公共事業嘅PR一向都俾人一本正經嘅感覺，通常就算係拍廣告，唔係搵條友講一大堆冇咩人聽得明嘅知識，就係一個又一個得拍嗰個覺得感動嘅故事，又或者隨便交代一個普通嘅過場就算，好似喺日本網絡算曾經出名過，被笑稱全個廣告除咗不停響自己朵之外根本冇其他內容入到腦嘅「日本關西電氣保安協會」。
其實個保安君都仲叫有印象嘅……
不過唔知係咪俾人笑得多，「日本關西電氣保安協會」今次就真係索性玩大佢，有見於最近幾年啲新‧哥斯拉呀、復仇者聯盟嗰堆嘢堅受歡迎，「日本關西電氣保安協會」決定向日本最傳統嘅「國技」埋手，佢地拍‧特‧攝‧片！
不過就真係唔好睇小好似係小朋友向嘅特攝片，如果有心拍，特技加多兩錢肉緊，真係唔會差得去邊，以下呢條片就係一個好好既例子！：
唔識日文既朋友隨時以為佢真係一套就黎上映既電影呀，邊度似係「係專門喺關西地區檢查電力安全既協會「關西電氣保安協會」為左做PR而拍嘅一條宣傳片」？
雖然擺到明拍完就算唔多似會有下文，不過質素有目共睹，雖然橋段略嫌老土，不過靠隻怪獸既造型同埋特技，咁多演員既演出，搞到咁大陣丈，班特攝迷好難唔鬼死咁high啦。
關西電氣保安協會仲特登整埋個網站比有興趣既人睇埋預告片既角色介紹同怪人設定添
真係好有HEART，人物設定、世界觀樣做足，隨時真係有得同出名做宣傳片嘅育碧有得FIGHT！ 仲要堆角色係可以砌返個「關西電氣保安協會」出來XD
不過話時話，嗰隻叫做保安君既腹語公仔真係好鬼得人驚，下次唔拍特攝拍恐佈片都ok喎…
About Post Author
