東武小新號出記念模型

東武小新號出記念模型

之前車長我有講過,東武為咗記念蠟筆小新25週年,而喺田園都市線,半蔵門線同伊勢崎線安排咗5列蠟筆小新號行走。
家下決定咗出模型喇!分為展示版本同行走版本。
 
展示版本有齊5列蠟筆小新號最頭個卡,就無車頭燈純裝飾用。
預計今年5月初出售,售價為17700円。
東武小新號出記念模型
 
而N系1比160行走版本就係分返開5列出售。
5列小新號都分為6卡基本同4卡中間車。
6卡基本就連頭尾2卡車頭同動力車,售價為26200円。
而4卡中間車就無動力車,售價為13600円。
即係要好似真車的話就要買6卡基本同4卡中間車,一共39800円。
買晒5列小新號就要近200000円。
東武小新號出記念模型
 
想知真車小新號資料,就要參考車長以前報過嘅新聞㗎!
大家可以Click下面Link睇睇。
 
小新Fans唔好錯過呀!
不過香港要買呢個GreenMax牌子嘅模型比較難,想要的話都係直接用可以送香港嘅網店比較好。