上野
11
Oct 16
05:41
博客

懸掛式單軌電車、飛一般嘅體驗

係上野動物園入面個個懸掛式單軌電車大家只會覺得似遊樂設施 其實係東京都係50年代研發、用黎改善東京都交通。所以真名係東京都交通局上野懸垂線。 造成懸掛式係因為路面電車會做成交通擠塞、地下鐵成本過高、而普通嘅單軌鐵道又因路軌高度過低、重心過高、離心力太強而影響左舒適度、所以参考左德國伍珀塔爾空中鐵路而設計出上野式單軌電車。 但係結果東京都無再起新單軌鐵道。。。 係另一方面、 東京下面嘅神奈川大船地區 就因為地方工業三菱重工想出售其下懸掛式單軌技術、就起左湘南單軌江之島線(大船至湘南江之島)   車長有段時間經常去江之島、通常坐JR去到大船再轉湘南單軌。 有個Pass幾好用(鎌倉-江ノ島パス(JR)包江之電全線任坐、湘南單軌全線任坐同JR横須賀線大船⇔鎌倉任坐)、 坐湘南單軌去江之島係最快~~ 坐湘南單軌似飛緊多過坐鐵道、好得意 個人認為佢係香港西港島線最好嘅選擇 原因
30
Jun 16
18:31
博客

【思人導遊】「超充實」玩樂×購物之旅@上野・浅草AREA

今次呢個行程豐富咯,我地會去三個地方---仲御徒町>上野>浅草。實行要玩樂有玩樂,要食有得食,要買有得買嘅一日旅程!所以當你真係跟住我嘅路線去,記得帶定多D啲money啦!呢個行程比較適合逗留喺日本一星期內嘅朋友,因為有DD走馬看花,每個地方都只係行三份一日咁多。好似上野咁,雖然行程裡面已經有4個景點,但其實上野仲有好多同傳統文化有關嘅地方(東京國立博物館、國立西洋美術館等)係行程無嘅。由於今次行程以香港人最愛嘅食玩買為主線,所以都要有D取捨,除非你去東京成個月嫁啫係咪?   好啦,即刻講下個行程!交通方面都係好易明,今次我地唔搭JR,而係搭東京Metro。首先我地第一站係去到仲御徒町,之後搭日比谷線去上野。再之後就搭銀座線去浅草(如圖)。剩係計車程其實好近,加埋D上落車等車時間,十幾分鐘已經搞掂!   【09:45~10:30】珈琲家 東上野店   呢間店其實係出名咖啡,但因為我個人對咖啡無乜興趣,所以就唔小心focus左喺佢個熱香餅到啦!   嘩你睇下....真係見到都覺得鬆鬆軟軟好好食咁啦!呢到嘅熱香餅一塊300円,
26
May 16
23:11
新聞

上野樹里宣布 與樂隊主音和田唱結婚!

人稱野田妹,演過多個讓人難忘日劇角色嘅上野樹里剛剛喺5月26日發信公佈與40歲日本樂隊TRICERATOPS主音和田唱結婚。 除此之外,上野樹里仲係自己IG上載咗同老公慶祝自己30歲生日嘅合照,超sweet!   (IG:@_juri_art_) 之前被傳媒揭發拍拖半年,依家仲正式公佈婚訊。上野樹里IG Caption仲話自己成日收到好多粉絲嘅信,擔心自己幸唔幸福、係咪真係會因為演藝事業唔結婚,其實好幸福嘅佢終於搵到個機會同大家講,實在好開心添!仲話無任何事比可以同一個咁出色嘅伴侶一齊生活更加開心,哇唔得啦睇到我盲喇~但真係好開心上野樹里搵到自己嘅幸福呢~希望嚟緊都會繼續拍好多好戲畀大家睇啦! 你又最鍾意佢邊套戲呢?   兩位結婚收到嘅結婚恭喜卡,好靚呀!祝呢對新人幸福快樂
18
Jan 17
20:14
新聞

上野熊貓發情帶挈股價急上升?!

尋日,日本電視台NHK就報道喺上野動物園內嘅熊貓力力(雄性)同真真(雌性)步入發情期,有機會今年再度繁殖!兩隻11歲嘅熊貓對上一次係2012年交配成功生BB嘅~之後都冇乜動靜,所以今次女仔嘅真真再次出現發情先兆令園方非常驚喜,並開始為兩隻熊貓嘅繁殖作出準備。     最搞笑嘅係,知道消息之後最開心嘅並唔係熊貓迷或者動物園方,而係因為呢單新聞帶挈股價直線上升嘅一間專門開中華料理店嘅「東天紅」股票公司!一日內首先比前日股價升幅達14.3%(192Yen),成為本年度最高紀錄。後來回穩後收市報168Yen,升幅仍然有6.3%!點解呢?原來東天紅嘅餐廳位於離上野動物園好近嘅不忍池,如果熊貓成功再生BB,將會引嚟大量遊客入園觀光,增加附近人流。     真係唔可以睇少熊貓生殖帶嚟嘅經濟利益...力力真真你地要加油呀XD 睇番幾年前兩隻熊貓交配被報導嘅片段:
07
Dec 16
20:31
新聞

歡迎通往另一個世界,JR東日本上野站13.5號月台!

JR東日本喺12月6日決定為旗下游輪列車TRAIN SUITE 四季島,喺上野站加設一個專用月台。個月台同様地帶你通往另一個世界,唔係魔法,而係超豪華!   同樣只有特定嘅人士先可以使用嘅專用月台!同某小説/電影喺倫敦國王十字車站有異曲同音之妙。不過車長唔知倫敦係咪真係有9又○○○月台,但可以肯定上野站嘅所謂嘅13.5號月台其實係一直肯定存在。只不過家下因為TRAIN SUITE 四季島而正式加返個名。個月台位於13及14號月台之間,原本係載客及貨物兼用列車嘅貨物專用月台。喺1986年之後日本國有鐵路停止幫日本郵政服務後,就無再大規模咁用呢個月台。只係下午一班列車其中一卡用黎送新聞時會用到呢個貨物專用月台。   現在所謂上野站嘅13.5號月台(貨物專用月台)   新聞輸送列車   下年5月游輪列車TRAIN SUITE 四季島開始運行個陣,呢個13.5號月台亦會投入服務。 帶大家去睇睇未來嘅13.5號月台先!   呢度就係13.5號月台入口喇!  
07
Apr 16
02:03
博客

[不敗日記]我在上野公園櫻花之中找到快樂

唔知大家信唔信緣分嘅呢? 經過上一次係某地方,俾我遇上㗎仔「周國賢」,仲要一齊睇東京鐵塔。 我就開始相信緣分!   「從來也沒試過這種心動」   3月23日,我同Mika去咗上野公園玩~ 可能你會話「上野公園有咩好玩呀?」 又或者會話「櫻花有咩好睇呀?可以做d咩呢?」   去睇櫻花,重點唔係d櫻花開得有幾多有幾靚, 而係企係你身邊同你一齊睇櫻花嘅人係邊個!   正當我同Mika玩緊既時侯,㗎仔突然send咗個msg,佢同我講佢嚟咗上!野!公!園! 上次同佢一齊睇過東京鐵塔,咁我梗係想同佢睇埋櫻花㗎啦!!!     於是就同佢玩緣分遊戲,憑佢send俾我嘅一張櫻花相, 我要係上野公園到搵到佢係邊!!! 於是我就望住手機張相,周圍搵櫻花,一搵到櫻花樹就同張相拼吓。     搵極都搵唔到,成個公園可以睇櫻花嘅地方都幾乎俾我行哂喇… 但係都係見唔到佢,真係好心灰。 個時,Mika同我講︰「算啦!可能佢係網上求其dl張相落嚟呃你㗎咋!」 我相信佢係唔會呃我㗎! 所以,我堅持繼續搵落去!!!  
25
Nov 16
08:18
博客

【初心者東京自遊行秘笈】LikeJapan4日3夜建議行程(DAY4)

【初心者東京自遊行秘笈】LikeJapan4日3夜建議行程(DAY 4)淺草、晴空塔及成田機場落車篇!   第4日嘅推介行程係假設讀者要由成田機場坐18:00嘅夜機返香港,16:00前要抵達成田機場,所以緊記最少飛機起飛前3個小時前(即係下午3點)就要到達「京成上野站」坐火車去成田機場。   由於扣除車程實際只有4小時左右可以漫遊,所以除非讀者係好早去淺草,否則都應該行唔晒兩個地方。於是就決定提供兩個方案俾大家選擇,覺得東京好玩嘅,咪下次去埋另一個囉,旅行唔留啲遺憾就冇動力下次再去啦XD   想睇返第1日行程的話,可以去呢度 第2日行程的話,可以去呢度 而第3日行程的話,可以去呢度   Plan A~淺草行晒全日!~ 品川➡︎上野➡︎淺草➡︎上野➡︎成田機場   前往淺草,可以跟循以下路線 (370日圚/車程約30至35分鐘): 由JR品川站坐東海道本線/山手線或京濱東北線(東京方向)前往上野站(車程約16-18分鐘,車費為200円。)   於車尾落車,經「不忍改札」出站。行去京成上野站放低行李。 (為免
01
Nov 16
01:48
博客

日本電車大都市同近郊大不同之關返道門呀!

日本嘅冬天又黎喇~~呢幾日都得最低得12-3度! 咁日本嘅電車一向都有暖氣保暖(車長認為唔止暖,係熱氣) 咁近郊地方嘅電車仲多様功能叫半自動門。 東京的話,中央線快速,湘南新宿線,上野東京線,横須賀総武線快速 ,常磐線…等等都有㗎 喺車門外面右邊有個開門掣,好似下面張圖咁: 喺冬天時遠少少嘅地方為左保暖,車門喺唔會自己開嘅~~ 係為左唔使開晒全車嘅門,唔使令無人用嘅門都打開,等寒風冷雪吹入車箱, 咁上面個開門掣就會著咗緑色燈,你要自己襟先會開門嘅~~ 入咗車内右邊都有個開門關門掣,好似下面張圖咁: 為咗大家保暖,要襟返個關門掣關返道門,令寒風冷雪唔使吹入車箱, 香港係從來無啲咁嘅野,所以大家都好可能唔知。 所以大家喺冬天時坐電車,無開門的話就睇下有無開門關門掣喇! 咁落車點呀?出面無個關門掣喎~~ 埋站前留意一吓,個一卡最頭道門有無人等落車,不過通常大家會喺最頭個卡最頭道門落戓個一卡最頭個道門落車 唔洗
08
Apr 16
23:20
博客

幫你慳到盡!東京藥妝店大比價2016

去日本我就真係好鍾意行藥妝店,但咁多間究竟邊間最平最抵買呢?見到網上有好多至抵藥妝店推介,當中東京最多人講嘅一定係上野嘅"OS DRUG",而另外池袋同吉祥寺嘅藥妝店都話出名抵,咁究竟邊間先係最抵?我呢個"慳家達人"決定搵個答案出黎!!   我分別喺2016年嘅1月同3月,兩度嚟到東京嘅8間藥妝店記錄藥妝價錢,8間藥妝店分別係:   1.上野OS DRUG 「網友公認平嘅藥妝店,一定要去啦」 2.上野松本清(上野アメ横Part1店) 「純粹搵多間上野藥妝店比較」 3.池袋SUNDRUG(池袋東口店) 「亦係一間網上好多人推薦嘅平價藥妝店」 4.池袋松本清(東口店) 「純粹搵多間池袋藥妝店比較」 5.吉祥寺SUNDRUG(サンロ-ド店) 「AGAIN亦係一間網上好多人推薦嘅平價藥妝店」 6.吉祥寺松本清(サンロード店) 「發覺好似都幾平咁」 7.吉祥寺ココカラファイン (サンロード店) 「又係發覺好似都幾平咁」 8.新宿DAIKOKU(歌舞伎町一丁目店) 「呢間係一直去開覺得幾平」   而2次嘅"考察"