不入「虎穴」焉得妻子!? 「虎穴」推婚活網站「虎婚」

「不入虎穴，焉得本子？」係小編一位朋友嘅口頭禪。的確以收本子嚟講(唔知咩係本子嘅朋友請不要問……這些東西知道冇咩好處(煙…))，不過最近興業務多元化，今次「虎穴」亦睇中咗宅宅市場嘅需要，提供一項新嘅服務……「婚姻介紹」!?

雖然其實今時今日有好多宅宅其實都有老婆有女，不過平時好多宅宅連搵朋友都要夾電波啦，何況係另一半？ 所以今次呢壇嘢又唔可以話冇得做喎。今次「虎穴」搞嘅婚姻介紹公司「とら婚」，就係為幫大家「對電波」而設。

想喺呢個網站登記，首先你要接受宅度測試，主要都係睇你深度、花幾多時間同喜歡作品及角色等等，當然基本個人資料同收入等就唔少得。而佢會員都有分好幾種喎，由免費到廿萬日圓入會費都有，月費亦由10000-15000日圓都有(未計成功結婚嘅感謝費)，真係少尐錢都唔敢做宅，話宅宅係冇錢嗰個真係唔該行出嚟。

高級會員當然就有更多服務啦，除咗有個人電話同面對面支援外，連「とら婚」搞活動、搞相親都可以優先參加。而「とら婚」嘅第一個活動(3月18日舉行)就已經爆晒(4對4係快啲爆嘅…)。