中華料理
24
Dec 16
09:38
新聞

雞年出雞包~ Lawson推超可愛「炸雞君雞包」迎新年!

日本便利店Lawson將會於12月31日號起推出全國限定40萬個嘅照燒雞味「炸雞君雞包」(194Yen),用嚟慶祝2017年踏入雞年呢!   睇下個造型幾可愛!!   「炸雞君」其實就係Lawson好出名一盒盒一啖size嘅炸雞,尤其係年輕人一代廣受歡迎。今年係商品推出30週年,就特意推出呢款特別版「雞包」。   包入面有size容易入口嘅燒雞肉,配上特色Teriyaki照燒雞汁,再加上呢個咁可愛嘅造型,相信大人細路都會好想買個返黎食呢!   買左之後會唔忍心切開個包呀~~   連包裝紙都係雞!   資料來源:Twitter @mognavi
23
Nov 16
19:40
博客

【細膽啲都畀佢嚇一跳!】4間古靈精怪日本餐廳

香港有間餐廳出哂名食野唔準玩電話又唔準食剩野,老闆娘鬧人鬧到街知巷聞,仲上哂報紙添!不過並冇因為咁而鬧走哂啲客, 大家反而覺得老闆娘好似阿媽咁鬧佢地好親切,好多人都為咗想畀佢鬧吓而特登去添。   類似嘅餐廳,原來日本都有,奇怪嘅規矩反而成為咗餐廳賣點,好似以下幾間,唔做定心理準備入到去可能真係會嚇一跳!   1. 唔準講野唔準講電話@牛丼専門サンボ     呢間專食牛肉飯嘅Sanbo已經有成30年歷史,上網一查佢個名,第一時間出現嘅並唔係話佢好好食嘅食評,而係話個老闆娘好惡,入去食野好多規矩,好似個袋要放地下、食野唔準用電話、唔準大聲講野、唔準喺店入面飲樽裝飲品、食完要即刻走等等,一犯規老闆娘就會大聲鬧人。不過老闆娘鬧唔鬧人都幾睇佢當日心情,因為有人試過大聲咗少少講野就畀佢鬧爆,但有人喺佢視線範圍喪玩電話都冇事。   叫得做牛肉丼專門店,牛肉飯嘅質素當然有返咁上下!牛肉整得好入味,白飯亦吸哂牛肉汁精華,加上份量都幾大,食完一碗超滿足。   店入面大大張紙寫明話唔準用電話,