢地lunch同dinner同一樣價錢,所以大家想晏奏去又得,夜晚去又得。   店方好貼心,為小朋友特設兒童menu,¥500有得揀三文魚籽、蟹肉同鮭魚,份量比正常細少少,啱哂小朋友個胃仔。   間舖都幾大,有20個COUNTER位同56個正常座位,不過一到lunch同dinner時間都係會瞬間爆滿!   きくよ食堂 ベイエ
10
Feb 17
02:10
博客

【碳烤香味遠遠都聞到!】帶你去關東食「北海道名物」!

早幾日介紹過北海道十大必食名物,當中嘅「豚丼」真係隔住個Mon都勁想將佢吞落肚!不過當知道要去到北海道咁遠先食到係咪又有啲想褪軚?唔使唔開心住,日本地大脈搏,美食又點食局限喺一個地方先食到!     今次帶大家嚟到位於東京附近嘅埼玉縣嘅「野さか」,由西武秩父站行過去大概只需5分鐘,附近又有停車場,點去都好方便!呢度嘅豚肉真係香得好誇張,即使仲有10步先到門口,碳燒豚肉嘅香味已經撲鼻而來,聞到呢陣味個肚即時打鼓!     一入門口就會見到呢個餐牌,選擇其實唔多,得背脊肉「ロース肉のみ使用した丼」、肋骨位置嘅肉「バラ肉のみ使用した丼」同兩種肉嘅mix version「ロース肉とバラ肉がミックスされた丼」,第一次來的話店方極力推介mix version,可以一次過試哂兩種肉嘅分別。     諗好食乜野就可以去部機度買食券,留意返呢間舖頭假日真係超超超多人,唔想排成個幾兩個鐘先有得食,可以選擇平日接近關門嘅時間去。     呢度每日嘅營業時間只有短短4個鐘,不過高峰期試過一日大